ಮಹಿಳೆಯ ಸೌಂದರ್ಯಕ್ಕೆ ಬಿದ್ದ 70ರ ಅಜ್ಜ.! ಕಳೆದುಕೊಂಡಿದ್ದು ಒಂದು ಲಕ್ಷ.!
ಅಶ್ವಸೂರ್ಯ/ಶಿವಮೊಗ್ಗ: ಫೇಸ್‌ಬುಕ್‌ ಸುಂದರಿಯ ಬೆನ್ನಿಗೆ ಬಿದ್ದ 70ವರ್ಷದ ಅರ್ಚಕನೊಬ್ಬ.ಆಕೆಯ ಸೌಂದರ್ಯಕ್ಕೆ ಲಕ್ಷ ಲಕ್ಷ ಪಂಗನಾಮ ಹಾಕಿಸಿಕೊಂಡಿರವ ವಿಚಿತ್ರ ಘಟನೆಯೊಂದು ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲೂಕಿನ ಪಟ್ಟಸೋಮನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಂಡ್ಯದ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪಟ್ಟಸೋಮನಹಳ್ಳಿ ಗ್ರಾಮದ ಶಿವಶೈಲ ದೇಗುಲದ ಅರ್ಚಕ‌ರಾದ 70 ವರ್ಷ ವಯಸ್ಸಿನ ವಿಜಯ್ ಕುಮಾರ್ ಹಣ ಕಳೆದುಕೊಂಡ ಅರ್ಚಕರಾಗಿದ್ದಾರೆ.
ಮಂಡ್ಯ ಜಿಲ್ಲೆ ಪಾಂಡವಪುರ ತಾಲೂಕಿನ ಪಟ್ಟಸೋಮನಹಳ್ಳಿ ಗ್ರಾಮದ ಶಿವಶೈಲ ದೇಗುಲದ ಅರ್ಚಕ‌ರಾಗಿರುವ ವೃದ್ಧ ವಿಜಯ್ ಕುಮಾರ್ ಕುಟುಂಬದಿಂದ ದೂರವಾಗಿ ಒಬ್ಬರೇ ಪ್ರತ್ಯೇಕವಾಗಿ ವಾಸಿಸುತ್ತಿದ್ದರು. ಕೆಲದಿನಗಳ ಹಿಂದಷ್ಟೇ ಈ ವ್ಯಕ್ತಿಗೆ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ಸಿರಿ ಶ್ರೇಷ ಸರಿತಾ ಎಂಬ ಸುಂದರಿಯ ಪರಿಚಯವಾಗಿತ್ತು.
ಅರ್ಚಕ ವಿಜಯ್ ಕುಮಾರ್ ಫೇಸ್‌ಬುಕ್‌ನಲ್ಲಿ ಸುಂದರಿ ಜೊತೆ ಪ್ರತಿ ದಿನ ಚಾಟಿಂಗ್ ಮಾಡುತ್ತಿದ್ದರು. ಈ ರೀತಿ ಚಾಟಿಂಗ್ ಮೂಲಕವೇ ವಿಜಯ್ ಕುಮಾರ್ ಪೂರ್ವಾಪರ ಅರಿತ ಯುವತಿ ಮನೆಯ ಸಮಸ್ಯೆ, ಆರೋಗ್ಯ ಸಮಸ್ಯೆ ಎಂದು ಹೇಳುತ್ತಾ ಹಂತ-ಹಂತವಾಗಿ ಆತನಿಂದ ಲಕ್ಷಾಂತರ ರೂ. ಹಣ ಪಡೆದಿದ್ದಾಳೆ.
ಬಣ್ಣ ಬಣ್ಣದ ಮಾತುಗಳಿಂದ ಮರುಳಾದ 70 ವೃದ್ಧ. ಸುಂದರಿಯ ನುಲಿತದ ಮಾತು ನಂಬಿ ಫೋನ್ ಪೇ ಮೂಲಕ ಸುಮಾರು 1 ಲಕ್ಷದ 40 ಸಾವಿರ ರೂಪಾಯಿ ಹಣವನ್ನು ಆಕೆಯ ಅಕೌಂಟಿಂಗೆ ವರ್ಗಾಯಿಸಿದಗದಾರೆ. ಹಣ ಹಾಕಿದ ಮೇಲೆ ಅರ್ಚಕನಿಗೆ ಅದೇನು ಚಪಲವೊ ಭೇಟಿ ಆಗುವಂತೆ ಸುಂದರಿಗೆ ಒತ್ತಾಯಿಸಿದ್ದಾರೆ. ಸುಂದರಿಕೂಡ ಇಂದು ಬೇಟಿಯಾಗುತ್ತೇನೆ, ನಾಳೆ ಭೇಟಿಯಾಗುತ್ತೇನೆ ಎಂದು ಕಾಗೆ ಹಾರಿಸಿದ್ದಾಳೆ. ಎಪ್ಪತ್ತರ ಚಪಲದ ಮುದುಕನಿಗೆ ಸುಂದರವಾದ ಅಂಟಿಯು ಇಲ್ಲಾ ಇತ್ತ ಹಣವು ಇಲ್ಲದಂತ್ತಾಗಿತ್ತು.!ನಂತರ ಫೇಸ್‌ಬುಕ್‌ ಸುಂದರಿ ತನ್ನ ಅಕೌಂಟ್ ನಿಂದ ವಿಜಯ್ ಕುಮಾರ್ ಅವರನ್ನೇ ಬ್ಲಾಕ್ ಮಾಡಿ ಜೂಟ್ ಆಗಿದ್ದಾಳೆ.
ಫೇಸ್‌ಬುಕ್‌ ಸುಂದರಿಯು ಇಲ್ಲ ಅತ್ತ ಹಣವು ಹೋದ ಮೇಲೆ ನಾನು ಬಣ್ಣದ ಮಾತುಗಳನ್ನು ನಂಬಿ ಯಾಮಾರಿದ್ದು ಅರಿವಾಗಿದೆ ವಿಜಯ್ ಕುಮಾರಿಗೆ.ಈಗ ಚಪಲ ಚನ್ನಿಗರಾಯ ಅಜ್ಜ ಈಗ ಆಕೆಯಿಂದ ನನ್ನ ಹಣ ವಾಪಸ್ ಕೊಡಿಸುವಂತೆ ಪೊಲೀಸರ ಮೊರೆ ಹೋಗಿದ್ದಾರೆ.! ಈ ಸಂಬಂಧ ಮಂಡ್ಯದ ಸೈಬರ್ ಕ್ರೈಮ್ ಪೊಲೀಸರಿಗೆ ಅರ್ಚಕ ವಿಜಯ್ ಕುಮಾರ್ ದೂರು ನೀಡಿದ್ದಾರೆ.
