ಪ್ರೀತಿಸಿದವಳನ್ನೆ ವಿಕೃತವಾಗಿ ಹತ್ಯೆಗೈದ ಪ್ರೇಮಿ ಸೃಜನ್..! ಪ್ರೀಯತಮೆಯನ್ನೆ ಹತ್ಯೆಮಾಡಿದ ಆರೋಪಿ ಸೃಜನ್ ನನ್ನು ಬಂಧಿಸಿದ ಪೋಲಿಸರು
ಅಶ್ವಸೂರ್ಯ/ಶಿವಮೊಗ್ಗ : ಪರಸ್ಪರ ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದ ಪ್ರೇಮಿಗಳ ನಡುವೆ ಪ್ರಿಯತಮ ಯುವಕ ತನ್ನ ಪ್ರಿಯತಮೆಯ ಕತ್ತು ಹಿಸುಕಿ ಕೊಲೆ ಮಾಡಿರುವ ವಿಚಿತ್ರ ಘಟನೆಯೊಂದು ಜಿಲ್ಲೆಯ ಹೊಸನಗರ ತಾಲೂಕಿನ ಹೆದ್ದಾರಿಪುರ ಗ್ರಾಮದಲ್ಲಿ ನಡೆದಿದೆ.
ಆರೋಪಿ ಸೃಜನ್
ಕೊಲೆಯಾದ ಯುವತಿಯನ್ನು ಕೊಪ್ಪ ಮೂಲದ ಸೌಮ್ಯ ಎಂದು ಗುರುತಿಸಲಾಗಿದ್ದು ಈ ಪ್ರಕರಣ ಸಂಬಂಧ ಶಿವಮೊಗ್ಗ ಜಿಲ್ಲೆಯ ಸಾಗರ ಮೂಲದ ಆರೋಪಿ ಸೃಜನ್ ಎಂಬಾತನ್ನು ಪೊಲೀಸರು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ ಎಂದು ತಿಳಿದು ಬಂದಿದೆ.
ಹತ್ಯೆಯಾದ ಯುವತಿ ಸೌಮ್ಯ
ಪ್ರಕರಣದ ಹಿನ್ನಲೆ :
ತೀರ್ಥಹಳ್ಳಿ ನಗರದ ಫೈನಾನ್ಸ್ ವೊಂದರಲ್ಲಿ ಕೆಲಸ ಮಾಡುತ್ತಿದ್ದ ಸೃಜನ್‌ಗೆ ನರ್ಸಿಂಗ್ ವ್ಯಾಸಂಗ ಮಾಡುತ್ತಿದ್ದ ಸೌಮ್ಯ ಎಂಬಾಕೆಯ ಪರಿಚಿತವಾಗಿತ್ತು. ಫೈನಾನ್ಸ್ ವೊಂದರಲ್ಲಿ ಕೆಲಸ ಮಾಡುತ್ತಿದ್ದರಿಂದ ಸೃಜನ್ ಕೊಪ್ಪ ಪಟ್ಟಣಕ್ಕೆ ಹಣ ವಸೂಲಿಗೆ ಆಗಾಗ ಹೋಗುತ್ತಿದ್ದನಂತೆ. ಈ ವೇಳೆ ಸೃಜನ್ ಗೆ ಸೌಮ್ಯಳ ಪರಿಚಯವಾಗಿದೆ ಪರಿಚಯ ಅತಿಯಾಗಿ ಅದು ಪ್ರೀತಿಗೆ ತಿರುಗಿದೆ. ಇಬ್ಬರದ್ದೂ ಬೇರೆ ಬೇರೆ ಸಮುದಾಯವಾಗಿದ್ದರಿಂದ ಸೃಜನ್ ಮನೆಯಲ್ಲಿ ಇವರಿಬ್ಬರ ಮದುವೆಗೆ ನಿರಾಕರಿಸಿದ್ದರು ಎನ್ನಲಾಗಿದೆ. ಇದೇ ವೇಳೆ ಯುವತಿ ಸೌಮ್ಯ ತೀರ್ಥಹಳ್ಳಿಗೆ ಹೋಗುತ್ತೇನೆ ಎಂದು ಮನೆಯಲ್ಲಿ ಹೇಳಿ ಜುಲೈ.2ರಂದು ಕೊಪ್ಪದಿಂದ ತೀರ್ಥಹಳ್ಳಿಗೆ ಬಂದಿದ್ದಳು ಎಂದು ತಿಳಿದು ಬಂದಿದೆ. ಬಳಿಕ ತನ್ನ ಪ್ರಿಯತಮನನ್ನು ಭೇಟಿ ಮಾಡಿ ಮನೆಗೆ ಕರೆದುಕೊಂಡು ಹೋಗುವಂತೆ ಒತ್ತಡ ಹಾಕಿದ್ದಾಳೆ. ನಿಮ್ಮ ಮನೆಗೆ ವಾಪಸ್ ಹೋಗು ಎಂದು ಸೃಜನ್ ಮನವೊಲಿಸಲು ಪ್ರಯತ್ನಿಸಿದ್ದಾನೆ ಎನ್ನಲಾಗಿದೆ. ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದು ಜಗಳವಾಗಿದ್ದು, ಕೋಪಗೊಂಡ ಸೃಜನ್ ಸೌಮ್ಯಳ ಮೇಲೆ ಹಲ್ಲೆ ಮಾಡಿ ಬಳಿಕ ಆಕೆಯ ಕತ್ತು ಹಿಸುಕಿದ ಪರಿಣಾಮ ಯುವತಿ ಸ್ಥಳದಲ್ಲೇ ಸಾವನಪ್ಪಿದ್ದಾಳೆಂದು ತಿಳಿದು ಬಂದಿದೆ.
ಮನೆಯಿಂದ ಹೊರಹೋದ ಮಗಳು ಮನೆಗೆ ಹಿಂದಿರುಗಿ ಬಾರದಿದ್ದ ಕಾರಣಕ್ಕೆ ಗಾಬರಿಗೊಂಡ ಹೆತ್ತವರು ನಮ್ಮ ಮಗಳು ಕಾಣೆಯಾಗಿದ್ದಾಳೆ ಎಂದು ಈ ಬಗ್ಗೆ ಕೊಪ್ಪ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಯುವಕ ಸೃಜನ್‌ನನ್ನು ಹುಡುಕಿಕೊಂಡು ಸಾಗರಕ್ಕೆ ಬಂದಿದ್ದು ಅನುಮಾನವಿದ್ದ ಕಾರಣಕ್ಕೆ ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.ಪೋಲಿಸರನ್ನು ನೋಡುತ್ತಿದ್ದಂತೆ ನಡುಗಿ ಹೋಗಿದ್ದ ಪಾಗಲ್ ಪ್ರೇಮಿ ಸೃಜನ್ ಬಾಯಿಬಿಟ್ಟಿದ್ದಾನೆ.! ಯುವತಿಯನ್ನು ಕೊಲೆ ಮಾಡಿ ಹೂತಿಟ್ಟಿರುವ ಬಗ್ಗೆ ಪೊಲೀಸರ ಮುಂದೆ ಎಳೆ ಎಳೆಯಾಗಿ ಎಲ್ಲವನ್ನೂ ಒದರಿದ್ದಾನೆ.
ಸೌಮ್ಯ ತೀರ್ಥಹಳ್ಳಿಯಲ್ಲಿ ಮಾತು ಕೇಳದೆ ಇದ್ದಾಗ ನೆರವಾಗಿ ಆಕೆಯನ್ನು ಹೆದ್ದಾರಿಪುರಕ್ಕೆ ಕರೆದುಕೊಂಡು ಬಂದು ಸಮಾಧಾನ ಮಾಡಲು ಯತ್ನಿಸಿದ್ದಾನೆ ಆದರೆ ಆಕೆ ಕೇಳುವ ಪರಿಸ್ಥಿತಿಯಲ್ಲಿ ಇರಲಿಲ್ಲ ಕಾರಣ ಆಕೆಗೆ ಅವನ ಮೇಲೆ ಅನುಮಾನ ಬಂದಿತ್ತು ಸೃಜನ್ ನನ್ನನ್ನು ದೂರ ಮಾಡಲು ಯತ್ನಿಸುತಿದ್ದಾನೆ ಎನ್ನುವುದು ಸೌಮ್ಯಳಿಗೆ ಗೊತ್ತಾಗಿತ್ತು. ನನಗೆ ನಂಬಿಸಿ ಎರಡು ವರ್ಷ ಪ್ರೀತಿಸಿ ಈಗ ಮೋಸ ಮಾಡುತ್ತಿದ್ದಾನೆ ಎಂದು ಭಾವಿಸಿದ ಸೌಮ್ಯ ಮಾತಿಗೆ ಮಾತು ಕೊಡಲು ಮುಂದಾಗಿದ್ದಳಂತೆ.! ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದು ವಿಕೋಪಕ್ಕೆ ಹೋಗಿದೆ ಅಷ್ಟೋತ್ತಿಗಾಗಲೆ ತಾಳ್ಮೆ ಕಳೆದುಕೊಂಡು ಕೋಪಗೊಂಡಿದ್ದ ಸೃಜನ್ ಸೌಮ್ಯ ಮೇಲೆ ಹಲ್ಲೆ ಮಾಡಿ ಆಕೆಯ ಕತ್ತು ಹಿಸುಕಿ ಉಸಿರುಗಟ್ಟಿಸಿದ್ದಾನೆ ಇದರ ಪರಿಣಾಮ ಯುವತಿ ಸ್ಥಳದಲ್ಲೇ ಪ್ರಾಣಬಿಟ್ಟಿದ್ದಾಳೆ.
ಇದರಿಂದ ಗಾಬರಿಗೊಂಡ ಆರೋಪಿ ಸೃಜನ್ ಆಕೆಯ ಶವವನ್ನು ತೆಗೆದುಕೊಂಡು ಹೋಗಿ ಅಲ್ಲೆ ಹತ್ತಿರದ ಮುಂಬಾಳು ಬಳಿ ಶವವನ್ನು ಹೂತು ಹಾಕಿದ್ದಾನೆ.
ಇತ್ತ ತಮ್ಮ ಮಗಳು ನಾಪತ್ತೆಯಾಗಿದ್ದಾಳೆ ಎಂದು ಕೊಪ್ಪ ಪೊಲೀಸರಿಗೆ ಯುವತಿಯ ಹೆತ್ತವರು ದೂರು ದಾಖಲಿಸಿ ಮಗಳು ಪ್ರೀತಿಸುತ್ತಿದ್ದ ಹುಡುಗನ ಮಾಹಿತಿಯನ್ನು ನೀಡಿದ್ದರು. ಅನುಮಾನಗೊಂಡ ಕೊಪ್ಪ ಪೋಲಿಸರ ತಂಡ ನೆರವಾಗಿ ಯುವಕನನ್ನು ಹುಡುಕಿಕೊಂಡು ಸಾಗರಕ್ಕೆ ಬಂದಿದ್ದಾರೆ. ಸೃಜನ್ ನನ್ನು ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸುತ್ತಿದ್ದಂತೆ ತಾನು ಪ್ರೀತಿಸಿದ ಹುಡುಗಿ ಸೌಮ್ಯಳ ಹತ್ಯೆಮಾಡಿದ ವಿಷಯವನ್ನು ಎಳೆ ಎಳೆಯಾಗಿ ಎಲ್ಲವನ್ನೂ ಪೊಲೀಸರ ಎದುರು ಹೇಳಿದ್ದಾನೆ. ಯುವತಿಯನ್ನು ಕೊಂದು ಹೂತಿಟ್ಟ ರಹಸ್ಯವನ್ನು ಸೃಜನ್ ಬಾಯಿ ಬಿಟ್ಟಿದ್ದಾನೆ. ಇಂದು ತಹಶೀಲ್ದಾರ್ ಸಮ್ಮುಖದಲ್ಲಿ ಶವವನ್ನು ಹೊರಗೆ ತೆಗೆದು ಶವ ಪರೀಕ್ಷೆಗೆ ಕಳಿಸಿ ಕೊಡಲಾಗಿದೆಯಂತೆ.
