ಹೈದರಾಬಾದ್ ನಲ್ಲಿ ನೆಡೆದ ಘಟನೆ; ಮನೆಗೆ ನುಗ್ಗಿದ ದರೋಡೆಕೋರರನ್ನು ಹೊಡೆದು ಓಡಿಸಿದ ತಾಯಿ-ಮಗಳಿಗೆ ಪೊಲೀಸರಿಂದ ಸನ್ಮಾನ.!
ಶಸ್ತ್ರಸಜ್ಜಿತರಾಗಿ ಪ್ಲಾನ್ ಮಾಡಿಕೊಂಡು ಮನೆಯೊಂದರ ಕಳ್ಳತನಕ್ಕೆ ನುಗ್ಗಿದ ಇಬ್ಬರು ದರೋಡೆಕೋರರ ಪ್ಲಾನ್ ಉಲ್ಟಾ ಮಾಡಿದ
ತಾಯಿ-ಮಗಳ ಶೌರ್ಯದ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ, ಈ ಒಂದು ಸಾಹಸ ಮಾಡಿದ ತಾಯಿ – ಮಗಳನ್ನು ಅವರ ಮನೆಗೆ ಬಂದು ಸನ್ಮಾನಿಸಿದ ಹೈದರಾಬಾದ್ ಪೊಲೀಸರು
ಅಶ್ವಸೂರ್ಯ/ಶಿವಮೊಗ್ಗ: ಹೈದರಾಬಾದ್ ಬಿರಿಯಾನಿ ಖ್ಯಾತಿಯ ಹೈದರಾಬಾದ್‌ನಲ್ಲಿ ಅಚ್ಚರಿಯ ಪ್ರಕರಣ ಒಂದು ನಡೆದಿದೆ.ಪಕ್ಕಾ ಸ್ಕೆಚ್ ಹಾಕಿ ಮನೆಯೊಂದರ ದರೋಡೆಗೆ ನುಗ್ಗಿದ ಖದೀಮರನ್ನು ತಾಯಿ-ಮಗಳು ಸೇರಿ ಅಟ್ಟಾಡಿಸಿಕೊಂಡು ಹೊಡೆದಿದ್ದಾರೆ. ಈ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ಈ ವಿಡಿಯೋ ನೋಡಿದ ಜನರು ತಾಯಿ-ಮಗಳ ಧೈರ್ಯ ಮತ್ತು ಸಾಹಸವನ್ನು ಮೆಚ್ಚಿ ಕೊಂಡಾಡಿದ್ದಾರೆ.ಪ್ಲಾನ್ ಮಾಡಿಕೊಂಡು ಕಳ್ಳತನಕ್ಕೆ ಅಂತಾ ಮನೆಗೆ ನುಗ್ಗಿದ ಇಬ್ಬರು ದರೋಡೆಕೋರರನ್ನು ಧೈರ್ಯದಿಂದ ಹಿಮ್ಮೆಟ್ಟಿಸಿ ಹೊಡೆದು ಓಡಿಸಿರುವ ತಾಯಿ-ಮಗಳಿಗೆ ಹೈದರಾಬಾದ್ ಪೊಲೀಸರು ಅವರ ಮನೆಗೆ ಬಂದು ಸನ್ಮಾನ ಮಾಡಿದ್ದಾರೆ.
ಪ್ರಕರಣದ ಹಿನ್ನಲೆ;
ಹೈದರಾಬಾದಿನ ಬೇಗಂಪೇಟೆಯಲ್ಲಿಯ ಒಂದು ಮನೆಯಲ್ಲಿ ಇಬ್ಬರು ದರೋಡೆಕೋರರು ಡೆಲಿವರಿ ಬಾಯ್ ವೇಷ ಧರಿಸಿ ಮನೆ ದೋಚಲು ಪ್ಲ್ಯಾನ್‌ ಮಾಡಿದ್ದಾರೆ. ಶಸ್ತ್ರಸಜ್ಜಿತವಾಗಿ ಕಳ್ಳತನಕ್ಕೆ ಹೊಗಿದ್ದಾರೆ ಅವರು ಬೆಲೆಬಾಳುವ ವಸ್ತುಗಳನ್ನು ಲಪಟಾಯಿಸಲು ಮನೆಯ ಒಳ ನುಗ್ಗಿದ್ದಾರೆ. ಇದೇ ವೇಳೆ ಕಳ್ಳರು ಮನೆಗೆ ನುಗ್ಗಿರುವುದು ಅರಿತ ಮನೆ ಯ ಒಡತಿ ತಕ್ಷಣವೇ ಆತನ ಮೇಲೆ ಅಟ್ಯಾಕ್ ಮುಂದಾಗಿದ್ದಾಳೆ ಮೊದಲೇ ಸಮರ ಕಲೆಯಲ್ಲಿ ನುರಿತ ಮಹಿಳೆಯಾಗಿದ್ದ ಅವರು ಮತ್ತು ಆಕೆಯ ಚಿಕ್ಕ ಮಗಳು ಇಬ್ಬರನ್ನೂ ಹೊಡೆದೋಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.ಅದರಲ್ಲೂ ಒಬ್ಬನನ್ನು ಮನಬಂದಂತೆ ಚಚ್ಚಿದ್ದಾರೆ.
ಪೊಲೀಸರ ತನಿಖೆಯಿಂದ ತಿಳಿದುಬಂದದ್ದು ಉತ್ತರ ಪ್ರದೇಶದ ಕಾನ್ಪುರದ ನಿವಾಸಿಗಳಾದ ಇಬ್ಬರೂ ದರೋಡೆಕೋರರು ಒಂದು ಮನೆಯನ್ನು ಗುರುತಿಸಿಕೊಂಡು ಪಕ್ಕಾ ಸ್ಕೆಚ್ ಹಾಕಿಕೊಂಡಿ ದರೋಡೆಗೆ ಅಣಿಯಾಗಿದ್ದಾರೆ! ತಮ್ಮ ಸ್ಕೆಚ್ ನಂತೆ ಒಂದು ದಿನ ಮಧ್ಯಾಹ್ನ ಒಂದು ಗಂಟೆ ಸುಮಾರಿಗೆ ಒಬ್ಬ ಡೆಲಿವರಿ ಬಾಯ್ ಅಂತಾ ಹೇಳಿಕೊಂಡು ಮನೆ ಪ್ರವೇಶಿಸಿದ್ದಾನೆ. ಈ ವೇಳೆ ಮನೆಯಲ್ಲಿ ಯಾರ್ಯಾರು ಇದ್ದಾರೆ ಅಂತಾ ಮಾಹಿತಿ ಪಡೆದುಕೊಂಡು ಹೋಗಿದ್ದಾನೆ.
ಮರುದಿನ ಇಬ್ಬರು ವ್ಯಕ್ತಿಗಳು ಮನೆಗೆ ನುಗ್ಗಿ ದೋಚಲು ಪ್ರಯತ್ನಿಸಿದ್ದಾರೆ. ಈ ಪೈಕಿ ಒಬ್ಬ ಹೆಲ್ಮೆಟ್ ಧರಿಸಿದ್ದಾನೆ ಇನ್ನೊಬ್ಬ ತನ್ನ ಮುಖಕ್ಕೆ ಮಾಸ್ಕ್ ಧರಿಸಿದ್ದಾನೆ. ದರೋಡೆ ಉದ್ದೇಶದಿಂದ ಮನೆಗೆ ನುಗ್ಗಿದ ದುಷ್ಕರ್ಮಿಗಳು ಅಡುಗೆ ಮನೆಗೆ ನುಗ್ಗಿ ಕೆಲಸ ಮಾಡುತ್ತಿದ್ದ ಕೆಲಸದಾಕೆಯ ಕುತ್ತಿಗೆಗೆ ಚಾಕು ಹಿಡಿದು ಹೆದರಿಸಿದ್ದಾರೆ. ಆಗ ಗಮನಿಸುತ್ತಿದ್ದ ಮನೆಯ ಯಜಮಾನಿ ಮತ್ತು ಆಕೆಯ ಮಗಳು ಮನೆಯೊಳಗೆ ನುಗ್ಗುತ್ತಿದ್ದ ಇನ್ನೊಬ್ಬನನ್ನು ಬಾಗಿಲಲ್ಲೆ ಹಿಡಿದು ಬಡಿದಿದ್ದಾರೆ ಆತ ಹೇಗೊ ಎದ್ದು ಬಿದ್ದು ತಪ್ಪಿಸಿಕೊಂಡರೆ ಮತ್ತೊಬ್ಬ
ಇದೆ ವೇಳೆ ಪಿಸ್ತೂಲ್‌ ತೋರಿಸಿ ತಾಯಿ-ಮಗಳಿಗೆ ಗುಂಡು ಹಾರಿಸುವುದಾಗಿ ಹೆದರಿಸಿದ್ದಾನೆ. ಇದಕ್ಕೆ ಹೆದರದ ಮನೆಯ ಒಡತಿ ತಾನು ಕಲಿತಿದ್ದ ಕರಾಟೆ ಕಲೆಯ ಕೌಶಲ್ಯದಿಂದ ಆತನ ಮುಖಕ್ಕೆ ಪಂಚ್‌ ಮಾಡಿದ್ದಾಳೆ. ಆತನ ಜೊತೆಗೆ ಫೈಟ್‌ ಮಾಡಿ ಪಿಸ್ತೂಲ್‌ ಕೆಳಕ್ಕೆ ಬೀಳಿಸಿದ್ದಾರೆ. ಬಳಿಕ ತಾಯಿ-ಮಗಳು ಸೇರಿ ಇಬ್ಬರನ್ನೂ ಒಬ್ಬೊಬ್ಬರನ್ನಾಗಿ ಚೆನ್ನಾಗಿ ಹೊಡೆದಿದ್ದಾರೆ. ಮನೆ ಕಳ್ಳತನಕ್ಕೆ ಅಂತಾ ಬಂದಿದ್ದ ದರೋಡೆಕೋರರಿಗೆ ಸರಿಯಾಗಿ ಗೂಸಾ ಬಿದ್ದಿದ್ದರಿಂದ ಇನ್ನೂ ಇಲ್ಲೇ ಇದ್ದರೆ ನಮ್ಮ ಟೈಮ್‌ ಕೆಡುತ್ತೆ ಅಂತಾ ಹೇಳಿ ಮನೆಯಿಂದ ಒಬ್ಬ ಮೊದಲು ಹೊರಗೆ ಓಡಿದ್ದಾನೆ ಇನ್ನೊಬ್ಬ ಮನೆಯ ಒಳಗೆ ಇದ್ದ ತಕ್ಷಣ ಸ್ಥಳೀಯ ಕೆಲವರನ್ನು ಕರೆದು ಓಡಿ ಹೋಗುತ್ತಿದ್ದ ಒಬ್ಬ ಆರೋಪಿಯನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಮತ್ತೊಬ್ಬ ಸ್ಥಳದಿಂದ ಎಸ್ಕೇಪ್‌ ಆಗಿದ್ದಾನೆ. ಬಳಿಕ ವಿಷಯ ತಿಳಿದ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಸಿಕ್ಕ ಒಬ್ಬನನ್ನು ವಶಕ್ಕೆ ಪಡೆದು ಸ್ಥಳ ಪರಿಶೀಲಿಸಿ ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಮತ್ತೊಬ್ಬ ಆರೋಪಿಯನ್ನು ಬಂಧಿಸಿದ್ದಾರೆ.
ಮನೆಯ ಒಡತಿ ತನ್ನ ಮಗಳೊಂದಿಗೆ ಸೇರಿಕೊಂಡು ಕಳ್ಳರ ವಿರುದ್ಧ ಸಮರಸಾರಿ ಧೈರ್ಯದಿಂದ ಹೋರಾಡಿ ಒಬ್ಬ ಓಡಿಹೋದರೆ ಇನ್ನೊಬ್ಬನನ್ನು ಅಕ್ಕ ಪಕ್ಕದವರ ಸಹಾಯದಿಂದ ಹಿಡಿದಿದ್ದಾರೆ.!! ತಾಯಿ-ಮಗಳ ಈ ಶೌರ್ಯದ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ.ಈ ಪ್ರಕರಣ ನೆಡೆದಂತಹ ಮನೆಗೆ ಬಂದ ಪೊಲೀಸರು ತಾಯಿ- ಮಗಳನ್ನು ಸನ್ಮಾನಿಸಿ ಗೌರವಿಸಿದ್ದಾರೆ.
