ಕೊಲೆಯಾದ ಸಹದೇವ್ ಪತ್ನಿ ಸೌಮ್ಯ ಹೇಳಿದ್ದಿಷ್ಟು
ಕೊಲೆಯಾದ ಸಹದೇವ್ ಪತ್ನಿ ಸೌಮ್ಯ ಹೇಳಿಕೆ ನೀಡಿದ್ದು, ತಡ ರಾತ್ರಿ 11ಗಂಟೆ ಸುಮಾರಿಗೆ ನನ್ನ ಗಂಡನನ್ನು ಕೊಲೆ ಮಾಡಿರುವ ವಿಚಾರ ಗೊತ್ತಾಯ್ತು. ನನ್ನ ಗಂಡ ಸಂಜೆ ಮನೆಯಿಂದ ಹೊರ ಹೋಗಿದ್ದರು. ಸುಮಾರು 10 ಗಂಟೆಯಾದರು ಮನೆಗೆ ವಾಪಸ್ ಬಂದಿರಲಿಲ್ಲ. ಪೊಲೀಸರು ಫೋನ್‌ ಮಾಡಿ ವಿಚಾರ ತಿಳಿಸಿದರು. ಮದುವೆ ಆಗಿ ಮೂರು ವರ್ಷದಿಂದ ಕೋಣನ ಕುಂಟೆಯಲ್ಲಿ ಇದ್ದೀವಿ. ಒಂಬತ್ತು ಗಂಟೆ ಸುಮಾರಿಗೆ ಐದಾರು ಜನರು ಬಂದು ನನ್ನ ಗಂಡನ ಹತ್ಯೆ ಮಾಡಿದ್ದಾರಂತೆ. ಬೈಕಿನಲ್ಲಿ ಹಿಂಬಾಲಿಸಿಕೊಂಡು ಬಂದು ಕೊಲೆ ಮಾಡಿದ್ದಾರೆ ಎಂದು ತಿಳಿಯಿತು.
ರಾಜಧಾನಿಯಲ್ಲಿ ರೌಡಿಯೊಬ್ಬನನ್ನು ಕೊಚ್ಚಿ ಕೊಲೆ ಮಾಡಲಾಗಿದೆ! ಹತ್ಯೆಯಾದವನು ರೌಡಿಶೀಟರ್ ಸಹದೇವ್.
News.Ashwasurya.in
CRIME NEWS
ಬೆಂಗಳೂರು: ಮತ್ತೆದೆ ಸುದ್ದಿ ಪಾತಕಲೋಕದ ಕ್ರಿಮಿ ಒಬ್ಬನ ಅಂತ್ಯವಾಗಿದೆ.ಹಂತಕರ ಲಾಂಗಿನೇಟಿಗೆ ರೌಡಿಶೀಟರ್ ಒಬ್ಬ ನೆತ್ತರು ಹರಿಸಿಕೊಂಡು ಜೀವ ಬಿಟ್ಟರೆ. ಮೃತನ ವಾಸ ಸ್ಥಾನದ ಸರಹದ್ದಿನಲ್ಲಿ ಸೂತಕ ಅವರಿಸಿದೆ. ಸರಿಯಾಗಿ ಮೊಹರ್ತ ಫಿಕ್ಸ್ ಮಾಡಿಕೊಂಡಿದ್ದ ಹಂತಕರು ಮಾರಕಾಸ್ತ್ರಗಳಿಂದ ಕೊಚ್ಚಿ ರೌಡಿಶೀಟರ್ ಸಹದೇವನನ್ನು ಬರ್ಬರವಾಗಿ ಹತ್ಯೆಗೈದಿರುವ ಘಟನೆ ನಗರದ ಚುಂಚನಘಟ್ಟ ಮುಖ್ಯರಸ್ತೆಯಲ್ಲಿ ರಾತ್ರಿ 9.30ರ ಸುಮಾರಿಗೆ ನಡೆದಿದೆ.
ಕೋಣನಕುಂಟೆ ಠಾಣಾ ವ್ಯಾಪ್ತಿಯ ಹಂತಕರ ಲಾಂಗಿನೇಟಿಗೆ ಜೀವ ತೆತ್ತ ಮೃತ ಸಹದೇವ್ ರೌಡಿಶೀಟರ್. ರಾತ್ರಿ ಟೀ ಕುಡಿಯಲು ಬೇಕರಿ ಬಳಿ ಬಂದಿದ್ದಾಗ ಮೊದಲೇ ಸ್ಕೆಚ್ ಹಾಕಿ ಕುಳಿತ ಹಂತಕರ ತಂಡ ಸಹದೇವ್ ನನ್ನ ಹಿಂಬಾಲಿಸಿಕೊಂಡು ಆರು ಜನ ದುಷ್ಕರ್ಮಿಗಳು ಮೂರು ಬೈಕ್ಗಳಲ್ಲಿ ಬಂದಿದ್ದಾರೆ ಇನ್ನೇನು ಟೀ ಕುಡಿದು ಹೊರಡ ಬೇಕಿತ್ತು ರೌಡಿ ಸಹದೇವ್. ಏಕಾಏಕಿ ನುಗ್ಗಿಬಂದ ಹಂತಕರ ಗ್ಯಾಂಗ್ ಮಾರಕಾಸ್ತ್ರಗಳಿಂದ ಮನಬಂದಂತೆ ಕೊಚ್ಚಿ ರೌಡಿಶೀಟರ್ ಸಹದೇವ್ ನನ್ನು ಕೊಲೆ ಮಾಡಿ ಕ್ಷಣಾರ್ಧದಲ್ಲಿ ಬೈಕ್‌ನಲ್ಲಿ ಪರಾರಿಯಾಗಿದ್ದಾರೆ.
ಘಟನಾ ಸ್ಥಳಕ್ಕೆ ಪುಟ್ಟೇನಹಳ್ಳಿ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.
ಸುಧೀರ್ ವಿಧಾತ ,ಶಿವಮೊಗ್ಗ
