BIG NEWS: ಎನ್ಕೌಂಟರ್ಗೆ ಬಲಿಯಾದ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಬಿಹಾರದ ‘ಸಿಗ್ಮಾ ಗ್ಯಾಂಗ್’ ಲೀಡರ್ ರಂಜನ್ ಪಾಠಕ್ ಸೇರಿ ನಾಲ್ವರ ಹತ್ಯೆ.!
news.ashwasurya.in
ಅಶ್ವಸೂರ್ಯ/ನವದೆಹಲಿ: ದೆಹಲಿಯ ರೋಹಿಣಿ ಪ್ರದೇಶದಲ್ಲಿ ಬುಧವಾರ ತಡರಾತ್ರಿ ಪೊಲೀಸ್ ದೊಡ್ಡ ಎನ್ಕೌಂಟರ್ ನಡೆದಿದ್ದು, ಇದರಲ್ಲಿ ಬಿಹಾರದ ನಾಲ್ವರು ಮೋಸ್ಟ್ ವಾಂಟೆಡ್ ದರೋಡೆಕೋರರು ಸಾವನ್ನಪ್ಪಿದ್ದಾರೆ.
ರಾಜಧಾನಿಯಲ್ಲಿ ಗ್ಯಾಂಗ್ನ ಚಲನವಲನದ ಬಗ್ಗೆ ಗುಪ್ತಚರ ಮಾಹಿತಿಯ ನಂತರ ದೆಹಲಿ ಅಪರಾಧ ವಿಭಾಗ ಪೊಲೀಸರು ಮತ್ತು ಬಿಹಾರ ಪೊಲೀಸರು ಜಂಟಿಯಾಗಿ ಈ ಕಾರ್ಯಚರಣೆ ನೆಡಸಿ ನಾಲ್ವರನ್ನು ಎನ್ಕೌಂಟರ್ನಲ್ಲಿ ಮುಗಿಸಿದ್ದಾರೆ. ಅಕ್ಟೋಬರ್ 22–23ರ ಮಧ್ಯರಾತ್ರಿ ಬೆಳಗಿನ ಜಾವ 2:20 ರ ಸುಮಾರಿಗೆ ಕ್ರಿಮಿನಲ್ಗಳು ಮತ್ತು ಪೊಲೀಸರ ನಡುವೆ ಗುಂಡಿನ ಚಕಮಕಿ ನಡೆದಿದೆ.ಅಂತಿಮವಾಗಿ ನಾಲ್ವರು ಮೋಸ್ಟ್ ವಾಂಟೆಡ್ ಕ್ರಿಮಿನಲ್ಗಳನ್ನು ಪೊಲೀಸರು ಗುಂಡಿಕ್ಕಿ ಕೊಂದಿದ್ದಾರೆ.
ಎನ್ಕೌಂಟರ್ನಲ್ಲಿ ಕೊಲ್ಲಲ್ಪಟ್ಟ ನಾಲ್ವರು ದರೋಡೆಕೋರರು :
ರಂಜನ್ ಪಾಠಕ್ (25)
ಬಿಮ್ಲೇಶ್ ಮಹ್ತೋ ಅಲಿಯಾಸ್ ಬಿಮ್ಲೇಶ್ ಸಾಹ್ನಿ (25)
ಮನೀಶ್ ಪಾಠಕ್ (33)
ಅಮನ್ ಠಾಕೂರ್ (21)
ಕುಖ್ಯಾತ ‘ಸಿಗ್ಮಾ & ಕಂಪನಿ’ ದರೋಡೆಕೋರರು
ನಾಲ್ವರು ಆರೋಪಿಗಳು ಬಿಹಾರದಲ್ಲಿ ಹಲವಾರು ಗಂಭೀರ ಕ್ರಿಮಿನಲ್ ಪ್ರಕರಣಗಳಲ್ಲಿ ಬೇಕಾಗಿದ್ದರು. ‘ಸಿಗ್ಮಾ & ಕಂಪನಿ’ ಎಂದು ಕರೆಯಲ್ಪಡುವ ಈ ಗ್ಯಾಂಗ್ ಅನ್ನು ರಂಜನ್ ಪಾಠಕ್ ನೇತೃತ್ವ ವಹಿಸಿದ್ದ. ಈ ಅಪರಾಧಿಗಳು ಬಿಹಾರದಲ್ಲಿ ದಾಖಲಾಗಿರುವ ಹಲವಾರು ಪ್ರಮುಖ ಪ್ರಕರಣಗಳಲ್ಲಿ ತಲೆಮರೆಸಿಕೊಂಡಿದ್ದವರು. ಅಕ್ಟೋಬರ್ 22–23ರ ರಾತ್ರಿ ಸುಮಾರು 2:20 ರ ಸುಮಾರಿಗೆ, ಬಿಹಾರ ಪೊಲೀಸ್ ಮತ್ತು ದೆಹಲಿ ಪೊಲೀಸರ ಅಪರಾಧ ವಿಭಾಗದ ಜಂಟಿ ತಂಡವು ರೋಹಿಣಿಯ ಡಾ. ಅಂಬೇಡ್ಕರ್ ಚೌಕ್ ಮತ್ತು ಪನ್ಸಾಲಿ ಚೌಕ್ ನಡುವಿನ ಬಹದ್ದೂರ್ ಶಾ ಮಾರ್ಗದಲ್ಲಿ ನಾಲ್ವರು ದರೋಡೆಕೋರರೊಂದಿಗೆ ಘರ್ಷಣೆ ನಡೆಸಿತು.
ಅಂತಿಮವಾಗಿ ನಾಲ್ವರು ದರೋಡೆಕೋರರನ್ನು ಪೊಲೀಸರು ಗುಂಡು ಹಾರಿಸಿ ಕೊಂದಿದ್ದಾರೆ.
ದೆಹಲಿಯ ಕರವಾಲ್ ನಗರದ ಅಮನ್ ಠಾಕೂರ್ ಹೊರತುಪಡಿಸಿ, ಇತರ ಮೂವರು ದರೋಡೆಕೋರರು ಬಿಹಾರದ ಸೀತಾಮರ್ಹಿ ನಿವಾಸಿಗಳು.
ಬಿಹಾರದಲ್ಲಿ ಚುನಾವಣೆಗೆ ಮುನ್ನ, ಈ ನಾಲ್ವರು ಪ್ರಮುಖ ಪಿತೂರಿಯನ್ನು ಯೋಜಿಸುತ್ತಿದ್ದರು. ಆದರೆ ದೆಹಲಿ ಮತ್ತು ಬಿಹಾರ ಪೊಲೀಸರ ತಂಡಗಳು ಅವರನ್ನು ತಡೆದು ಎನ್ಕೌಂಟರ್ನಲ್ಲಿ ಕೊಂದು ಮುಗಿಸಿದ್ದಾರೆ.!
