ನೀಟ್ ಫಲಿತಾಂಶ ಪ್ರಕಟ: ರಾಜಸ್ಥಾನದ ಮಹೇಶ್ ಕುಮಾರ್ ದೇಶಕ್ಕೆ ಪ್ರಥಮ, ಕರ್ನಾಟಕದ ನಿಖಿಲ್ ದೇಶಕ್ಕೆ 17 ನೇ ರ್ಯಾಂಕ್, ಕರ್ನಾಟಕಕ್ಕೆ ಪ್ರಥಮ ರ್ಯಾಂಕ್.
ASHWASURYA/SHIVAMOGGA
news.ashwasurya.in
ನೀಟ್ ಫಲಿತಾಂಶ ಪ್ರಕಟವಾಗಿದೆ ರಾಜಸ್ಥಾನದ ಮಹೇಶ್ ಕುಮಾರ್ ದೇಶಕ್ಕೆ ಪ್ರಥಮ ರ್ಯಾಂಕ್, ಕರ್ನಾಟಕದ ನಿಖಿಲ್ ದೇಶಕ್ಕೆ 17ನೇ ರಾಜ್ಯಕ್ಕೆ ಪ್ರಥಮ ರ್ಯಾಂಕ್ ಪಡೆದಿದ್ದಾರೆ. ದೇಶದಲ್ಲಿ ಟಾಪ್ 100ರಲ್ಲಿ ಕರ್ನಾಟಕದ ವಿದ್ಯಾರ್ಥಿಗಳು , ನಿಖಿಲ್ ಸೊನ್ನದ – 17ನೇ ಸ್ಥಾನ, ರುಚಿರ್ ಗುಪ್ತಾ- 22ನೇ ಸ್ಥಾನ, ತೇಜಸ್ ಗೊಟಗಲಕರ್- 38ನೇ ಸ್ಥಾನ, ಪ್ರಂಶು ಜಾಗೀರದಾರ್- 42ನೇ ಸ್ಥಾನ, ಹರಿಣಿ ಶ್ರೀರಾಮ್- 72ನೇ ಸ್ಥಾನ, ದಿಗಂತ್ ಎಸ್- 80ನೇ ಸ್ಥಾನ, ನಿಧಿ ಕೆ.ಜಿ- 84ನೇ ಸ್ಥಾನ
ಅಶ್ವಸೂರ್ಯ/ದೆಹಲಿ: ವೈದ್ಯಕೀಯ ಕೋರ್ಸ್ಗಳಿಗೆ ಪ್ರವೇಶಾತಿಗಾಗಿ ನಡೆಸಿದ ನೀಟ್ ಪರೀಕ್ಷೆಯ ಫಲಿತಾಂಶ ಪ್ರಕಟವಾಗಿದೆ. ರಾಜಸ್ಥಾನದ ಮಹೇಶ್ ಕುಮಾರ್ ದೇಶಕ್ಕೆ ಮೊದಲ ಸ್ಥಾನ
ಮತ್ತು ಮಧ್ಯಪ್ರದೇಶದ ಉತ್ಕರ್ಷ್ ಅವಧಿಯಾ 2ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.ಕರ್ನಾಟಕದ ನಿಖಿಲ್ 17 ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ.
ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NAT) ಶನಿವಾರ ನೀಟ್ ಪರೀಕ್ಷೆಯ ಫಲಿತಾಂಶ ಪ್ರಕಟಿಸಿದೆ. ಈ ಬಾರಿ 22.09 ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದರು. ಅವರಲ್ಲಿ 12.36 ಲಕ್ಷ ಅಭ್ಯರ್ಥಿಗಳು ಉತ್ತೀರ್ಣರಾಗಿದ್ದಾರೆ.
ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಈ ಬಾರಿ ಕಡಿಮೆ ಫಲಿತಾಂಶ ದಾಖಲಾಗಿದೆ. ಕಳೆದ ವರ್ಷ 23.33 ಲಕ್ಷ ಅಭ್ಯರ್ಥಿಗಳು ಪರೀಕ್ಷೆ ಬರೆದಿದ್ದರು. 13.15 ಲಕ್ಷ ಅಭ್ಯರ್ಥಿಗಳು ತೇರ್ಗಡೆಯಾಗಿದ್ದರು.
ಕರ್ನಾಟಕದ ವಿಜಯಪುರದ ನಿಖಿಲ್ ಸೋನ್ನದ್ ರಾಜ್ಯಕ್ಕೆ ಟಾಪರ್ ರಾಷ್ಟ್ರಕ್ಕೆ 17 ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ. ರಾಜ್ಯದ ಮೊದಲ ಟಾಪರ್ ಆಗಿ ವಿಜಯಪುರ ಮೂಲದ ನಿಖಿಲ್ ಸೋನ್ನದ್ ಹೊರ ಹೊಮ್ಮಿದ್ದಾರೆ.
ಶನಿವಾರ ಫಲಿತಾಂಶ ಪ್ರಕಟಗೊಂಡಿದ್ದು, ವಿಜಯಪುರ ನಗರದ ‘ಸಂಜೀವಿನಿ’ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ವೈದ್ಯ ದಂಪತಿ ಡಾ.ಸಿದ್ದಪ್ಪ ಸೋನ್ನದ್ ಮತ್ತು ಡಾ.ಮೀನಾಕ್ಷಿ ಸೋನ್ನದ್ ಅವರ ಪುತ್ರ. ಮಂಗಳೂರು ವಳಚ್ಚಿಲ್ನ ಎಕ್ಸ್ಪರ್ಟ್ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ನಿಖಿಲ್ ಸೋನ್ನದ್ ಶೇ.99.99 ಅಂಕಗಳಿಸುವ ಮೂಲಕ ರಾಜ್ಯದ ಮೊದಲ ಟಾಪರ್ ಆಗಿದ್ದಾರೆ.
ದೇಶದ ಟಾಪ್ 100 ರಲ್ಲಿ ನಿಖಿಲ್ 17 ನೇ ರ್ಯಾಂಕ್ ಪಡೆದಿದ್ದಾರೆ.
ಅದೇ ರೀತಿ, ರಾಜ್ಯದ ರಿಚೀರ್ ಗುಪ್ತಾ,(22) ತೇಜಸ್ ಶೈಲೇಶ್ ಘೋಟಲ್ಕರ್(38), ಪ್ರಾಂಶು ಜಹಾಂಗೀದಾರ್,(42) ಹರಿಣಿ ಶ್ರೀರಾಮ್(72), ಎಸ್.ದಿಂಗತ್(80), ಕೆ.ಜಿ.ನಿ(84) ಉತ್ತಮ ರ್ಯಾಂಕ್ ಪಡೆದಿದ್ದಾರೆ.
ಎಸ್.ಗೌತಮ್ ಕುಮಾರ್ ಶೇ.99.92 ಅಂಕಗಳಿಸುವ ಮೂಲಕ ಅಂಗವಿಕಲರ ಕೋಟಾದಲ್ಲಿ ಮೊದಲ ರ್ಯಾಂಕ್ ಪಡೆದಿದ್ದಾರೆ. ಇನ್ನೂ 34 ರಾಜ್ಯಗಳ ಟಾಪರ್ ಪಟ್ಟಿಯನ್ನು ಪ್ರತ್ಯೇಕಿಸಲಾಗಿದ್ದು, ಇದರಲ್ಲಿ ನಮ್ಮ ರಾಜ್ಯ 17ನೇ ಸ್ಥಾನದಲ್ಲಿದೆ. ಒಟ್ಟಿನಲ್ಲಿ ಈ ಬಾರಿ ರಾಜ್ಯದಿಂದ 1.42 ಲಕ್ಷ ವಿದ್ಯಾರ್ಥಿಗಳು ನೀಟ್ ಹಾಜರಾಗಿದ್ದು, ಈ ಪೈಕಿ 83,582 ವಿದ್ಯಾರ್ಥಿಗಳು ಅರ್ಹತೆ ಪಡೆದುಕೊಂಡಿದ್ದಾರೆ.
460 ವಿದ್ಯಾರ್ಥಿಗಳು ಈ ವರ್ಷ ಕನ್ನಡ ವಿಷಯದಲ್ಲಿ ಪ್ರಶ್ನೆ ಪತ್ರಿಕೆಯನ್ನು ಆಯ್ಕೆ ಮಾಡಿಕೊಂಡಿದ್ದರು. ಜತೆಗೆ, ನೀಟ್ ಅನ್ನು ಈ ಬಾರಿ 13 ಭಾಷೆಗಳಲ್ಲಿ ನಡೆಸಲಾಗಿತ್ತು. ಇದರಲ್ಲಿ ಕನ್ನಡ ಒಂದು ಭಾಷೆಯಾಗಿದೆ. ವಿದೇಶದ 14 ನಗರಗಳಲ್ಲಿ ಪರೀಕ್ಷೆಯನ್ನು ಆಯೋಜಿಸಲಾಗಿತ್ತು.
ಅಭ್ಯರ್ಥಿಗಳು ಫಲಿತಾಂಶ ಪ್ರತಿಯನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಮತ್ತು ನೀಟ್ ಯುಜಿ ವೆಬ್ಸೈಟ್ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು. ಇದಕ್ಕಾಗಿ, ಅವರು ಅರ್ಜಿ ಸಂಖ್ಯೆ, ಪಾಸ್ವರ್ಡ್ ನಮೂದಿಸಬೇಕಾಗುತ್ತದೆ. ಪರೀಕ್ಷೆಯಲ್ಲಿ ಅಭ್ಯರ್ಥಿ ಪಡೆದ ಶೇಕಡಾವಾರು ಅಂಕಗಳು ಮತ್ತು ಆಲ್ ಇಂಡಿಯಾ ರ್ಯಾಂಕಿಂಗ್ ಅನ್ನು ಸಹ ಬಿಡುಗಡೆ ಮಾಡಲಾಗಿದೆ. ಈ ಬಾರಿ 720 ಅಂಕಿಗಳಿಗೆ 144 ಅಂಕಗಳನ್ನು ಪಡೆದ ಅಭ್ಯರ್ಥಿಗಳನ್ನು ಕೌನ್ಸೆಲಿಂಗ್ಗೆ ಅರ್ಹರು ಎಂದು ಪರಿಗಣಿಸಲಾಗಿದೆ.
