ಮಗಳ ಮದುವೆ ದಿನದಂದೆ ಆಕೆಯ ತಿಥಿ ಕಾರ್ಡ್ ಹಂಚಿದ ತಂದೆ.!!
ಅಶ್ವಸೂರ್ಯ ಶಿವಮೊಗ್ಗ: ತಮ್ಮ ಮಕ್ಕಳನ್ನು ಹೆತ್ತವರು ಕಷ್ಟಪಟ್ಟು ಅವರನ್ನು ಪೋಷಿಸಿ, ವಿದ್ಯಾಭ್ಯಾಸ ಕಲಸಿ,ಎದೆ ಮಟ್ಟಕ್ಕೆ ಬೆಳೆಸಿದ ನಂತರ ಮಕ್ಕಳು ತಮ್ಮ ಕಾಲಮೇಲೆ ನಿಂತು ಚನ್ನಾಗಿ ಬದುಕಲಿ ಎಂದು ಹಾರೈಸಿ ತಮ್ಮ ಬದುಕನ್ನು ಮಕ್ಕಳಿಗೆ ಮುಡುಪಾಗಿಟ್ಟಂತ ಹೆತ್ತವರಿಗೆ ಕೆಲವು ಮಕ್ಕಳು ಬೆನ್ನಿಗೆ ಚಾಕುಹಾಕಿ ಹೆತ್ತವರನ್ನು ದಿಕ್ಕರಿಸಿ ಹೊಗಿದ್ದುಂಟು.! ಇದಕ್ಕೆ ಉದಾಹರಣೆ ಎಂಬಂತೆ ಪ್ರೀತಿ-ಪ್ರೇಮ ಎಂದು ಪೋಷಕರ ಜನಸುಗಳಿಗೆ ತಣ್ಣೀರೆರಚಿ ಯಾವುದೋ ಯುವಕನನ್ನು ಮಗಳು ಮದುವೆಯಾಗುತ್ತಿದ್ದಾಳೆ ಎನ್ನುವ ವಿಷಯ ತಿಳಿದ ತಂದೆ ಕುಸಿದು ಹೋಗಿದ್ದಾರೆ.ಮಗಳು ಹೆತ್ತವರನ್ನು ತಿರಸ್ಕರಿಸಿ ಪ್ರೀತಿಸಿದವನ ಜೋತೆಗೆ ಮದುವೆ ಯಾಗಲು ಮುಂದಾಗಿದ್ದಾಳೆ. ಆದರೆ ನೊಂದ ತಂದೆ ಮಗಳ ಮದುವೆಯ ಹಾಲ್ ನಲ್ಲಿಯೇ ಆಕೆಯ ತಿಥಿಯ ಕಾರ್ಡ್ ಹಂಚಿರುವ ಘಟನೆಯೊಂದು ನಡೆದಿದೆ.
ಮಗಳು ಬಿ.ಇಡಿ ಓದಬೇಕು, ಬಳಿಕ ಶಿಕ್ಷಕಿಯಾಗಬೇಕು ಎಂದು ನೂರಾರು ಕನಸು ಹೊತ್ತು ಕಷ್ಟಪಟ್ಟು ಮಗಳನ್ನು ಓದಿಸಿದ್ದರು. ಆದರೆ ಓದುತ್ತಿದ್ದ ವೇಳೆಯೇ ಮಗಳು ಹೆತ್ತವರಿಗೆ ಅರಿವಿಗೆ ಬಾರದಂತೆ ಯುವಕನೊಬ್ಬನನ್ನು ಪ್ರೀತಿಸಿದ್ದಳು. ಪೋಷಕರ ವಿರೋಧದ ನಡುವೆಯೂ ಹೆತ್ತವರನ್ನು ದಿಕ್ಕರಸಿ ಮದುವೆಯಾಗಿದ್ದಾಳೆ.
ಮಗಳ ನಿರ್ಧಾರಕ್ಕೆ ಬೇಸತ್ತ ತಂದೆಯೊಬ್ಬರು ಆಕೆಯ ಮದುವೆ ಹಾಲ್ ನಲ್ಲಿಯೇ ನನ್ನ ಮಗಳು ನನ್ನ ದೃಷ್ಟಿಯಲ್ಲಿ ಸತ್ತಿದ್ದಾಳೆ ಎಂದು ಆಕೆಯ ತಿಥಿಯ ಕಾರ್ಡ್ ಹಂಚಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ರಾಜಸ್ಥಾನದ ಬೇವಾರ್‌ನಲ್ಲಿ ನೆಲೆಸಿರುವ ತಂದೆಯೊಬ್ಬರು ತಮ್ಮ ಮಗಳ ಹೆಸರಿನಲ್ಲಿ ಇಂಥದ್ದೊಂದು ಕಾರ್ಡ್ ಮುದ್ರಿಸಿದ್ದು ಭಾರಿ ವೈರಲ್ ಆಗಿದೆ.
ತಮ್ಮ ಇಚ್ಛೆಗೆ ವಿರುದ್ಧವಾಗಿ ಮಗಳು ತಾನು ಪ್ರೀತಿಸಿದ ಯುವಕನನ್ನು ವಿವಾಹವಾಗಿದ್ದಾಳೆ. ಇದರಿಂದ ಮನನೊಂದ ತಂದೆ-ತಾಯಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿ ದೂರು ನೀಡಿದ್ದರು. ಅಲ್ಲದೇ ಮಗಳನ್ನು ತಮ್ಮ ಜೊತೆ ಕಳಿಸುವಂತೆಯೂ ಪರಿ ಪರಿತಾಗಿ ಬೇಡಿಕೊಂಡಿದ್ದರು. ಆದರೆ ಪೊಲೀಸರು ಮಗಳು ವಿಮಲಾಳನ್ನು ಕರೆದು ವಿಚಾರಿಸಿದಾಗ ಪೊಲೀಸರ ಮುಂದೆ ಆಕೆ ತನ್ನ ಪೋಷಕರನ್ನು ಗುರುತೇ ಇಲ್ಲದಂತೆ ನಾಟಕವಾಡಿದ್ದಾಳೆ. ಅವರು ಯಾರು ಅನ್ನೋದೆ ನನಗೆ ಗೊತ್ತಿಲ್ಲ ಎಂದು ಹೇಳಿದ್ದಾಳೆ. ಇದರಿಂದ ನೊಂದ ತಂದೆ ತನ್ನ ಜೀವಂತ ಮಗಳು ಸತ್ತಿದ್ದು, ಅವಳ ಶ್ರಾದ್ಧ ಕಾರ್ಯಕ್ಕೆ ಬನ್ನಿ ಎಂದು ಅವಳ ಮದುವೆಯ ದಿನವೇ ಮದುವೆ ಕಾರ್ಯಕ್ರಮದಲ್ಲಿ ಆಕೆಯ ತಿಥಿಯ ಕಾರ್ಡ್ ಹಂಚಿದ್ದಾರೆ.
ಯುವಕನೊಬ್ಬನನ್ನು ಪ್ರೀತಿಸಿದ್ದ ವಿಮಲಾ, ತಂದೆ-ತಾಯಿನ್ನು ಒಪ್ಪಿಸಿ ಮದುವೆಯಾಗುವುದನ್ನು ಬಿಟ್ಟು, ತಂದೆ-ತಾಯಿಯ ಗುರುತೇ ತನಗಿಲ್ಲ ಅವರು ಯಾರೆಂದೇ ಗೊತ್ತಿಲ್ಲ ಎಂದು ಹೆತ್ತವರ ಎದುರು ನಿಷ್ಟೂರವಾಗಿ ನಡೆದುಕೊಂಡು.ಪ್ರೀತಿಸಿದವನನ್ನೆ ಮದುವೆಯಾಗಿದ್ದಾಳೆ.! ಮಗಳ ನಿರ್ಧಾರಕ್ಕೆ ತಂದೆ ಕಟುವಾದ ತೀರ್ಮಾನ ತೆಗೆದುಕೊಂಡು ಮಗಳು ಬದುಕಿದ್ದಾಗಲೆ ಅವಳ ಮದುವೆಯ ದಿನದಂದು ತಿಥಿ ಕಾರ್ಡ್ ಹಂಚಿರುವುದು ಬೆಳಕಿಗೆ ಬಂದಿದೆ. ಪೊಲೀಸರ ಮುಂದೆ ಹೆತ್ತವರನ್ನೆ ಗುರುತೆ ಇಲ್ಲದವರಂತೆ ನಡೆದುಕೊಂಡಿದ್ದಾಳೆ ನಡೆದುಕೊಂಡಿದ್ದಾಳೆ.ಈ ಎಲ್ಲಾ ವಿಷಯವನ್ನು ತಮಗಾದ ನೋವನ್ನು ತಮ್ಮ ಸಂಬಂಧಿಕರೊಂದಿಗೆ ಹಂಚಿಕೊಂಡ ತಂದೆ ಬದುಕಿರುವ ಮಗಳು ನನ್ನ ಪಾಲಿಗೆ ಸತ್ತಂತೆ ಎಂದು ತಿಥಿ ಕಾರ್ಡ್ ಮಾಡಿಸಿ ಹಂಚಿದ್ದಾರೆ.!
