ಕೋಟೆಗಂಗೂರು ಗ್ರಾಂ ಪಂ ಉಪಚುನಾವಣೆ ಡಿ ಎಲ್ ರಮೇಶ್ ಗೆ ಭರ್ಜರಿ ಗೆಲುವು
ಅಶ್ವಸೂರ್ಯ/ಶಿವಮೊಗ್ಗ,ನ.26: ತಾಲೂಕಿನ ಕೋಟೆಗಂಗೂರು ಗ್ರಾಮ ಪಂಚಾಯಿತಿಯ ದೇವಕಾತಿಕೊಪ್ಪದಲ್ಲಿ ತೆರವಾಗಿದ್ದ ಗ್ರಾಪಂ ಸದಸ್ಯರ ಖಾಲಿ ಹುದ್ದೆಗೆ ಮೊನ್ನೆ ನಡೆದಿದ್ದ ಉಪಚುನಾವಣೆಯಲ್ಲಿನ ಮತ ಎಣಿಕೆ ಪ್ರಕ್ರಿಯೆ ಇಂದು ಬೆಳಿಗ್ಗೆ ಶಿವಮೊಗ್ಗ ತಾಲೂಕ ಕಚೇರಿಯಲ್ಲಿ ನಡೆದಿದ್ದು, ಅಭ್ಯರ್ಥಿ ದೇವಕಾತಿಕೊಪ್ಪದ ಡಿಎಲ್ ರಮೇಶ್ ಭಾರಿ ಬಹುಮತದ ಅಂತರದಿಂದ ಜಯಗಳಿಸಿದ್ದಾರೆ.
ಒಟ್ಟು ಚಲಾವಣೆಯಾದ 738 ಮತಗಳಲ್ಲಿ 15 ಮತಗಳು ತಿರಸ್ಕೃತಗೊಂಡಿದ್ದು, 608 ಮತಗಳನ್ನು ಡಿಎಲ್ ರಮೇಶ್ ಪಡೆದಿದ್ದಾರೆ. ಪ್ರತಿಸ್ಪರ್ಧಿ ಸುರೇಶ್ ಅವರಿಗೆ 115 ಮತಗಳು ಸಿಕ್ಕಿದ್ದು, ಪರಭವಗೊಂಡಿದ್ದಾರೆ.
ನೂತನ ಸದಸ್ಯ ಡಿಎಲ್ ರಮೇಶ್ ಅವರಿಗೆ ದೇವಕಾತಿಕೊಪ್ಪದ ಗ್ರಾಮಸ್ಥರು ಹಾಗೂ ಕೋಟೆಗಂಗೂರು ಗ್ರಾಮ ಪಂಚಾಯಿತಿ ಅಭಿನಂದಿಸಿದೆ.
