ನಟ ಪ್ರವೀಣ್ ತೇಜ್ ಭೂಗತ ಲೋಕದಲ್ಲಿ ಹೆಜ್ಜೆಹಾಕಿದ ಖಡಕ್ ಅಭಿನಯದ ಚಿತ್ರ “ಜಿಗರ್” ಜುಲೈ “5” ರಂದು ತೆರೆಗೆ
ಅಶ್ವಸೂರ್ಯ/ಬೆಂಗಳೂರು: ಜುಲೈ 5 ರಂದು ತೆರೆ ಕಾಣುತ್ತಿರುವ ಯು.ಕೆ .ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಪೂಜಾ ವಸಂತಕುಮಾರ್ ನಿರ್ಮಿಸಿರುವ, ಸೂರಿ ಕುಂದರ್ ಕಥೆ, ಚಿತ್ರಕಥೆ ಬರೆದು ನಿರ್ದೇಶಿಸಿರುವ ಈಗಾಗಲೇ ಚಿತ್ರದ ಪೋಸ್ಟರ್ ಮತ್ತು ಟ್ರೇಲರ್ ಹಾಡನ್ನು ನೋಡಿದ ಚಿತ್ರರಸಿಕರಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿರುವ ಯುವನಟ ಪ್ರವೀಣ್ ತೇಜ್ ನಾಯಕನಾಗಿ ನಟಿಸಿರುವ ಬಹು ನಿರೀಕ್ಷಿತ ಚಿತ್ರ ” ಜಿಗರ್” ಚಿತ್ರ ಈ ವಾರ (ಜುಲೈ 5 ರಂದು ) ರಾಜ್ಯಾದ್ಯಂತ ಬಿಡುಗಡೆಯಗುತ್ತಿದೆ.
ಈಗಾಗಲೇ ರಿತ್ವಿಕ್ ಮುರಳಿಧರ್ ಸಂಗೀತ ಸಂಯೋಜಿಸಿರುವ ಈ ಚಿತ್ರದ ಮಧುರ ಹಾಡುಗಳು ಹಾಗೂ ಚಿತ್ರದ ಸನ್ನಿವೇಶಗಳ ಟ್ರೇಲರ್ ಚಿತ್ರರಸಿಕರ ಮನಗೆದ್ದಿದೆ.ಉತ್ತಮ ಚಿತ್ರಕಥೆ ಚಿತ್ರದ ಪ್ಲಸ್ ಪಾಯಿಂಟ್ ಆಗಿರುವುದರಿಂದ ಚಿತ್ರ ಕೂಡ ಯಶಸ್ವಿಯಾಗುವ ಭರವಸೆ ಚಿತ್ರತಂಡಕ್ಕಿದೆ.
ಶಿವಸೇನ ಛಾಯಾಗ್ರಹಣದಲ್ಲಿ ಚಿತ್ರದ ಪ್ರತಿಯೊಂದು ಸನ್ನಿವೇಶ ಅದ್ಭುತವಾಗಿ ಮೂಡಿಬಂದಿದೆ. ಇನ್ನೂ ಜ್ಞಾನೇಶ್ ಮಠದ್ ಸಂಕಲನ, ಧನಂಜಯ ಬಿ ನೃತ್ಯ ನಿರ್ದೇಶನ ಹಾಗೂ ಚೇತನ್ ಡಿಸೋಜ ಅವರ ಸಾಹಸ ನಿರ್ದೇಶನವಿರುವ “ಜಿಗರ್” ಭೂಗತ ಲೋಕದ ಟಚ್ ಇರುವುದರಿಂದ ಚಿತ್ರದಲ್ಲಿ ಸುನೀಲ್ ಖಡಕ್ ಸಂಭಾಷಣೆ ಬರೆದಿದ್ದಾರೆ. ಅರ್ಜುನ್ ಹಾಗೂ ಗಣೇಶ್ ಪರಶುರಾಮ್ ಮಧುರವಾದ ಹಾಡುಗಳನ್ನು ರಚಿಸಿದ್ದಾರೆ.
ಭರವಸೆಯ ನಟ ಪ್ರವೀಣ್ ತೇಜ್ ಅವರಿಗೆ ನಾಯಕಿಯಾಗಿ ವಿಜಯಶ್ರೀ ನಟಿಸಿದ್ದಾರೆ. ವಿನಯಪ್ರಸಾದ್, ಯಶ್ವಂತ್ ಶೆಟ್ಟಿ , ಬಲರಾಜ್ ವಾಡಿ, ಭವ್ಯ ಪೂಜಾರಿ ಮುಂತಾದವರು ತಾರಾಬಳಗದಲ್ಲಿದ್ದು ಇದೆ ಜುಲೈ 5 ರಂದು ಬೆಳ್ಳೆತೆರೆಯ ಮೇಲೆ ರಾರಾಜಿಸಲಿದೆ…
ನಾಯಕನಟ ಪ್ರವೀಣ್ ತೇಜ್ ಅಭಿನಯದ “ಜಿಗರ್’ ಚಿತ್ರದ ಮೇಲೆ ಸಾಕಷ್ಟು ನಿರೀಕ್ಷೆ ಇದೆ.
ನಟ ಪ್ರವೀಣ್ ತೇಜ್ ಹಿಂದಿನ ಚಿತ್ರಗಳಲ್ಲಿ “ಪ್ರೇಮಕಥೆಗಳಿಗೆ ಸೀಮಿತರಾಗಿದ್ದರು ಆದರೆ “ಜಿಗರ್” ಚಿತ್ರದಲ್ಲಿ ನಿರ್ದೇಶಕರು ಆ್ಯಕ್ಷನ್‌ ಹೀರೋ ಮಾಡಿದ್ದಾರೆ. ಈ ಚಿತ್ರದಲ್ಲಿ ಪ್ರವೀಣ್ ತೇಜ್ ಅವರ ಪಾತ್ರದ ಹೆಸರು ಜೀವ. ಉತ್ಸಾಹಿ ಯುವಕನೊಬ್ಬ ಫಿಶ್‌ ಟೆಂಡರ್‌ ಶಿಪ್‌ನಲ್ಲಿ ಭಾಗಿಯಾಗುತ್ತಾನೆ. ಭೂಗತ ಲೋಕದಲ್ಲಿ ಹೆಜ್ಜೆಹಾಕುತ್ತಾನೆ.! ಅಲ್ಲಿಯ ನಾಲ್ಕೈದು ಗ್ಯಾಂಗ್ ಗಳ ನಡುವಿನ ಸಂಘರ್ಷದ ಜೊತೆಗೆ ಲವ್‌, ಆ್ಯಕ್ಷನ್‌, ಕಾಮಿಡಿ ಕೂಡ ಜೀಗರ್ ಚಿತ್ರದಲ್ಲಿದೆಯಂತೆ.
ಮಲೆನಾಡ ಪ್ರತಿಭೆ ನಮ್ಮೂರ ಹುಡುಗ ಪ್ರವೀಣ್ ತೇಜ್
ಮಲೆನಾಡ ಪ್ರತಿಭೆ ನಮ್ಮೂರ ಹುಡುಗ ಪ್ರವೀಣ್ ತೇಜ್ ಕನ್ನಡ ಚಿತ್ರರಂಗದಲ್ಲಿ ಸಾಕಷ್ಟು ಭರವಸೆ ಮೂಡಿಸಿರುವಂತಹ ನಾಯಕನಟ. ಈಗಾಗಲೇ ಮೂರ್ನಾಲ್ಕು ಚಿತ್ರದಲ್ಲಿ ಅಭಿನಯಿಸಿ ಚಿತ್ರರಸಿಕರ ಮನಗೆದ್ದಿರುವ ಕಂಚಿನ ಕಂಠದ ನಟ ಪ್ರವೀಣ್ ತೇಜ್ ಅಭಿನಯದ ಸಾಕಷ್ಟು ಭರವಸೆಯ ಚಿತ್ರ “ಜಿಗರ್” ಇದೆ ಜುಲೈ 5 ರಂದು ತೆರೆಗೆ ಬರಲಿದೆ. ಈಗಾಗಲೇ ಚಿತ್ರದ ಹಾಡುಗಳು ಸೂಪರ್ ಹಿಟ್ ಆಗಿದೆ ಚಿತ್ರದ ಟ್ರೇಲರ್ ವಿಕ್ಷಿಸಿದ ಪ್ರತಿಯೊಬ್ಬರು ಪೂರ್ತಿ ಸಿನಿಮಾವನ್ನು ಕಣ್ತುಂಬಿಕೊಳ್ಳಲು ಎದುರು ನೋಡುತ್ತಿದ್ದಾರೆ. ಸಾಕಷ್ಟು ನಿರೀಕ್ಷೆಯನ್ನಿಟ್ಟು ಚಿತ್ರತಂಡ ಈ ಚಿತ್ರವನ್ನು ಹಗಲಿರುಳು ಚಿತ್ರಿಕರಿಸಿ ಜುಲೈ 5 ರಂದು ತೆರೆಗೆ ತರಲು ಎಲ್ಲಾ ಸಿದ್ಧತೆ ಮಾಡಿಕೊಂಡಿದೆ. 5 ರಂದು ಬೆಳ್ಳಿ ತೆರೆಗೆ ಬರಲಿರುವ “ಜಿಗರ್” ಚಿತ್ರವನ್ನು ನಿವೇಲ್ಲರೂ ಹರಸಿ ಆಶೀರ್ವದಿಸಿ ಗೆಲುವಿನ ಹಾದಿಗೆ ಕೊಂಡೊಯ್ಯಬೇಕಿದೆ….
