WPL ಫೈನಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಬಗ್ಗುಬಡಿದ ಆರ್ಸಿಬಿ : ಈ ಬಾರಿ ಕಪ್ ಗೆದ್ದಾಯ್ತು
ASHWASURYA / SHIVAMOGGA
SUDHIR VIDHATA
ಅಶ್ವಸೂರ್ಯ/ಶಿವಮೊಗ್ಗ: ವುಮೆನ್ಸ್ ಪ್ರೀಮಿಯರ್ ಲೀಗ್ (WPL) ನ ಫೈನಲ್ ಪಂದ್ಯದಲ್ಲಿ ಬೆಂಗಳೂರಿನ ರಾಯಲ್ ಚಾಲೆಂಜರ್ಸ್ ತಂಡವು ದೆಹಲಿಯ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಬಗ್ಗುಬಡಿದಿದೆ ಸಂಪೂರ್ಣ ಪಂದ್ಯದ ಗತಿ ಬದಲಾಗಿದ್ದೇ ಅ ಒಂದು ಓವರ್ನಿಂದ ಮ್ಯಾಚ್ ಟರ್ನಿಂಗ್ ಪಾಯಿಂಟ್ ಎಂದೆ ಹೇಳಬಹುದು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಬೌಲರ್‌ಗಳು ಅಂತಿಮ ಹಣಾಹಣಿಯ ಪಂದ್ಯದಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದ್ದಾರೆ ಆರ್ಸಿಬಿಯ ನಂಬಿಕಸ್ತ ಬೌಲರ್ ಗಳು ದೆಹಲಿ ತಂಡವನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಗಿ ಫೈನಲ್ ಪಂದ್ಯದಲ್ಲಿ ಸಲುಭ ಜಯ ದಾಖಲಿಸಲು ಕಾರಣರಾದರು. ಆದರೆ ಈ ಪಂದ್ಯದಲ್ಲಿ ಅ ಒಂದು ಓವರ್ ಪಂದ್ಯದ ಗತಿಯನ್ನೇ ಬದಲಾಯಿಸಿತು.ರಾಯಲ್ ಚಾಲೆಂಜರ್ಸ್ ತಂಡಕ್ಕೆ ಸುಲಭವಾಗಿ ಗೆಲ್ಲಲು ಸಹಕಾರಿ ಆಯಿತು.
ಅಂತೂ ಇಂತೂ ಹೆಣ್ಣುಮಕ್ಕಳ ಕ್ರಿಕೆಟ್ ತಂಡದಿಂದ ಕೊನೆಗೂ ಬರೋಬ್ಬರಿ 16 ವರ್ಷಗಳ ಆರ್ಸಿಬಿ ಅಭಿಮಾನಿಗಳ ಕನಸು ನನಸಾಯಿತು ಈ ಬಾರಿ ಕಪ್ ನಮ್ಮದಾಯಿತು.! ದೆಹಲಿಯ ಅರುಣ್ ಜೇಟ್ಲಿ ಮೈದಾನದಲ್ಲಿ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ 2ನೇ ಸೀಸನ್ ಫೈನಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಭರ್ಜರಿ ಗೆಲುವು ಸಾಧಿಸುವುದರೊಂದಿಗೆ ಡಬ್ಲ್ಯೂಪಿಎಲ್ ಪ್ರಶಸ್ತಿಯನ್ನು ತಮ್ಮ ಮುಡಿಗೇರಿಸಿಕೊಂಡರು.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ತನ್ನ ಕಳಪೆ ಬ್ಯಾಟಿಂಗ್ ನಿಂದ ಅಂತಿಮವಾಗಿ 18.3 ಓವರುಗಳಲ್ಲಿ ಎಲ್ಲಾ ವಿಕೇಟ್‌ ಗಳನ್ನು ಕಳೆದುಕೊಂಡು ಕೇವಲ 113 ರನ್ ಗಳನ್ನು ಗಳಿಸಲಷ್ಟೇ ಶಕ್ತವಾಯಿತು. ಈ ಕಡಿಮೆ ಅಂತರದ ಮೊತ್ತವನ್ನು ಬೆನ್ನಟ್ಟಿದ ಬೆಂಗಳೂರಿನ ಆರ್ಸಿಬಿ ತಂಡ 19.3 ಓವರುಗಳಿಗೆ 2 ವಿಕೆಟ್ ಕಳೆದುಕೊಂಡು 115 ರನ್ ಗಳಿಸುವ ಮೂಲಕ 8 ವಿಕೆಟ್ ಗಳನ್ನು ಉಳಿಸಿಕೊಂಡು ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಚೊಚ್ಚಲ ಕಪ್ ಮುಡಿಗೇರಿಸಿಕೊಂಡಿದೆ ಬೆಂಗಳೂರಿನ ಆರ್ಸಿಬಿ ತಂಡ.
ಆದರೆ ಈ ಪಂದ್ಯ ಗೆಲ್ಲಲು ಪ್ರಮುಖ ಕಾರಣವೇ ಅ ಒಂದು ಓವರ್.! ಎಂದರೆ ತಪ್ಪಾಗಲಾರದು. ಈ ನಿರ್ಣಾಯಕ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಎಲ್ಲಾ ಬೌಲರುಗಳು ಅದ್ಭುತವಾಗಿ ಬೌಲಿಂಗ್ ಮಾಡಿದ್ದಾರೆ ಡೆಲ್ಲಿ ತಂಡವನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ ಆದರೆ ಅದೊಂದು ಓವರ್ ಪ್ರಮುಖವಾಗಿ ಪಂದ್ಯದ ಗತಿಯನ್ನೇ ಬದಲಾಯಿಸಿತು
ಒಂದು ಹಂತದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಆರಂಭಿಕ ಆಟಗಾರ್ತಿಯರ ಅಬ್ಬರ ಆಟಕ್ಕೆ ಡೆಲ್ಲಿ ಬೃಹತ್ ಮೊತ್ತ ಕಲೆ ಹಾಕಬಹುದು ಎನ್ನುವ ನಂಬಿಕೆ ಇತ್ತು. ಪವರ್ ಪ್ಲೇ ಹಂತದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಮೊದಲ 6 ಓವರ್ ಗಳಿಗೆ ಹತ್ತು ರನ್ನುಗಳ ಸರಾಸರಿಯಲ್ಲಿ 61 ರನ್ ಸಿಡಿಸಿದ್ದರು. ಆದರೆ ನಂತರದ 6 ಓವರ್ಗಳಿಗೆ ಕೇವಲ 16 ರನ್ ಗಳಿಸಿ ತಂಡದ 4 ಪ್ರಮುಖ ವಿಕೆಟ್‌ಗಳನ್ನು ಕಳೆದುಕೊಂಡಿದ್ದರು.
ಹೌದು, ಪವರ್ ಪ್ಲೇ ಮುಗಿಯುತ್ತಿದ್ದ ಹಾಗೆ ಬೌಲಿಂಗ್ ದಾಳಿಗೆ ಬಂದ ನಂಬಿಕಸ್ಥ ಬೌಲರ್ ಸೋಫಿ ಮೊಲಿನಕ್ಸ್ ಒಂದೇ ಓವರಿನಲ್ಲಿ ಕೇವಲ ಒಂದುರನ್ ಕೊಟ್ಟು ಪ್ರಮುಖ 3 ವಿಕೆಟ್ ಪಡೆದು ಮಿಂಚುವುದರ ಜೋತೆಗೆ ಡೆಲ್ಲಿ ತಂಡಕ್ಕೆ ಬಲವಾದ ಹೊಡೆತ ಕೊಟ್ಟರು ಈ ಒಂದು ಓವರ್ ಪಂದ್ಯದ ಗತಿಯನ್ನೆ ಬದಲಾಯಿಸಿತು.! ಸೋಫಿ ಮೊಲಿನಕ್ಸ್ ಅವರು 7ನೇ ಓವರ್ ನ ಮೊದಲ ಎಸೆತದಲ್ಲಿಯೇ ವಿಕೆಟ್ ಪಡೆದು ಬ್ರೇಕ್ ಥ್ರೂ ನೀಡಿದರು.
ಸೋಫಿ ಮೊಲಿನಕ್ಸ್ 7ನೇ ಓವರ್ನ ಮೊದಲ ಎಸೆತದಲ್ಲಿ ಡೇಂಜರಸ್ ಬ್ಯಾಟರ್ ಆಗಿದ್ದ ಶೇಫಾಲಿ ವರ್ಮಾ ಅವರ ವಿಕೆಟ್ ಪಡೆದರು. ಬಳಿಕ ನಂತರದ ಬಾಲ್ ನಲ್ಲಿ ರನ್ ಕೊಡಲಿಲ್ಲ ಬಳಿಕ ಮೂರು ಮತ್ತು ನಾಲ್ಕನೇ ಬಾಲ್ ನಲ್ಲಿ ಜೆಮಿಮಾ ರಾಡಿಗ್ರಸ್ ಹಾಗೂ ಕ್ಯಾಪ್ಸಿ ವಿಕೆಟ್ ಪಡೆಯುವ ಮೂಲಕ ಡೆಲ್ಲಿ ತಂಡದ ಬ್ಯಾಟಿಂಗ್ ಬೆನ್ನೆಲುಬನ್ನೆ ಮುರಿದು ಹಾಕಿದರು.!
ಈ ಮೂಲಕ ಕೆಲವು 64 ರನ್ ಗಳಿಸಿದ್ದಾಗಲೇ ಸತತ 3 ವಿಕೆಟ್ ಕಳೆದುಕೊಂಡು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸಂಕಷ್ಟಕ್ಕೆ ಸಿಲುಕುವಂತೆ ಮಾಡಿದ್ದರು ಸೋಫಿ ಮೊಲಿನಕ್ಸ್.! ಇವರ ಬೌಲಿಂಗ್ ನಲ್ಲಿ 3 ವಿಕೆಟ್ ಬೀಳದೆ ಹೋಗಿದ್ದರೆ ಶೇಫಾಲಿ ಮತ್ತು ಜೆಮಿಮಾ ಆರ್ಸಿಬಿ ವಿರುದ್ಧ ಡೇಂಜರಸ್ ಭರ್ಜರಿ ಬ್ಯಾಟಿಂಗ್ ಮಾಡುವುದಂತೀ ಪಕ್ಕಾ ಆಗಿತ್ತು. ಆದರೆ ಸೋಫಿ ಮೊಲಿನಕ್ಸ್ ಈ 3 ವಿಕೆಟ್ ಪಡೆದು ಪಂದ್ಯದ ಗತಿಯನ್ನೇ ಬದಲಿಸಿ ಆರ್ಸಿಬಿಗೆ ಅರ್ಧದಷ್ಟು ಜಯ ತಂದುಕೊಟ್ಟಿದ್ದರು.!
ಈ ಫೈನಲ್ ಪಂದ್ಯದಲ್ಲಿ ಆರ್ಸಿಬಿ ಪರ ಕನ್ನಡತಿ ಶ್ರೇಯಾಂಕ ಪಟೇಲ್ 3.3 ಓವರ್ಗೆ ಕೇವಲ 12 ರನ್ ನೀಡಿ 4 ವಿಕೆಟ್ ಕಬಳಿಸಿದರೆ , ಸೋಫಿ ಮೊಲಿನಕ್ಸ್ 4 ಓವರ್ಗೆ 20 ರನ್ ನೀಡಿ 3 ವಿಕೆಟ್ ಪಡೆದಿದ್ದರು. ಶೋಭನಾ ಆಶಾ ಸಹ ಒಂದೇ ಓವರ್ ನಲ್ಲಿ 2 ವಿಕೆಟ್ ಪಡೆದು ತಂಡದ ಗೆಲುವಿಗೆ ಸಹಕಾರಿಯಾದರು.ಡೆಲ್ಲಿ ತಂಡದ 10 ವಿಕೆಟ್ ಗಳಲ್ಲಿ 9 ವಿಕೆಟುಗಳನ್ನು ಆರ್ಸಿಬಿಯ ಸ್ಪಿನ್ ಬೌಲರುಗಳೆ ಕಬಳಿಸಿದರು.! ಡೆಲ್ಲಿಯ ಇನ್ನೊಂದು ವಿಕೆಟ್ ರನೌಟಿಗೆ ಬಲಿಯಾಗಿತ್ತು.
ಕೊನೆಗೂ ಬೆಂಗಳೂರಿನ ಆರ್ಸಿಬಿ ಮಹಿಳಾ ತಂಡ WPL ಕಪ್ ಗೆಲ್ಲುವುದರೊಂದಿಗೆ ಕರ್ನಾಟಕದ ಕ್ರಿಕೆಟ್ ಅಭಿಮಾನಿಗಳ ಹಲವು ವರ್ಷದ ಕನಸನ್ನು ನನಸು ಮಾಡಿತು. ಈ ಬಾರಿ ಕಪ್ ನಮ್ದೆ ಎಂದಿದ್ದು ಸಾರ್ಥಕವಾಯಿತು…
