KSCA ದ್ವೀತಿಯ ದರ್ಜೆ ಕ್ರಿಕೆಟ್ ಲೀಗ್ ಪಂದ್ಯದಲ್ಲಿ ಶತಕ ಸಿಡಿಸಿದ ದೇವ್ ಕ್ರಿಕೆಟ್ ಕ್ಲಬ್ಬಿನ ಶ್ರೇಯಸ್ ಮತ್ತು ಬೌಲಿಂಗ್ ನಲ್ಲಿ 5 ವಿಕೆಟ್ ಕಬಳಿಸಿದ ಕರಣ್
ಜಾಲಿ ಫ್ರೆಂಡ್ಸ್ ಕ್ರಿಕೆಟರ್ಸ್ ವಿರುದ್ಧ ದೇವ್ ಕ್ರಿಕೆಟ್ ಕ್ಲಬ್ಬಿನ ಶ್ರೇಯಸ್ ರವರು ಕೆ.ಎಸ್.ಸಿ.ಎ ದ್ವಿತೀಯ ದರ್ಜೆ ಕ್ರಿಕೆಟ್ ಲೀಗ್ ಪಂದ್ಯದಲ್ಲಿ 103 ರನ್ ಗಳಿಸಿದರು. ಈ ಪಂದ್ಯಾವಳಿ ಭದ್ರಾವತಿಯ ವಿಐಎಸ್ಎಲ್ ಕ್ರೀಡಾಂಗಣದಲ್ಲಿ ನಡೆದಿದ್ದು ಮೊದಲು ಬ್ಯಾಟಿಂಗ್ ಮಾಡಿದ ದೇವ್ ಕ್ರಿಕೆಟ್ ಕ್ಲಬ್ 237 ರನ್ ಗಳಿಸಿದರು ನಂತರ ಬ್ಯಾಟಿಂಗ್ ಮಾಡಿದ ಜಾಲಿ ಕ್ರಿಕೆಟ್ ಕ್ಲಬ್ 118 ರನ್ ಗಳಿಸಿ ತನ್ನ ಎಲ್ಲಾ ವಿಕೆಟುಗಳನ್ನು ಕಳೆದುಕೊಂಡು ದೇವ್ ಕ್ರಿಕೆಟ್ ಕ್ಲಬ್ಬಿನ ವಿರುದ್ಧ ಸೋಲಿಗೆ ಶರಣಾಯಿತು. ದೇವ್ ತಂಡದ ನಂಬುಗೆಯ ಬೌಲರ್ ಕರಣ್ ರವರು 4.3 ಓವರ್ನಲ್ಲಿ 18 ರನ್ ನೀಡಿ 5 ವಿಕೆಟ್ ಗಳನ್ನು ತಮ್ಮ ಜೋಳಿಗೆಗೆ ಹಾಕಿಕೊಂಡು ತಂಡದ ಗೆಲುವಿಗೆ ಕಾರಣರಾದರು.ಈ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿ ದೇವ್ ಕ್ರಿಕೆಟ್ ಕ್ಲಬ್ಬಿನ ಗೆಲುವಿಗೆ ಪ್ರಮುಖ ಕಾರಣರಾದ ಬ್ಯಾಟಿಂಗ್ ನಲ್ಲಿ ಶತಕ ಸಿಡಿಸಿದ ಶ್ರೇಯಸ್ ಮತ್ತು ಬೌಲಿಂಗ್ ನಲ್ಲಿ 18 ರನ್ ನೀಡಿ 5 ವಿಕೆಟ್ ಕಬಳಿಸಿದ ಕರಣ್ ಇವರಿಗೆ ದೇವ್ ಕ್ರಿಕೆಟ್ ಕ್ಲಬ್ ನ ಕೋಚ್ ಡಾ ಅನಿಲ್ ಕುಮಾರ್ ಎ ಬಿ ಹಾಗೂ ಸ್ನೇಹಿತರಾದ ರೋಹನ್ ಡಿಕಾಸ್ಟ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
