ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡ,ತೀರ್ಥಹಳ್ಳಿ ತಾಲೂಕು ಒಕ್ಕಲಿಗ ಸಂಘವನ್ನು ಸುಧೀರ್ಘಕಾಲ ಮುನ್ನೆಡೆಸಿದ ಹಿರಿಯ ವ್ಯಕ್ತಿ ಕಡ್ತೂರು ಶ್ರೀನಿವಾಸ್ ಗೌಡ್ರು ಇನ್ನಿಲ್ಲ.
ತೀರ್ಥಹಳ್ಳಿ ತಾಲೂಕು ಒಕ್ಕಲಿಗರ ಸಂಘವನ್ನು ಬಹಳ ವರ್ಷಗಳ ಕಾಲ ಮುನ್ನಡೆಸಿದ ಹಿರಿಯರಾದ ಕಡ್ತೂರು ಶ್ರೀನಿವಾಸ್ ( 90 ವರ್ಷ) ಅವರು ಶಿವಮೊಗ್ಗದ ನಾರಾಯಣ ಹೃದಯಾಲಯದಲ್ಲಿ ಜ. 7 ರಂದು ರಾತ್ರಿ ನಿಧನರಾದರು. ಶ್ರೀನಿವಾಸ ಗೌಡರ ಪಾರ್ಥೀವ ಶರೀರವನ್ನು ತೀರ್ಥಹಳ್ಳಿಯ ಕುಶಾವತಿಯ ಒಕ್ಕಲಿಗರ ಕೆಟಿಕೆ ಕಲ್ಯಾಣ ಮಂಟಪದಲ್ಲಿ ಇವತ್ತು ರಾತ್ರಿ 11 ರಿಂದ 11-30 ವರೆಗೆ ಸಾರ್ವಜನಿಕರ ದರ್ಶನಕ್ಕೆ ಇಡಲಾಗುವುದು. ಅನಂತರ ಅವರ ತವರೂರು ಕಡ್ತೂರಿಗೆ ಕೊಂಡೊಯ್ಯಲಾಗುವುದು ಎಂದು ಅವರ ಕುಟುಂಬದ ಶಚ್ಚೀಂದ್ರ ಹೆಗ್ಡೆ ತಿಳಿಸಿದ್ದಾರೆ . ಹಿರಿಯರಾದ ಶ್ರೀನಿವಾಸ ಗೌಡರು ಮೃದು ಸ್ವಭಾವದವರಾಗಿದ್ದು, ಎಲ್ಲರ ಗೌರವಕ್ಕೆ ಪಾತ್ರರಾಗಿದ್ದರು. ಸಮುದಾಯದ ಎಲ್ಲರನ್ನೂ ಅನ್ಯೋನ್ಯವಾಗಿ ಕೊಂಡೊಯ್ಯವ ಗುಣ ಇವರಲ್ಲಿತ್ತು. ಕಾಂಗ್ರೆಸ್ ಪಕ್ಷದ ಹಿರಿಯ ನಿಷ್ಠಾವಂತ ಸದಸ್ಯರಾಗಿದ್ದರು ಕಾಂಗ್ರೆಸ್ ಪಕ್ಷಕ್ಕೆ ಇವರ ಕೊಡುಗೆ ಅಪಾರ , ಇವರ ಅಗಲುವಿಕೆಯಿಂದ ಕಾಂಗ್ರೆಸ್ ಪಕ್ಷ ಹಾಗೂ ಸಮಾಜಕ್ಕೆ ತುಂಬಲಾರದ ನಷ್ಟವೆಂದು ಮಾಜಿ ಶಿಕ್ಷಣ ಸಚಿವರಾದ ಕಿಮ್ಮನೆ ರತ್ನಾಕರ್ ಮತ್ತು ಶಿವಮೊಗ್ಗ ಜಿಲ್ಲಾ DCC Bank ಅಧ್ಯಕ್ಷರಾದ RM ಮಂಜುನಾಥ ಗೌಡರು ಕಂಬನಿ ಮಿಡಿದಿದ್ದು ಶ್ರದ್ದಾಂಜಲಿ ಸಲ್ಲಿಸಿದ್ದಾರೆ ‘…🙏
