ಸರಳ ಸುಂದರ ಕಾರ್ಯಕ್ರಮದಲ್ಲಿ ಮಾತೆಯರಿಂದ ತುಂಗಾ ತರಂಗ ಪತ್ರಿಕೆಯ ” ತುಂಗೆಯ ವರುಣಾಂತರಂಗ ” ವಿಶೇಷಾಂಕ ಬಿಡುಗಡೆ.

ಸರಳ ಸುಂದರ ಕಾರ್ಯಕ್ರಮದಲ್ಲಿ ಮಾತೆಯರಿಂದ ತುಂಗಾ ತರಂಗ ಪತ್ರಿಕೆಯ ತುಂಗೆಯ ವರುಣಾಂತರಂಗ ವಿಶೇಷಾಂಕ ಬಿಡುಗಡೆ.

ಶಿವಮೊಗ್ಗ, ಡಿ.18:
ಶಿವಮೊಗ್ಗ ಜಿಲ್ಲೆಯ ಹೆಸರಾಂತ ಪತ್ರಿಕೆಗಳಲ್ಲಿ ಒಂದಾದ “ತುಂಗಾ ತರಂಗ” ದಿನಪತ್ರಿಕೆಯ ವಾರ್ಷಿಕ ವಿಶೇಷಾಂಕ ತುಂಗೆಯ ವರುಣಾಂತರಂಗವನ್ನು ಇಂದು ಬೆಳಗ್ಗೆ ಗೋಪಾಳದ ರಾಮಕೃಷ್ಣ ವಿದ್ಯಾನಿಕೇತನದ ಸಭಾಂಗಣಲ್ಲಿ ನಡೆದ ಸರಳ ಸುಂದರ ಕಾರ್ಯಕ್ರಮದಲ್ಲಿ ಮಾತೆ ಯರು ವಿಶೇಷಾಂಕವನ್ನು ಬಿಡುಗಡೆ ಮಾಡಿ ಶುಭಕೊರಿದರು.

ತುಂಗಾ ತರಂಗ ದಿನಪತ್ರಿಕೆಯ ಸಂಪಾದಕರಾದ ಎಸ್ ಕೆ ಗಜೇಂದ್ರ ಸ್ವಾಮಿ

ಪ್ರತಿ ವರ್ಷದಂತೆ ಈ ವರ್ಷವೂ ಹೊರತಂದ ವಿಶೇಷಾಂಕದಲ್ಲಿ ವರುಣನನ್ನು ಸ್ವಾಗತಿಸಲು ತುಂಗೆಯ ವರುಣಾಂತರಂಗದ ಶೀರೋನಾಮೆ ನೀಡಿದ್ದು ವಿಶೇಷಾಂಕದ ಮೆರಗನ್ನು ಇನ್ನಷ್ಟು ಹೆಚ್ಚಿಸಿತ್ತು. ಈ ಕಾರ್ಯಕ್ರಮದಲ್ಲಿ ಹಿರಿಯ ವೈದ್ಯೆ ಡಾ.ವಾಣಿಕೋರಿ, ರಾಮಕೃಷ್ಣ ವಿದ್ಯಾ ಸಂಸ್ಥೆಯ ಕಾರ್ಯದರ್ಶಿ ಶೋಭಾ ವೆಂಕಟರಮಣ, ತುಂಗಾ ತರಂಗ ದಿನಪತ್ರಿಕೆ ನಿಕಟಪೂರ್ವ ವರದಿಗಾರರಾಗಿದ್ದ ದಿವಂಗತ ರಾಮಸ್ವಾಮಿ ಅವರ ಪತ್ನಿ ಶಾಂತಾ ರಾಮಸ್ವಾಮಿ ಹಾಗೂ ಪತ್ರಿಕಾ ರಂಗದ ಇನ್ನೋರ್ವ ಆತ್ಮೀಯ ಗೆಳೆಯ ದಿವಂಗತ ವಿಶ್ವನಾಥ್ ಸಿಂಗ್ ಅವರ ಪತ್ನಿ ವೇದಾವತಿ ವಿ ಸಿಂಗ್ ಅವರುಗಳು ಈ ಸಾಲಿನ ವಿಶೇಷಾಂಕವನ್ನು ಬಿಡುಗಡೆ ಮಾಡಿದರು.

ಕಾರ್ಯಕ್ರಮದಲ್ಲಿ ಡಾ.ವಾಣಿಕೋರಿ ಅವರು ಮಾತನಾಡುತ್ತಾ, ವೈದ್ಯ ಲೋಕದಲ್ಲಿ ನಮ್ಮ ಸಾಧನೆ ಹಾಗೂ ಯಶಸ್ಸುಗಳನ್ನು ಮಾದ್ಯಮರಂಗದವರು ಪ್ರಚುರಪಡಿಸುವ ಹಿನ್ನಲೆಯಲ್ಲಿ ನಾವುಗಳು ಬೆಳೆಯಲು ಸಾಧ್ಯ. ಶಿವಮೊಗ್ಗ ಜಿಲ್ಲೆಯ ಪತ್ರಿಕೆಗಳು ಈ ವಿಷಯದಲ್ಲಿ ನಮ್ಮನ್ನು ಗುರುತಿಸಿ ಈ ಮಟ್ಟಕ್ಕೆ ಎಲ್ಲರೂ ಗುರುತಿಸುವಂತೆ ಬೆಳೆಸಿದ್ದಾರೆ. ಇದರಲ್ಲಿ ತುಂಗಾ ತರಂಗ ಪತ್ರಿಕೆಯದು ವಿಶೇಷ ಹೆಚ್ಚುಗಾರಿಕೆ ಇದೆ ಎಂದು ಹೇಳಿದರು.
ನೇಪಾಳದಲ್ಲಿ ನಡೆದ ಭೂಕಂಪ ವಿಷಯದಲ್ಲಿ ವೈದ್ಯಕೀಯ ಸಹಾಯಕ್ಕೆ ಹೋಗಿದ್ದ ಸಂದರ್ಭಧಲ್ಲಿ ನಾವು ಬದುಕಿದ್ದೇವೆ ಎಂಬುದನ್ನು ದಿನನಿತ್ಯ ಸಿಗದ ನೆಟ್‌ವರ್ಕ್‌ನಲ್ಲೂ ನಮ್ಮನ್ನು ಹುಡುಕಿ ಮಾಹಿತಿ ನೀಡುತ್ತಿದ್ದ ಗಜೇಂದ್ರ ಸ್ವಾಮಿಯಂತಹ ಪತ್ರಕರ್ತರಿಂದ ನಮ್ಮ ಕುಟುಂಬಗಳು ನೆಮ್ಮದಿಯಾಗಿದ್ದವು ಎಂದು ಉದಾಹರಿಸಿದರು.

ಹಿರಿಯ ಪತ್ರಿಕಾ ಸಂಪಾದಕರಾದ ಎಸ್.ಚಂದ್ರಕಾಂತ್ ಅವರು ಮಾತನಾಡುತ್ತಾ, ನಾಲ್ಕು ಪುಟದಲ್ಲಿ ನೀಡುವ ಸುದ್ದಿಗಳನ್ನು ಸಂಕ್ಷಿಪ್ತವಾಗಿ ನೀಡುವಂತಹ ತುಂಗಾ ತರಂಗ ದಿನಪತ್ರಿಕೆ ಶ್ಲಾಘನೀಯ ಕೆಲಸ ಮಾಡುತ್ತಿದೆ. ವಿಶೇಷಾಂಕ ಹಾಗೂ ಕ್ಯಾಲೆಂಡರ್ ಮಾಧ್ಯಮಗಳ ಉಳುವಿಗೆ ಕ್ರೂಢೀಕರಣಕ್ಕೆ ಸಹಾಯ ಮಾಡುತ್ತದೆ. ಗಜೇಂದ್ರ ಸ್ವಾಮಿ ಬಳಗದ ಈ ಕಾರ್ಯ ಮೆಚ್ಚುಗೆಗೆ ಅರ್ಹವಾದದು ಎಂದರು.
ರಾಮಕೃಷ್ಣ ವಿದ್ಯಾನಿಕೇತನದ ಕಾರ್ಯದರ್ಶಿ ಶೋಭಾವೆಂಕರಮಣ ಮಾತನಾಡುತ್ತಾ, ಮಾದ್ಯಮಗಳು ನಮ್ಮ ಶಿಕ್ಷಣ ಸಂಸ್ಥೆಗಳನ್ನು ಬೆಳೆಸಲು ಕಾರಣಕರ್ತವಾಗಿವೆ. ಸಾಧಕ ಮಕ್ಕಳನ್ನು ಗುರುತಿಸಿ ಬೆಳೆಸುವ ಮಾಧ್ಯಮಗಳಿಂದ ಪ್ರತಿಭೆಗಳು ಇನ್ನಷ್ಟು ಬೆಳೆಯಲು ಕಾರಣವಾಗುತ್ತವೆ. ತುಂಗಾ ತರಂಗ ಪತ್ರಿಕೆ ನೀಡುವ ಸ್ಪಷ್ಟ ಹಾಗೂ ನೈಜ ಸುದ್ದಿಗಳು ಸತ್ಯಕ್ಕೆ ಹತ್ತಿರವಾಗಿರುತ್ತವೆ ಎಂದರು.
ಹಿರಿಯ ವೈದ್ಯ ಹೆಚ್.ಆರ್.ಡಿ. ಆಸ್ಪತ್ರೆಯ ಡಾ.ದೇವೇಂದ್ರಪ್ಪ, ಕಾಂಗ್ರೆಸ್ ಉಪಾಧ್ಯಕ್ಷ, ಮಾಜಿ ನಗರಸಭಾ ಅಧ್ಯಕ್ಷ ಎಲ್.ಸತ್ಯನಾರಾಯಣ್‌ರಾವ್ ಮಾತನಾಡಿ ತುಂಗಾ ತರಂಗ ಬಳಗದ ಕಾರ್ಯವನ್ನು ಶ್ಲಾಘಿಸಿದರು. ಕಾರ್ಯಕ್ರಮದಲ್ಲಿ ವೈಷ್ಣವ ಸಮಾಜದ ರಾಜ್ಯಾಧ್ಯಕ್ಷ ಕೃಷ್ಣಸ್ವಾಮಿ, ನಾಗರತ್ನಮ್ಮ ಹಾಗೂ ಇತರರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ರಾಮಕೃಷ್ಣ ವಿದ್ಯಾನಿಕೇತನದ ವಿದ್ಯಾರ್ಥಿಗಳು ಪ್ರಾರ್ಥಿಸಿದರು. ಪತ್ರಿಕೆಯ ಸಂಪಾದಕ ಎಸ್.ಕೆ.ಗಜೇಂದ್ರಸ್ವಾಮಿ ಸರ್ವರನ್ನು ಸ್ವಾಗತಿಸಿ ಪ್ರಾಸ್ತವಿಕವಾಗಿ ಮಾತನಾಡಿದರು. ರಾಮಕೃಷ್ಣ ಶಾಲೆಯ ಪ್ರಾಂಶುಪಾಲರಾದ ಗಜೇಂದ್ರನಾಥ್ ನಿರೂಪಿಸಿದರು. ಮುಖ್ಯ ಶಿಕ್ಷಕ ತಿರ್ಥೇಶ್ ವಂದಿಸಿದರು.

ಸಕಾಲದಲ್ಲಿ ಸರಳ, ಸುಂದರ ಸಮಾರಂಭ
ಬೆಳಗ್ಗೆ 11 ಗಂಟೆಗೆ ಕಾರ್ಯಕ್ರಮ ಆರಂಭ ಎಂದು ಮಾಹಿತಿ ನೀಡಿದ ಸಂದರ್ಭದಲ್ಲಿ ತುಂಗಾ ತರಂಗ ಆತ್ಮೀಯ ಬಳಗ ನೀಡಿದ ಪ್ರೀತಿಯ ಆಹ್ವಾನಕ್ಕೆ ಸಕಾಲದಲ್ಲಿ ಬೆಲ್ಲು ಹೊಡೆದಂತೆ ಅತ್ಯಂತ ಒತ್ತಡಗಳ ನಡುವೆ ಡಾ.ವಾಣಿಕೋರಿ, ಡಾ.ದೇವೇಂದ್ರಪ್ಪ, ಎಸ್.ಚಂದ್ರಕಾಂತ್, ಸತ್ಯನಾರಾಯಣರಾವ್ ಆಗಮಿಸಿದ್ದು ವಿಶೇಷವಾಗಿತ್ತು. ಅತಿಥ್ಯ ನೀಡಿದ ರಾಮಕೃಷ್ಣ ವಿದ್ಯಾನಿಕೇತನದ ಶಿಕ್ಷಕ ಸಮೂಹ ಸರ್ವರನ್ನು ವಿಶೇಷವಾಗಿ ಕಾರ್ಯಕ್ರಮಕ್ಕೆ ಸ್ವಾಗತಿಸಿತು. ನಿತ್ಯ ಪತ್ರಿಕೆ ಹೊರತರುವ ಸಂಕಷ್ಟದ ನಡಿವೆ
ಸರಳ ಹಾಗೂ ಸುಂದರ ಸಮಾರಂಭ ನಿಜಕ್ಕೂ ಮೆಚ್ಚುವಂತಿತ್ತು.
ಕಾರ್ಯಕ್ರಮದಲ್ಲಿ ಹಿರಿಯ ಪತ್ರಕರ್ತರಾದ ಜಿ.ಪದ್ಮನಾಭ್, ಶಿ.ಜು.ಪಾಶ, ಶಿವಮೊಗ್ಗ ಟೈಮ್ಸ್‌ನ ಅಭಿನಂದನ್, ಆರುಂಡಿ ಶ್ರೀನಿವಾಸ್, ದುರ್ಗಾ ಪ್ರೀಂಟರ‍್ಸ್‌ನ ಮಾಲೀಕ ಶ್ರೀನಿವಾಸ್, ಶಿಕ್ಷಣ ಇಲಾಖೆಯ ಹಿರಿಯ ಅಧಿಕಾರಿ ಅಶ್ವತ್‌ನಾರಾಯಣ್, ವೆಂಕಟೇಶ್ವರ ಬಸ್ ಮಾಲೀಕ ನಾಗರಾಜ್, ಸಾಹಿತಿ ನಾಗರತ್ನಮ್ಮ, ರಾಮಕೃಷ್ಣ ವಿದ್ಯಾ ಸಂಸ್ಥೆಯ ಅರುಣ್, ಹಿರಿಯ ಶಿಕ್ಷಕರಾದ ಶೈಲಜಾ, ರಮೇಶ್, ಮೆಸ್ಕಾಂನ ಮಂಜುನಾಥ್, ರಾಜೇಂದ್ರನಾಯ್ಕ್, ಮಾನವಹಕ್ಕುಗಳ ಸಮಿತಿಯ ಕೆ.ನಾಗರಾಜ್, ಎಸ್.ರಮೇಶ್, ಆಟೋರವಿ, ರಾಘವೇಂದ್ರರಾವ್ ಮೋರೆ, ಪತ್ರಿಕಾ ವಿತರಕ ಮಾಲತೇಶ್, ಗಜೇಂದ್ರಸ್ವಾಮಿ ಅವರ ಪತ್ನಿ ವೀಣಾರಾಣಿ, ತುಂಗಾ ತರಂಗ ಪತ್ರಿಕಾ ಬಳಗದ ರಾಕೇಶ್ ಸೋಮಿನಕೊಪ್ಪ., ರವಿ.ಎ ಹಾಗೂ ಶಿಕ್ಷಕ ವೃಂದದ ಸ್ಪಂದನೆಗೆ ತುಂಗಾ ತರಂಗ ಪತ್ರಿಕಾ ಬಳಗ ವಿಶೇಷವಾಗಿ ಗೌರವ ಸೂಚಿಸುತ್ತದೆ. ವಿಶೇಷಾಂಕ ಬಿಡುಗಡೆಗೆ “ಸಹ್ಯಾದ್ರಿ ಸುದ್ದಿ” ದಿನಪತ್ರಿಕೆಯ ಸುಧೀರ್ ವಿಧಾತ, ಮೆಸ್ಕಾಂ ಅಭಿಯಂತರ ಹೆಚ್.ಬಿ.ಜಗದೀಶ್ ಶುಭಕೋರಿದ್ದಾರೆ.