ಬಳ್ಳಾರಿ ಜೈಲು ಬಯಲುಸೀಮೆಯ ಸುಂದರವಾದ ಉದ್ಯಾನವನದಂತೆ ಗೋಚರಿಸುತ್ತಿದೆ. ಜೈಲು ಕಟ್ಟಡದ ಮುಂದೊಂದು ದೊಡ್ಡದಾದ ದ್ವಾರ ಬಾಗಿಲು ಮತ್ತು ಪ್ರವೇಶ ದ್ವಾರದಲ್ಲಿ ಖಡಕ್ ಕಾವಲು ಪೋಲಿಸರು ಎನ್ನುವುದನ್ನು ಬಿಟ್ಟರೆ ಒಳಗಿರುವ ಖೈದಿಗಳಿಗೆ ಒಳಾಂಗಣ ಮಾತ್ರ ಜೈಲು ರೂಪದ ಸುಂದರ ಉದ್ಯಾನವನವೆ ಆಗಿದೆ .ಇಲ್ಲಿ ಖೈದಿಗಳಿಗೆ. ಇನ್ನಿತರ ಪ್ರಕರಣದ ವಿಚಾರಣಾ ದಿನದ ಆರೋಪಿತರಿಗೆ ಇದೊಂದು ಲಾಡ್ಜ್ ನಂತೆ ಗೊಚರಿಸುತ್ತದೆ. ಸುತ್ತಮುತ್ತ ನಮ್ಮವರಿಲ್ಲ ಎನ್ನುವುದನ್ನು ಬಿಟ್ಟರೆ ನಮ್ಮವರ ಸಂಪರ್ಕದಲ್ಲಿರಲು ಯಾವುದೇ ತೊಂದರೆಯಂತು ಇಲ್ಲಾ. ಇಲ್ಲಿಯ ಆರೋಪಿತರ ಕೈಯಲ್ಲಿ ಆವರನ್ನು ನೋಡಲು ಬರುವ ಅವರ ಕಡೆಯವರ ಕೈಯಲ್ಲಿ ಗರಿ ಗರಿ ನೋಟಿದ್ದರೆ ಸಾಕು ಕೆಲವು ಜೈಲ್ ಪೋಲಿಸರು ಅದೊಂದನ್ನು ಬಿಟ್ಟು ಉಳಿದೆಲ್ಲವನ್ನು ತರಿಸಿ ಕೊಳ್ಳಬಹುದು. ಆ ಮಟ್ಟದ ಭ್ರಷ್ಟಾಚಾರ ಈ ಜೈಲಿನ ಕಾಪೌಂಡಿನ ಒಳಗೆ ನೆಡೆಯುತ್ತಿದೆಯಂತೆ!! ಇಲ್ಲಿ ಹಣವಿರುವ ಆರೋಪಿತನೆ ಜೈಲ್ ಅಧಿಕಾರಿಯಂತೆ ಕಾಣಿಸುತ್ತಾನೆ! ಮತ್ತೆ ಸೆರೆಮನೆಯ ಪಡುಸಾಲೆಯಲ್ಲಿ ಠಳಾಯಿಸುತ್ತಾನೆ. ಅದರಲ್ಲೂ ರೌಡಿಗಳು ಜೈಲಿನಲ್ಲಿದ್ದರೆ ಸಾಕು ಜೈಲು ವಾತವರಣವೆ ಡೀಲಿಂಗಿನ ಅಡ್ಡೆಯಾಗಿ ಬಿಡುತ್ತದೆ.ಇಲ್ಲಿರುವ ರೌಡಿಗಳು ಸೆರೆಮನೆಯ ಸರಳ ಹಿಂದಿನಿಂದಲೇ ಹೊರಗಿರುವ ತಮ್ಮ ಶಿಷ್ಯಂದರ ಮುಖಾಂತರ ಲಕ್ಷಾಂತರ ರೂಪಾಯಿ ಡೀಲ್‌ ಕುದರಿಸಿ ಕೊಳ್ಳುತ್ತಿದ್ದಾರೆ. ಈ ಹಾದಿಯಲ್ಲಿ ಶಿವಮೊಗ್ಗದ ಭೂಗತ ಜಗತ್ತಿನ ಡಾನ್ ಎಂದೆ ಬಿಂಬಿತನಾಗಿತುವ ಮಾರ್ಕೆಟ್ ಲೋಕಿ ಬಳ್ಳಾರಿ ಜೈಲಿನ ಸರಳ ಹಿಂದಿನಿಂದಲೆ ಆವಾಜ್ ಹಾಕಿದ್ದನೆ……ಲೋಕಿ ಆವಾಜಿಗೆ ಮಲೆನಾಡ ಪಾತಕಲೋಕ ಬೆಚ್ಚಿ ಬಿದ್ದದೆ ಇದರ ಬೆನ್ನಿಗೆ ಪೋಲಿಸರು ಆಲರ್ಟ್ ಆಗಿದ್ದಾರೆ…..
ಹಲವು ಪ್ರಕರಣಗಳ ಆರೋಪಿ, ಶಿವಮೊಗ್ಗ ಪಾತಕಲೋಕದಲ್ಲಿ ತನಗೆ ಅರಿವಿಲ್ಲದೆ ನೆತ್ತರನ್ನು ಕೈಗೆ ಅಂಟಿಸಿಕೊಂಡ ಯುವಕ ಅಣ್ಣನ ಹತ್ಯೆಯ ರಿವೆಂಜಿಗೆ ಬಿದ್ದು ಹಲವು ರೌಡಿಗಳ ಚಟ್ಟಕಟ್ಟಿದ ಡೆಂಜರಸ್ ರೌಡಿ ಮಾರ್ಕೆಟ್ ಲೋಕಿ ಸದ್ಯ ಬಳ್ಳಾರಿಯ ಜೈಲಿನಲ್ಲಿದ್ದಾನೆ.ಈತ ಕೆಲವು ದಿನಗಳ ಹಿಂದೆ ಬಳ್ಳಾರಿ ಜೈಲಿನಿಂದಲೆ ಶಿವಮೊಗ್ಗ ತುಂಗಾನಗರ ಠಾಣವ್ಯಾಪ್ತಿಯ ವ್ಯಕ್ತಿಯೊಬ್ಬರಿಗೆ ಜೈಲಿನ ಬ್ಯಾರಕ್ ನಿಂದಲೆ ಕರೆ ಮಾಡಿ ಬೆದರಿಕೆ ಹಾಕಿದ್ದಾನೆ ಎನ್ನುವ ಕಾರಣಕ್ಕೆ ತುಂಗಾ ನಗರ ಪೊಲೀಸ್ ಠಾಣೆಯಲ್ಲಿ ಆತನ ಮೇಲೆ ಎಫ್ಐಆರ್ ದಾಖಲಾಗಿದೆ. ಬಳ್ಳಾರಿ ಜೈಲಿನಲ್ಲಿದ್ದುಕೊಂಡೇ, ಮಾರ್ಕೆಟ್ ಲೋಕಿ ವಾಟ್ಸ್ಯಾಪ್ ಕಾಲ್ ಮುಖಾಂತರ ವ್ಯಕ್ತಿಯೊಬ್ಬರಿಗೆ ಬೆದರಿಕೆ ಹಾಕಿದ್ದಾನಂತೆ ಮತ್ತು ತನ್ನ ಕುಟುಂಬಸ್ಥರೊಬ್ಬರ ವಿರುದ್ಧ ಹಾಕಿರುವ ಜಾಗದ ಕೇಸ್ವೊಂದನ್ನು ವಾಪಸ್ ಪಡೆಯುವಂತೆ ಜೀವ ಬೆದರಿಕೆ ಹಾಕಿದ್ದಾನಂತೆ! ಈಗಾಗಲೇ ಶಿವಮೊಗ್ಗದ ಅಂಡರ್ ವರ್ಲ್ಡ್ ಮರಳು ಮಾಫಿಯಾ, ಕಲ್ಲು ಕೋರೆ, ರಿಯಲ್ ಎಸ್ಟೇಸ್ಟ್ ದಂಧೆ ಜೋತೆಗೆ ಇಸ್ಫೀಟ್ ದಂಧೆಯಲ್ಲೂ ಕೆಲವು ರೌಡಿಗಳು ಕೈಹಾಕಿರುವುದು ನಿಕ್ಕಿಯಾಗಿದೆ ! ರಿವೆಂಜಿನ ಗುಂಗಿನಲ್ಲೆ ಇದ್ದ ಮಾರ್ಕೆಟ್ ಲೋಕಿಯ ಹೆಸರು ಕೂಡ ಈಗ ಸೇರಿಕೊಂಡಿದೆ. ಶಿವಮೊಗ್ಗ ನಗರದ ಬಿಹೆಚ್ ರಸ್ತೆಯಲ್ಲಿರುವ ಬಾರ್ವೊಂದರ ಹತ್ತಿರ ಇರುವ ಜಾಗವೊಂದಕ್ಕೆ ಸಂಬಂಧಿಸಿದಂತೆ ಶಿವಮೊಗ್ಗದ ಸಿವಿಲ್ ಕೋರ್ಟ್ನಲ್ಲಿ ವಿಚಾರಣೆ ನಡೆಯುತ್ತಿದೆ. ಇದರ ನಡುವೆ ಕೋರ್ಟ್ನಲ್ಲಿ ದೂರು ನೀಡಿರುವ ದೂರುದಾರರಿಗೆ ದಿನಾಂಕ: 09/09/2023 ರಂದು ಮಾರ್ಕೆಟ್ ಲೋಕಿ ಬೆದರಿಕೆ ಹಾಕಿದ್ದಾನೆ ಎನ್ನುವ ಮಾತು ಕೇಳಿ ಬಂದಿದೆ ನಿಮ್ಮ ಆಸ್ತಿಯನ್ನು ನನ್ನ ಕುಟುಂಬಸ್ಥರು ತೆಗೆದುಕೊಂಡಿದ್ದಾರೆ. ನಿನು ಹಾಕಿರುವ ಕೇಸ್ ವಾಪಾಸ್ ತಗೋ ಕೇಸಿನಿಂದ ಡ್ರಾಪ್ ಆಗಿ ಸೆಟಲ್ ಮೆಂಟ್ ಮಾಡಿಕೊಂಡು ಬಿಡು ಎಂದು ಬೆದರಿಕೆ ಹಾಕಿದ್ದಾನೆ ಎಂದು ಆರೋಪಿಸಲಾಗಿದೆ. ಇದಕ್ಕೆ ಕೋರ್ಟ್ ನಲ್ಲಿ ಕಾನೂನು ಹೋರಾಟಕ್ಕೆ ಮುಂದಾಗಿರುವಾತ ಒಪ್ಪದಿದ್ದಾಗ ತಲೆಗಳು ಹೋಗುತ್ತವೆ ಎಂದು ಲೋಕಿ ಬೆದರಿಸಿದ್ದಾನೆ ಎನ್ನಲಾಗಿದೆ. ಆ ನಂತರವು ದಿನಾಂಕ : 10/09/2023 ರಂದು ಕೂಡ ಜೈಲಿನಿಂದ ಮತ್ತೆ ಕರೆ ಬಂದಿದೆಯಂತೆ. ಪೋನ್ ರಿಸೀವ್ ಮಾಡದೇ ಇದ್ದಾಗ ಪದೇ ಪದೇ ಕರೆ ಮಾಡಿ ನಾನು ಲೋಕಿ ಎಂದು ಹೇಳಿ ಫೋನ್ ತೆಗಿತ ಇಲ್ವಾ ನೀನು. ನಿನು ಕೇಸ್ ವಾಪಾಸ್ ತಗೋಳಲ್ಲ ಅಂದರೆ ನಮ್ಮ ಹತ್ತಿರ ಇವೆಲ್ಲ ನಡೆಯಲ್ಲಾ ಜಾಸ್ತಿ ಮಾತು ಬೇಡ ಎಂದು ಫೋನ್ ನಲ್ಲಿ ಆವಾಜ್ ಹಾಕಿದ್ದಾನೆಂದು ಎಫ್ಐಆರ್ ನಲ್ಲಿ ದಾಖಲಿಸಲಾಗಿದೆಯಂತೆ. ಇದಿಷ್ಟೆ ಅಲ್ಲದೆ ಮಾರ್ಕೆಟ್ ಲೋಕಿ ದೂರುದಾರರನ್ನು ಹೆದರಿಸಲು ತನ್ನ ಕಡೆಯ ಹುಡುಗರನ್ನು ಬಳಸಿಕೊಂಡಿರುವ ಆರೋಪ ಕೂಡ ಕೇಳಿಬಂದಿದೆ. ತನ್ನ ಬೆದರಿಕೆಗೆ ಆತ ಒಪ್ಪದ ಕಾರಣಕ್ಕೆ ಹುಡುಗರನ್ನು ಕಳಿಸಿದ ಲೋಕಿ ಅವರ ಮೂಲಕ ಬೆದರಿಕೆ ಹಾಕಿ ಅಲ್ಲಿಯೇ ಮತ್ತೆ ಫೋನ್ ಮಾಡಿ ಹೆದರಿಸಿದ್ದಾನೆ ಎನ್ನಲಾಗಿದೆ. ಒಟ್ಟಿನಲ್ಲಿ ಶಿವಮೊಗ್ಗ ಪಾತಕಲೋಕದ ತಣ್ಣಗೆ ಹೊದ್ದು ಮಲಗಿದೆ ಎನ್ನುವಾಗಲೇ ಬಳ್ಳಾರಿ ಜೈಲಿನಿಂದ ಮಾರ್ಕೆಟ್ ಲೋಕಿಯ ಆವಾಜ್ ಮತ್ತೊಮ್ಮೆ ನೆತ್ತರಲೋಕವನ್ನು ಕಂಪಿಸುವಂತೆ ಮಾಡಿದೆ.
ಸದ್ಯ ಈ ಆರೋಪಕ್ಕೆ ಸಂಬಂಧಿಸಿದಂತೆ ತುಂಗಾ ನಗರ ಪೊಲೀಸ್ ಠಾಣೆಯಲ್ಲಿ Act & Section: IPC 1860 (U/s-109,506,143,341,149) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
ಇನ್ನೂ ಶಿವಮೊಗ್ಗದ ಪೊಲೀಸ್ ಇಲಾಖೆ ಕೂಡ ಈ ಪ್ರಕರಣದ ಬೆನ್ನಿಗೆ ಆಲರ್ಟ್ ಆಗಬೇಕಾಗಿದೆ. ನಿರಂತರವಾಗಿ ನೆಡೆಯುತ್ತಿರುವ ಅಕ್ರಮ ಮರಳು ದಂಧೆ.ಕಲ್ಲುಕೋರೆ ಮತ್ತು ಜೂಜಿನಡ್ಡೆಗಳ ಮೇಲೆ ನಿಗಾ ಇಡಬೇಕಿದೆ ಎಲ್ಲಿ ಹಡಬೆ ದಂಧೆಗಳು ಮೈಚಾಚಿ ನಿಂತಿರುತ್ತವೆಯೊ ಅಲ್ಲಿ ಪಾತಕಲೋಕದ ನೆತ್ತರ ಕಮಟು ವಾಸನೆ ಬಡಿಯುತ್ತಿರುತ್ತವೆ.ಇಂತಹ ಪಾತಕಲೋಕದ ಅಕ್ರಮ ಚಟುವಟಿಕೆಗಳ ಮೇಲೆ ಪೋಲಿಸರು ಹದ್ದಿನ ಕಣ್ಣಿಡದೇ ಹೋದರೆ ತಣ್ಣಗೆ ಮಲಗಿದ್ದ ಭೂಗತ ಲೋಕ ಆಕ್ಟಿವ್ ಆಗಲಿದೆ ಮತ್ತೆ ರಿವೆಂಜಿಗೊ ಇಲ್ಲ ಅಂಡರ್ ವರ್ಲ್ಡ್ಅನ್ನು ತಮ್ಮ ಹಿಡಿತದಲ್ಲಿಟ್ಟುಕೊಳ್ಳಲೊ ಮತ್ತೆ ತುಂಗೆಯ ಒಡಲು ನೆತ್ತರ ಕೊಡಿಯಿಂದ ಮೈಲಿಗೆ ಆಗಬಹುದು.
