SHOCKNG NEWS : ಪತ್ನಿ ಸುಂದರವಾಗಿದ್ದಾಳೆ ಎಂದು ಆಕೆಯ ಮೂಗನ್ನೆ ಕಚ್ಚಿ ತಿಂದ ಪತಿರಾಯ.!
ASHWASURYA/SHIVAMOGGA
news.ashwasurya.in
ಅಶ್ವಸೂರ್ಯ/ಪಶ್ಚಿಮ ಬಂಗಾಳ : ನನ್ನ ಪತ್ನಿ ಸುಂದರವಾಗಿದ್ದಾಳೆ ಎಂದು ಪತ್ನಿ ಮಲಗಿದ್ದ ಸಮಯದಲ್ಲಿ ಆಕೆಯ ಮೂಗನ್ನು ಪತಿಯೇ ಕಚ್ಚಿ ತಿಂದು ಹಾಕಿದ ವಿಚಿತ್ರ ಘಟನೆಯೊಂದು ಶಾಂತಿಪುರದಲ್ಲಿ ನಡೆದಿದೆ. ಅವನು ತನ್ನ ಹೆಂಡತಿಯ ಮೂಗನ್ನು ಯಾವಾಗಲೂ ಸುಂದರವಾಗಿದೆ ಎಂದು ಹೊಗಳುತ್ತಿದ್ದನಂತೆ.!
ಪಶ್ಚಿಮ ಬಂಗಾಳದ ನಾಡಿಯಾ ಜಿಲ್ಲೆಯ ಶಾಂತಿಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ವಾರ್ಡ್ ನಂಬರ್ 11ರ ಬರ್ಪಾರಾ ಪ್ರದೇಶದಲ್ಲಿ ಈ ಪ್ರಕರಣ ನಡೆದಿದೆ. ಸಂತ್ರಸ್ತೆಯ ತಾಯಿ ರೋಶ್ನಾ ಬೇಗಂ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಸಂತ್ರಸ್ತೆಯ ಪತಿ ಬಾಪನ್ ಶೇಖ್ ನನ್ನು ಬಂಧಿಸಿದ್ದಾರೆ.
ರಾಣಾಘಾಟ್ ಜಿಲ್ಲೆಯ ಎಸ್ಪಿ ಆಶಿಶ್ ಮಿಜ್ಯಾ,ಹೇಳಿದಂತೆ ನಾವು ಕುಟುಂಬದಿಂದ ಲಿಖಿತ ದೂರು ಸ್ವೀಕರಿಸಿದ್ದೇವೆ. ಅದರ ಆಧಾರದ ಮೇಲೆ, ತನಿಖೆಯನ್ನು ಪ್ರಾರಂಭಿಸಲಾಯಿತು ಮತ್ತು ಆರೋಪಿಯನ್ನು ಬಂಧಿಸಲಾಗಿದೆ. ಆರೋಪಿತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು.
ಸ್ಥಳೀಯ ಮೂಲಗಳ ಪ್ರಕಾರ, ಸಂತ್ರಸ್ತೆ ಮಧು ಖತುನ್ ಬರ್ಪಾರಾ ಪ್ರದೇಶದ ಬಾಪನ್ ಅವರನ್ನು ಮದುವೆಯಾಗಿ ಒಂಬತ್ತು ವರ್ಷಗಳಾಗಿವೆ. ಬಾಪನ್ ಆಗಾಗ್ಗೆ ಹೆಂಡತಿ ಮುಖವನ್ನು, ವಿಶೇಷವಾಗಿ ಅವಳ ಮೂಗನ್ನು ಹೊಗಳುತ್ತಿದ್ದನು. ಶುಕ್ರವಾರ ಮಧು ಮಲಗಿದ್ದಾಗ ಬಾಪನ್ ಇದ್ದಕ್ಕಿದ್ದಂತೆ ಮೂಗನ್ನು ಕಚ್ಚಿ ತಿಂದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮಧು ತೀವ್ರ ನೋವಿನಿಂದ ಎಚ್ಚರಗೊಂಡು ಮೂಗನ್ನು ಕಚ್ಚಿದ ಬಾಪನ್ ನನ್ನು ಪ್ರತಿರೋಧಿಸಲು ಪ್ರಯತ್ನಿಸಿದಳಂತೆ.
ತಾನು ಹೇಗೋ ಬಾಪನ್ ಹಿಡಿತದಿಂದ ತಪ್ಪಿಸಿಕೊಂಡು ತನ್ನ ತಾಯಿಯೊಂದಿಗೆ ಶಾಂತಿಪುರ ಪೊಲೀಸ್ ಠಾಣೆಗೆ ತೆರಳಿ ಬಾಪನ್ ವಿರುದ್ಧ ಲಿಖಿತ ದೂರು ದಾಖಲಿಸಿದ್ದೇನೆ ಎಂದು ಸಂತ್ರಸ್ತೆ ಮಧು ಹೇಳಿದರು. ಬಾಪನ್ ಅವರನ್ನು ಶನಿವಾರ ಬಂಧಿಸಲಾಗಿದ್ದು, ಭಾನುವಾರ ರಾಣಾಘಾಟ್ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು.
ನನ್ನ ಪತಿ ಮದ್ಯಪಾನ ಮಾಡುತ್ತಿದ್ದರು ಮತ್ತು ನನ್ನ ಮುಖ ಮತ್ತು ಮೂಗನ್ನು ಹೊಗಳುತ್ತಿದ್ದರು. ಅವರು ನನ್ನ ಮೂಗನ್ನು ಕಚ್ಚಿ ತಿನ್ನುವುದಾಗಿ ಹೇಳುತ್ತಿದ್ದರು. ಅವರು ಶುಕ್ರವಾರ ರಾತ್ರಿ ಮಾಡಿದ್ದು ಅದನ್ನೇ. ನನ್ನ ಮುಖ ಸುಂದರವಾಗಿರುವುದರಿಂದ ನನ್ನ ಪತಿ ಕೂಡ ನನ್ನ ಮೇಲೆ ಆಸಿಡ್ ಎರಚುವುದಾಗಿ ಬೆದರಿಕೆ ಹಾಕಿದ್ದಾನೆ” ಎಂದು ಮಧು ಆರೋಪಿಸಿದ್ದಾರೆ.
