ಬೆಂಗಳೂರಿನಲ್ಲಿ 1 ಕೆಜಿ ಚಿನ್ನ ಕದ್ದು ತೀರ್ಥಹಳ್ಳಿಯಲ್ಲಿ ಹೂತಿಟ್ಟಿದ್ದ ನಟೋರಿಯಸ್ ಕಳ್ಳ ಕಮ್ಮರಡಿಯ ಹಮೀದ್ ಹಂಜಾ.!
ಅಶ್ವಸೂರ್ಯ/ಶಿವಮೊಗ್ಗ: ಖತರ್ನಾಕ್ ಕಳ್ಳನೊಬ್ಬ ಬೆಂಗಳೂರಿನಲ್ಲಿ ಚಿನ್ನವನ್ನು ಕಳ್ಳತನಮಾಡಿ ತೀರ್ಥಹಳ್ಳಿಯ ತನ್ನ ಮನೆಗೆ ತಂದು ಹೂತಿಟ್ಟಿದ್ದ ಪ್ರಕರಣವನ್ನು ಮಾಗಡಿ ಪೊಲೀಸರು ಬಯಲು ಮಾಡಿದ್ದಾರೆ.ತೀರ್ಥಹಳ್ಳಿ ಭಾಗದ
ನಟೋರಿಯಸ್ ಗಳಲ್ಲಿ ಒಬ್ಬನಾದ ಹಮೀದ್ ಹಂಜಾ ಎಂಬಾತ ಬೆಂಗಳೂರಿನ ಮಾಗಡಿ ಪೋಲಿಸ್ ಠಾಣೆಯ ಸರಹದ್ದಿನಲ್ಲಿ ಕಳ್ಳತನ ಮಾಡಿದ್ದ ಬರೋಬ್ಬರಿ ಒಂದು ಕೆಜಿಯಷ್ಟು ಚಿನ್ನವನ್ನು ತೀರ್ಥಹಳ್ಳಿಯ ಬೆಟ್ಟಮಕ್ಕಿಯಲ್ಲಿರುವ ತನ್ನ ಮನೆಗೆ ತಂದು ಯಾರಿಗೂ ಅನುಮಾನ ಬಾರದಹಾಗೆ ಹೂತು ಹಾಕಿದ್ದ.! ಈ ಪ್ರಕರಣಕ್ಕೆ ಸಂಭಂಧಿಸಿದಂತೆ ಮಾಗಡಿ ಪೊಲೀಸರ ಅಥಿತಿ ಯಾಗಿದ್ದ ಆರೋಪಿ ಹಂಜನನ್ನು ಮಾಗಡಿ ಪೊಲೀಸರು ತಂಡ ತೀರ್ಥಹಳ್ಳಿಗೆ ಕರೆತಂದು ಹೂತು ಹಾಕಿದ್ದ ಸುಮಾರು 1 ಕೆಜಿಗೂ ಹೆಚ್ಚು ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ.
ಹಮೀದ್ ಹಂಜಾ ಮೂಲತಃ ಆಗುಂಬೆ ವ್ಯಾಪ್ತಿಯ ಕಮ್ಮರಡಿಯ ಗುಡ್ಡೇಕೇರಿಯವನು. ಹಂಜನ ಮೇಲೆ ಸುಮಾರು 70 ರಿಂದ 80ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದೆಯಂತೆ.!? ಸುಮಾರು ಇಪ್ಪತೈದು ವರ್ಷಗಳ ಹಿಂದೆ ತೀರ್ಥಹಳ್ಳಿ ತಾಲ್ಲೂಕನ್ನೆ ಬೆಚ್ಚಿಬಿಳಿಸಿದ್ದ ಕಮ್ಮರಡಿಯ ಶಾಲಾ ಆವರಣದಲ್ಲಿ ಶಾಲಾ ಕಾರ್ಯಕ್ರಮದ ನಡುವೆ ನೂರಾರು ಜನರ ನಡುವೆ ಸ್ಥಳೀಯ ಜನಪ್ರಿಯ ನಾಯಕ ಹೊಸಳ್ಳಿ ವೆಂಕಟೇಶ್ ಕೊಲೆ ಪ್ರಕರಣದಲ್ಲೂ ಹಂಜ ಭಾಗಿಯಾಗಿದ್ದ.ಈತ ಹೊಸಳ್ಳಿ ವೆಂಕಟೇಶ್ ಹತ್ಯೆಯ ಪ್ರಮುಖ ಆರೋಪಿಯಾಗಿದ್ದ ಕಮ್ಮರಡಿ ಹನೀಫ್ ನ ಸಹೋದರ.! ಹಮೀದ್ ಹಂಜಾ ಕೊಲೆ, ಸೂಲಿಗೆ, ವಂಚನೆ ಪ್ರಕರಣಗಳಲ್ಲಿ ಈತ ಭಾಗಿಯಾಗಿರುವುದು ತಿಳಿದು ಬಂದಿದೆ.
ಹಲವಾರು ಪ್ರಕರಣಗಳಲ್ಲಿ ಭಾಗಿಯಾದ್ದ ಹಂಜಾ ಈಗ ಮಾಗಡಿ ಪೊಲೀಸರ ಅತಿಥಿಯಾಗಿದ್ದಾನೆ.
