ಬೆಳಗಾವಿ: ಯುವಕನೊಬ್ಬನ ಜೋತೆ ಬೈಕ್ ನಲ್ಲಿ ಹೊಗುತ್ತಿದ್ದ ಪತ್ನಿ.!ಅನುಮಾನಗೊಂಡ ಪತಿ ಬೀಸಿದ ಮಚ್ಚಿನೇಟಿಗೆ ಯುವಕ ಬಲಿ…!!
ಅಶ್ವಸೂರ್ಯ/ಶಿವಮೊಗ್ಗ: ಬೆಳಗಾವಿಯಲ್ಲಿ ಬೇರೊಬ್ಬ ಯುವಕನ ಜೋತೆಯಲ್ಲಿ ಬೈಕಿನಲ್ಲಿ ಹೊರಟಿದ್ದ ಪತ್ನಿಯ ಮೇಲೆ ಅನುಮಾನಗೊಂಡ ಪತಿ ಬೈಕಿನಲ್ಲಿ ಹೋಗುತ್ತಿದ್ದ ಯುವಕನ ಮೇಲೆ ಲಾಂಗಿನಿಂದ ಏಕಾಏಕಿ ಹಲ್ಲೆಮಾಡಿ ಹತ್ಯೆಗೈದಿರುವ ಘಟನೆ ಬೆಳಗಾವಿಯ ಮೂಡಲಗಿಯಲ್ಲಿ ಸೋಮವಾರ ( ಜುಲೈ,22 ) ನಡೆದಿದೆ.
ಮೌಲಾಸಾಬ ಮೊಮಿನ್ 28 ಎಂಬ ಯುವಕನ ಹತ್ಯೆಯಾಗಿದ್ದು. ಅಮೋಘ ಢವಳೇಶ್ವರ ಎಂಬಾತನೆ ಇತನನ್ನು ಹತ್ಯೆ ಮಾಡಿದ ಆರೋಪಿಯಾಗಿದ್ದಾನೆ. ಕುರುಗೋಡ ಸಮೀಪದ ಲಕ್ಷ್ಮೇಶ್ವರ ಗ್ರಾಮದಲ್ಲಿ ಈ ಪ್ರಕರಣ ನಡೆದಿದೆ. ಆರೋಪಿ ಪತ್ನಿ ಶಿಲ್ಪಾ ಹಾಗೂ ಮೌಲಾಸಾಬ ಬೈಕ್ ಮೇಲೆ ತೆರಳುತ್ತಿದ್ದಾಗ ಆರೋಪಿ ಅಮೋಘ ಮಚ್ಚಿನಿಂದ ಏಕಾಏಕಿ ಹಲ್ಲೆ ಮಾಡಿದ್ದರಿಂದ ಮೌಲಾಸಾಬ ಸ್ಥಳದಲ್ಲಿ ಉಸಿರು ಚೆಲ್ಲಿದ್ದಾನೆ.! ಗಾಯಗೊಂಡಿರುವ ಆರೋಪಿಯ ಪತ್ನಿ ಶಿಲ್ಪಾಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಕುಲಗೋಡ ಪೊಲೀಸರು ಸ್ಥಳಕ್ಕೆ ಧಾವಿಸಿ ಮುಂದಿನ ಕ್ರಮ ಕೈಗೊಂಡು ಆರೋಪಿಯನ್ನು ವಶಕ್ಕೆ ಪಡೆದು ಹತ್ಯೆಗೆ ಉಪಯೋಗಿಸಿದ ಮಚ್ಚನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ಭೀಮಾಶಂಕರ ಗುಳೇದ ಮಾಧ್ಯಮ ಮಂದಿಗೆ ತಿಳಿಸಿದ್ದಾರೆ
