ಪತ್ನಿಯನ್ನು ಕೊಂದು ‘ಹಾರ್ಟ್ ಅಟ್ಯಾಕ್’ ಎಂದು ಬಿಂಬಿಸಿದ್ದ ಪತಿ ಅರೆಸ್ಟ್ : ತನಿಖೆಯಲ್ಲಿ ಕೊಲೆ ರಹಸ್ಯ ಬಯಲು
news.ashwasurya.in
ಚಿಕ್ಕಮಗಳೂರು: ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ದೇವವೃಂದ ಗ್ರಾಮದಲ್ಲಿ ವಿವಾಹಿತ ಮಹಿಳೆಯೊಬ್ಬರು ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ ಘಟನೆ ನೆಡೆದಿದ್ದು ಒಂದು ದಿನದ ನಂತರ ಗೋಣಿಬೀಡು ಪೊಲೀಸರು ಮೃತ ಮಹಿಳೆಯ ಪತಿಯನ್ನು ಬಂಧಿಸಿ ವಿಚಾರಣೆ ನಡೆಸಿದ್ದರು.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಕ್ರಮ ಸಂಬಂಧದಿಂದಾಗಿ ನನ್ನ ಸಹೋದರಿಯನ್ನು ಪತಿ ದರ್ಶನ್ ಕೊಲೆ ಮಾಡಿದ್ದಾನೆ ಎಂದು ಸಂತ್ರಸ್ತೆಯ ಸಹೋದರ ದೂರು ದಾಖಲಿಸಿದ್ದರು.
ಮೃತ ಮಹಿಳೆಯನ್ನು 31 ವರ್ಷದ ಶ್ವೇತಾ ಎಂದು ಗುರುತಿಸಲಾಗಿದೆ. ಶ್ವೇತಾ ಗಂಡನ ಜೋತೆಗೆ ಮುದ್ದಾದ 4 ವರ್ಷದ ಮಗನನ್ನು ಬಿಟ್ಟು ಅಗಲಿದ್ದಾರೆ.! ಡಿಸೆಂಬರ್ 11ರಂದು ಬೆಳಗ್ಗೆ 6 ಗಂಟೆ ಸುಮಾರಿಗೆ ದರ್ಶನ್ ಸಹೋದರ ದೀಪಕ್ ಎಂಬಾತ ಶ್ವೇತಾ ಸಹೋದರ ಚೆನ್ನೋಜಿ ರಾವ್ ಅವರಿಗೆ ಕರೆ ಮಾಡಿದ್ದರೆ. ನಿಮ್ಮ ಸಹೋದರಿ ಶ್ವೇತಾ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ ಎಂದು ದೀಪಕ್ ರಾವ್ ಗೆ ತಿಳಿಸಿದ್ದಾರೆ.
ತಕ್ಷಣವೇ ಮೃತ ಶ್ವೇತಾ ಸಹೋದರ ಚೆನ್ನೋಜಿ ರಾವ್ ಮತ್ತು ಅವರ ಕುಟುಂಬದವರು ದೇವವೃಂದದಲ್ಲಿರುವ ಶ್ವೇತಾ ಅವರ ಮನೆಗೆ ತಲುಪುವ ಮೊದಲೇ ದರ್ಶನ್ ಮತ್ತು ಅವರ ಕುಟುಂಬದವರು ಶವವನ್ನು ಅಂತಿಮ ವಿಧಿಗಳಿಗಾಗಿ ಕೊಂಡೊಯ್ಯಲು ಸಿದ್ಧತೆ ನಡೆಸಿದ್ದಾರೆ.ತಕ್ಷಣವೇ ಶ್ವೇತಾ ಅವರ ಶವವನ್ನು ಸೂಕ್ಷ್ಮವಾಗಿ ಗಮನಿಸಿದ ಸಹೋದರನಿಗೆ ತಂಗಿಯ ದೇಹದ ಮೇಲೆ ಚುಚ್ಚುಮದ್ದಿನ ಗುರುತುಗಳನ್ನು ನೋಡಿದ್ದಾರೆ. ಕೂಡಲೇ ಸಂಭಂದಪಟ್ಟ ಪೋಲಿಸ್ ಠಾಣೆಗೆ ತೆರಳಿ ನನ್ನ ತಂಗಿಯದು ಸಹಜ ಸಾವಲ್ಲ ಆಕೆಯ ಪತಿ ದರ್ಶನ್ ಮತ್ತು ಕುಟುಂಬದವರ ವಿರುದ್ಧ ದೂರು ದಾಖಲಿಸಿದ್ದಾರೆ ಮತ್ತು ಶವವನ್ನು ಮರಣೋತ್ತರ ಪರೀಕ್ಷೆ ಮಾಡಿಸಲು ಒತ್ತಾಯಿಸಿದ್ದರು.
ಈ ಸಂಬಂಧ ಕಾರ್ಯಪ್ರವೃತ್ತರಾದ ಗೋಣಿಬೀಡು ಪೊಲೀಸ್ ಠಾಣೆಯ ಪೋಲಿಸರು ದರ್ಶನ್ ಹಾಗೂ ಅವರ ಕುಟುಂಬ ಸದಸ್ಯರ ವಿರುದ್ಧ ದೂರು ದಾಖಲಿಸಿಕೊಂಡು. ದೂರಿನ ಆಧಾರದ ಮೇಲೆ ಪೊಲೀಸರು ಐಪಿಸಿ ಸೆಕ್ಷನ್ 302 (ಕೊಲೆಗೆ ಶಿಕ್ಷೆ) ಅಡಿಯಲ್ಲಿ ಎಫ್ಐಆರ್ ದಾಖಲಿಸಿ ದರ್ಶನ್ ಅವರನ್ನು ಬಂಧಿಸಿದ್ದಾರೆ. ಎಫ್ಐಆರ್ ನಲ್ಲಿ ದರ್ಶನ್ ಎ1 ಆರೋಪಿ ಆದರೆ ಇವರ ಸಹೋದರ ದೀಪಕ್ ಅವರನ್ನು ಎ2 ಆರೋಪಿಗಳೆಂದು ಹೆಸರಿಸಲಾಗಿದೆ. ದರ್ಶನ್ ತಂದೆ ಬಾಬು ಪೂಜಾರಿ ಮತ್ತು ತಾಯಿ ಗೌರಮ್ಮ 3 ಮತ್ತು 4ನೇ ಆರೋಪಿಗಳಾಗಿದ್ದಾರೆ. ಕುಟುಂಬಸ್ಥರ ಇಚ್ಚೆಯಂತೆ
ಶ್ವೇತಾ ಅವರ ಶವವನ್ನು ಚಿಕ್ಕಮಗಳೂರು ಜಿಲ್ಲಾಸ್ಪತ್ರೆಗೆ ಕಳುಹಿಸಿ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ. ಪೊಲೀಸರು ವರದಿಗಾಗಿ ಕಾಯುತ್ತಿದ್ದಾರೆ.
ಶ್ವೇತಾ ಹತ್ಯೆಯ ಹಿಂದೆ ಪತಿಯ ಅಕ್ರಮ ಸಂಬಂಧ ತೆವಲು ಕೊಲೆಗೆ ಕಾರಣವಾಯಿತೇ?
ಪೊಲೀಸರಿಗೆ ಶ್ವೇತಾ ಕುಟುಂಬದವರು ನೀಡಿದ ದೂರಿನ ಪ್ರಕಾರ, ದರ್ಶನ್ ಲ್ಯಾಬ್ ಅಸಿಸ್ಟೆಂಟ್ ಆಗಿ ಕೆಲಸ ಮಾಡುತ್ತಿದ್ದು, ಕೆಲಸದ ಸ್ಥಳದಲ್ಲಿ ಮಹಿಳೆಯೊಂದಿಗೆ ಸಂಬಂಧ ಹೊಂದಿದ್ದಾನೆ. ಇದಕ್ಕೆ ಪುಷ್ಟಿ ಎಂಬಂತೆ ದೂರುದಾರರು ಆಡಿಯೊ ಕ್ಲಿಪ್ ಅನ್ನು ಬಿಡುಗಡೆ ಮಾಡಿದ್ದಾರೆ, ಅದರಲ್ಲಿ ಶ್ವೇತಾ ತನ್ನ ಗಂಡನನ್ನು ಭೇಟಿಯಾಗುವುದನ್ನು ನಿಲ್ಲಿಸುವಂತೆ ಮಹಿಳೆಗೆ ಮನವಿ ಮಾಡುತ್ತಿರುವುದು ಕೇಳಿಸುತ್ತದೆ. ಪೊಲೀಸರು ಆಡಿಯೊ ಕ್ಲಿಪ್ ಅನ್ನು ಪರಿಶೀಲಿಸುತ್ತಿದ್ದು ತನಿಖೆಯನ್ನು ಚುರುಕು ಗೊಳಿಸಿದ್ದಾರೆ…
ತನಿಖೆ ಕೈಗೊಂಡ ಪೊಲೀಸರನ್ನೇ ಬೆಚ್ಚಿ ಬೀಳಿಸಿತು ಶ್ವೇತಾ ಹತ್ಯೆ ಪ್ರಕರಣ : ರಾಗಿಮುದ್ದೆಯಲ್ಲಿ ಸೈನೆಡ್ ಬೆರೆಸಿ ಪತ್ನಿಯನ್ನು ಹತ್ಯೆಮಾಡಿದ ಪತಿರಾಯ!!
ಚಿಕ್ಕಮಗಳೂರು ಶ್ವೇತಾ ಕೊಲೆ ಪ್ರಕರಣ ತನಿಖೆಗೆ ಮುಂದಾದ ಪೊಲೀಸರನ್ನೇ ಬೆಚ್ಚಿ ಬೀಳಿಸಿದೆ. ಹಂತಕ ಪತಿ ದರ್ಶನ್ ರಾಗಿಮುದ್ದೆಯಲ್ಲಿ ಸೈನೆಡ್ ಬೆರೆಸಿ ಪತ್ನಿ ಶ್ವೇತಾರನ್ನು ಕೊಲೆ ಮಾಡಿದ್ದಾನೆ ಎಂಬುದು ತನಿಖೆ ವೇಳೆ ಬಯಲಾಗಿದೆ.!?
ಚಿಕ್ಕಮಗಳೂರು ಜಿಲ್ಲೆ ಮೂಡಿಗೆರೆಯ ದೇವವೃಂದ ಗ್ರಾಮದಲ್ಲಿ ವಿವಾಹಿತ ಮಹಿಳೆ ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ ಒಂದು ದಿನದ ನಂತರ ಗೋಣಿಬೀಡು ಪೊಲೀಸರು ಪತಿಯನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ದಿನದಿಂದ ದಿನಕ್ಕೆ ಪ್ರಕರಣ ಹಲವು ತಿರುವು ಪಡೆಯುತ್ತಿದ್ದು ಶ್ವೇತಾ ಕೊಲೆಗೆ ಪತಿ ದರ್ಶನ್ ಸಹೋದ್ಯೊಗಿ ಕುಮ್ಮಕ್ಕು ನೀಡಿದ್ದಾಳೆ ಎಂಬ ಆರೋಪ ಕೇಳಿಬಂದಿದೆ.
ಹೌದು, ಪತಿ ದರ್ಶನ್ ಊಟದ ವೇಳೆ ರಾಗಿಮುದ್ದೆಗೆ ಸೈನೆಡ್ ಬೆರೆಸಿದ್ದು, ರಾಗಿಮುದ್ದೆ ಸೇವಿಸಿದ ಪತ್ನಿ ಶ್ವೇತಾ ಮೃತಪಟ್ಟಿದ್ದಾಳೆ ಎಂಬುದು ಪೊಲೀಸ್ ತನಿಖೆಯಲ್ಲಿ ಬಯಲಾಗಿದೆ. ತಾಳಿ ಕಟ್ಟಿ ಪತ್ನಿ ಜೊತೆ ಸಪ್ತಪದಿ ತುಳಿದ ಗಂಡ ಪತ್ನಿಯೊಂದಿಗೆ ಸಂಸಾರ ಮಾಡುವುದನ್ನು ಬಿಟ್ಟು ತನ್ನ ಜೋತೆಗೆ ಕೇಲಸ ಮಾಡುತ್ತಿದ್ದ ಸಹ ಉದ್ಯೋಗಿ ಒಬ್ಬಳ ಮಾತು ಕೇಳಿಕೊಂಡು ಇಂತಹ ಘೋರ ಕೃತ್ಯ ಎಸಗಿದ್ದು, ನಿಜಕ್ಕೂ ಆಘಾತಕಾರಿಯಾಗಿದೆ.
ಮೃತ ಮಹಿಳೆ 31 ವರ್ಷದ ಶ್ವೇತಾ ಎಂದು ಗುರುತಿಸಲಾದ್ದು ಮೃತ ಮಹಿಳೆ ನೀಚ ಪತಿ ದರ್ಶನ್ ಪೂಜಾರಿ ಮತ್ತು ಮುದ್ದಾದ 4 ವರ್ಷದ ಮಗನನ್ನು ಅಗಲಿದ್ದಾರೆ. ಈ ಸಂಬಂಧ ಗೋಣಿಬೀಡು ಪೊಲೀಸ್ ಠಾಣೆಯಲ್ಲಿ ದರ್ಶನ್ ಹಾಗೂ ಅವರ ಕುಟುಂಬ ಸದಸ್ಯರ ವಿರುದ್ಧ ದೂರು ದಾಖಲಾಗಿದ್ದು ಪತಿಯನ್ನು ಬಂಧಿಸಲಾಗಿದೆ. .
