ಸೋಲುಂಡ ಈ ನಟನಿಗೆ ಇನ್‌ಸ್ಟಾಗ್ರಾಂನಲ್ಲಿ 56 ಲಕ್ಷ ಫಾಲೋವರ್ಸ್: ಚುನಾವಣೆಯಲ್ಲಿ ಪಡೆದಿದ್ದು ಮಾತ್ರ ಕೇವಲ 137 ಮತ.!!
ಅಶ್ವಸೂರ್ಯ/ಮುಂಬೈ: ಮಹಾರಾಷ್ಟ್ರದ ಮಹಾ ವಿಧಾನಸಭಾ ಚುನಾವಣೆಯಲ್ಲಿ ವರಸೋವಾ ಕ್ಷೇತ್ರದಿಂದ ನಟ ಆಜಾಜ್ ಖಾನ್ ಅವರು ಆಜಾದ್ ಸಮಾಜ್ ಪಾರ್ಟಿಯಿಂದ ಚುನಾವಣೆಯ ಅಖಾಡಕ್ಕೆ ಇಳಿದು ಸ್ಪರ್ಧಿಸಿದ್ದರು. ಸಾಕಷ್ಟು ಅಬ್ಬರದ ಜನಸ್ತೋಮದ ಜೊತೆಗೆ ಪ್ರಚಾರ ಮಾಡಿದ್ದರು. ಚುನಾವಣೆ ನೆಡೆದು ಮತ ಏಣಿಕೆದಿನಂದು ನಟ ಆಜಾಜ್ ಖಾನ್ಗೆ ಗೆಲ್ಲುವ ಭರವಸೆಯೊಂದಿಗೆ ಇದ್ದರೇನೊ ಆದರೆ ಮತ ಪೆಟ್ಟಿಗೆ ತೆರೆದು ಮತ ಏಣಿಕೆಯ ಆರಂಭದಿಂದ ಮತ ಏಣಿಕೆ ಮುಗಿದ ನಂತರ ನಟ ಆಜಾಜ್ ಖಾನ್ ಅವರು ಗಳಿಸಿದ್ದು ಕೇವಲ 137 ಮತಗಳು ಮಾತ್ರ..!!
ವಿಚಿತ್ರವೆಂದರೆ ನಟ ಆಜಾಜ್ ಖಾನ್ ಗೆ ಇನ್‌ಸ್ಟಾಗ್ರಾಂನಲ್ಲಿ 56 ಲಕ್ಷ ಫಾಲೋವರ್‌ಗಳಿದ್ದಾರೆ. ಅವರ ಜನಪ್ರಿಯತೆಯು ಉತ್ತುಂಗದಲ್ಲಿದೆ ಆದರೆ ಚುನಾವಣಾ ಅಖಾಡದಲ್ಲಿ ಇವು ಲೆಕ್ಕಕ್ಕೆ ಬಾರದೆ ಹೋಗಿದೆ.
ಫೇಸ್‌ಬುಕ್, ಎಕ್ಸ್‌ ಹಾಗೂ ಇತರ ಸಾಮಾಜಿಕ ಜಾಲತಾಣಗಲ್ಲಿಯೂ ಅವರು ಲಕ್ಷಾಂತರ ಫಾಲೋವರ್‌ಗಳನ್ನು ಹೊಂದಿದ್ದಾರೆ. ಅವರ ಜನಪ್ರಿಯತೆಯು ಮತಗಳಾಗಿ ಚುನಾವಣೆಯಲ್ಲಿ ವರ್ಕ್ಔಟ್ ಆಗಲೆ ಇಲ್ಲ.! ಕೆಟ್ಟ ಸೋಲಿನಿಂದ ನಟ ಆಜಾಜ್ ಖಾನ್ ಸಾಕಷ್ಟು ಮುಜುಗರಕ್ಕೆ ಒಳಗಾಗಿದ್ದರು ಆಶ್ಚರ್ಯವಿಲ್ಲ .
ಕಾಂಗ್ರೆಸ್ ಭದ್ರಕೋಟೆಯಾಗಿರುವ ಪ್ರಸ್ತುತ ವರಸೋವಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಹರೂನ್ ಖಾನ್ ಅವರು 58 ಸಾವಿರ ಮತಗಳ ಅಂತರದಿಂದ ಗೆದ್ದಿದ್ದಾರೆ. ಆಜಾಜ್ ಖಾನ್ ಗಿಂತಲು 1,222 ಮತಗಳು ನೋಟಾಕ್ಕೆ ಚಲಾವಣೆ ಆಗಿವೆ. ಆಜಾಜ್ ಖಾನ್ ಅವರು ಹಿಂದಿ ಬಿಗ್ ಬಾಸ್ ಮಾಜಿ ಸ್ಪರ್ಧಿಯೂ ಹೌದು. ಅನೇಕ ಚಿತ್ರಗಳಲ್ಲಿ, ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಇನ್‌ಸ್ಟಾಗ್ರಾಂನಲ್ಲಿ ತಾನೊಬ್ಬ ರಾಜಕಾರಣಿಯೂ ಹೌದು ಎಂದು ಅವರು ಬರೆದುಕೊಂಡಿದ್ದಾರೆ.
