ಶಿವಮೊಗ್ಗ ಜಿಲ್ಲಾ ವಕೀಲರ ಸಂಘದ ಚುನಾವಣೆ ಭರ್ಜರಿ ಗೆಲುವಿನೊಂದಿಗೆ ಅಧ್ಯಕ್ಷರಾಗಿ ಆಯ್ಕೆಯಾದ ಜಿ ಆರ್ ರಾಘವೇಂದ್ರ
ಅಶ್ವಸೂರ್ಯ/ಶಿವಮೊಗ್ಗ: ಶಿವಮೊಗ್ಗ ಜಿಲ್ಲಾ ವಕೀಲರ ಸಂಘದ ಚುನಾವಣೆಯ ಮತ ಎಣಿಕೆ ಶನಿವಾರ ಮುಗಿದಿದ್ದು ಜಿಲ್ಲಾ ವಕೀಲರ ಸಂಘದ ಚುನಾವಣೆಯಲ್ಲಿ ಜಿಲ್ಲೆಯ ಹೆಸರಾಂತ ವಕೀಲರಲ್ಲಿ ಒಬ್ಬರಾದ ಜಿ.ಆರ್.ರಾಘವೇಂದ್ರ ( GRR) ವಿಜಯ ಸಾಧಿಸಿದ್ದಾರೆ. ಜಿ ಆರ್ ರಾಘವೇಂದ್ರ ಅವರು ಒಟ್ಟು 561 ಮತಗಳನ್ನು ಪಡೆದರೆ ಇವರ ಪ್ರತಿಸ್ಪರ್ಧಿ 173 ಮತಗಳನ್ನು ಪಡೆದಿದ್ದಾರೆ. ಜಿ ಆರ್ ರಾಘವೇಂದ್ರ ಅವರು ಒಟ್ಟು 388 ಮತಗಳ ಅಂತರದಲ್ಲಿ ಭರ್ಜರಿ ಜಯ ಸಾಧಿಸಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.
ಶಿವಮೊಗ್ಗ ಜಿಲ್ಲಾ ವಕೀಲರ ಸಂಘದ ನೂತನ ಸಾರಥಿಯಾಗಿ ಜಿ ಆರ್ ರಾಘವೇಂದ್ರ
ಇನ್ನುಳಿದಂತೆ ಪ್ರಧಾನ ಕಾರ್ಯದರ್ಶಿಯಾಗಿ ಶ್ರೀನಿವಾಸ.ಎಸ್.ಎ ಆಯ್ಕೆಯಾಗಿದ್ದು ಇವರು 428 ಮತ ಪಡೆದು ವಿಜಯ ಸಾಧಿಸಿದ್ದಾರೆ ಪ್ರತಿಸ್ಪರ್ಧಿಗಳು ಕೆ.ಎಸ್.ದೇವರಾಜ ಅವರು 204 ಮತಗಳು ಮತ್ತು ಜಿ.ಎಸ್.ಶಿವಪ್ಪ 96 ಮತಗಳನ್ನು ಪಡೆದಿದ್ದಾರೆ. ಖಜಾಂಚಿ ಸ್ಥಾನಕ್ಕೆ ಚುನಾವಣೆಯಲ್ಲಿ ಮಾಲ್ತೇಶ್‌ ಆಯ್ಕೆಯಾಗಿದ್ದು ಇವರು 366 ಮತಗಳನ್ನು ಪಡೆದು ವಿಜಯ ಸಾಧಿಸಿದರೆ ಪ್ರತಿಸ್ಪರ್ಧಿಗಳಾದ ಕೆ.ಎಸ್.ಉಮೇಶ್‌ ಅವರನ್ನು ಸೋಲಿಸಿದ್ದಾರೆ.
ನಿರ್ದೇಶಕರಾಗಿ ಗೆಲುವು ಸಾಧಿಸಿದವರ ವಿವರ ಈ ರೀತಿ ಇದೆ.
ನಿರಂಜನ್‌ ಮೋಹಿತೆ.ಹೆಚ್ 421 ಮತಗಳು, ಹೆಚ್.ಎಂ.ಜನಾರ್ದನ್‌ 417ಮತಗಳು, ಅತಾವುಲ್ಲಾ ಖಾನ್‌ 376 ಮತಗಳು ಕಿಲಕ ಕುಮಾರಿ.ಎಂ 371ಮತಗಳು, ನಂದಿನಿ ದೇವಿ.ಎನ್.ಆರ್ 349 ಮತಗಳು, ಜಗದೀಶ್‌.ಎಂ 249 ಮತಗಳನ್ನ ಪಡೆದಿದ್ದಾರೆ.
