ಶಿವಮೊಗ್ಗ ನಗರದಲ್ಲಿ ಎರಡು ಗ್ಯಾಂಗ್ ನಡುವೆ ಗಲಾಟೆ; ಐವರಿಗೆ ಚೂರಿ ಇರಿತ ಆಸ್ಪತ್ರೆಗೆ ದಾಖಲು
ಶಿವಮೊಗ್ಗ: ಕಿರಣ್ ಮತ್ತು ಪವನ್ ಎಂಬ ಇಬ್ಬರು ಸ್ನೇಹಿತರ ನಡುವೆ ಯಾವುದೋ ವಿಷಯಕ್ಕೆ ಸಂಬಂಧಿಸಿದಂತೆ ಕಳೆದ ಎರಡು ವರ್ಷದ ಹಿಂದೆ ಗಲಾಟೆಯಾಗಿತ್ತು ಇಬ್ಬರ ನಡುವಿನ ಸ್ನೇಹ ದ್ವೇಷಕ್ಕೆ ತಿರುಗಿ ಒಬ್ಬರನ್ನು ಕಂಡರೆ ಒಬ್ಬರು ಹೊಡೆದಾಡುವ ಮಟ್ಟಕ್ಕೆ ಸೇಡಿನ ನಂಜು ಹೆಪ್ಪುಗಟ್ಟಿತ್ತು ಇಬ್ಬರು ತಮ್ಮದೆ ಪುಡಿ ರೌಡಿಗಳ ಪಡೆಕಟ್ಟಿಕೊಂಡು ಓಡಾಡುತ್ತಿದ್ದರು. ಸಮಯಕ್ಕಾಗಿ ಕಾದುಕುಳಿತ್ತಿದ್ದ ಇಬ್ಬರು ಯುವಕರ ಗ್ಯಾಂಗ್ ನಿನ್ನೆ ರಾತ್ರಿ ಹತ್ತು ಗಂಟೆ ಸುಮಾರಿಗೆ ಕಿರಣ್ ಗ್ಯಾಂಗ್ ಗೊಪಾಳ ರಸ್ತೆಯ ದ್ರೌಪದಮ್ಮ ಸರ್ಕಲ್ ನಲ್ಲಿ ಪವನ್ ಇರುವ ಮಾಹಿತಿ ಕಲೆಹಾಕಿ ಅಲ್ಲಿಗೆ ಹೋಗಿದ್ದಾರೆ ಕಿರಣ್ ಏಕಾಏಕಿ ಪವನ್ ಮೇಲೆ ಎಗರಾಡಿದ್ದಾನೆ ಒಬ್ಬನೆ ಇದ್ದ ಪವನ್ ಸೈಲೆಂಟಾಗಿಯೆ ಅವರನ್ನು ಎದುರಿಸಿರ ಬಹುದು ಅ ಸಮಯದಲ್ಲಿ ಕಿರಣ್ ಗ್ಯಾಂಗ್ ಪವನ್ ಮುಖದ ಮೇಲೆ ಪಂಚ್ ಮಾಡಿ ಆವಾಜ್ ಹಾಕಿದ್ದಾರೆ ಒಬ್ಬನೆ ಇದ್ದ ಪವನ್ ಸೈಲೆಂಟಾಗಿಯೆ ಅಲ್ಲಿಂದ ಹೊಗಿದ್ದಾನೆ! ಹೊದ ಹೊದವನೆ ತನ್ನ ಮಿತ್ರ ವೃಂದವನ್ನು ಸೇರಿಸಿ ನೆಡೆದ ಘಟನೆಯನ್ನು ಹೇಳಿ ರಿವೆಂಜ್ ತೀರಿಸಿಕೊಳ್ಳಲು ಅಣಿಯಾಗಿದ್ದಾನೆ ತನ್ನ ಗ್ಯಾಂಗಿನೊಂದಿಗೆ. ರಾತ್ರಿ ಒಂದು ಗಂಟೆ ಸುಮಾರಿಗೆ ಪವನ್ ಕಿರಣ್ ಗೆ ಕಾಲ್ ಮಾಡಿ ಎಲ್ಲಿದ್ದಿಯಾ ಎಂದು ಕೇಳಿದ್ದಾನಂತೆ ಮೊದಲೇ ಹೆಂಡದ ನಶೆಯಲ್ಲಿದ್ದ ಕಿರಣ್ ಎಲ್ಲಿಗೆ ಬರಬೇಕು ಎಂದು ಕೇಳಿದ್ದಾನೆ ಆಗ ಪವನ್ ನೀನು ಬರೋದು ಬೇಡ ನಾನೆ ನೀನು ಇದ್ದಲ್ಲಿಗೆ ಬರುತ್ತೇನೆ ಎಂದು ತನ್ನ ಮಿತ್ರಪಡೆಯೊಂದಿಗೆ ಹತಾರ ಸಮೇತ ಹೋಗಿದ್ದಾನೆ ಅಷ್ಟೋತ್ತಿಗಾಗಲೆ ಕಿರಣ್ ಮತ್ತು ಆತನ ಸಹಚರರು ನಶೆಯ ಮತ್ತಿನಲ್ಲಿ ಸಾಗರ ರಸ್ತೆಯ ಬಿಎಸ್ಎನ್ಎಲ್ ಆಫೀಸ್ ಹತ್ತಿರ ಇರುವುದು ಖಾತರಿ ಪಡಿಸಿಕೊಂಡ ಪವನ್ ಗ್ಯಾಂಗ್ ನೇರವಾಗಿ ಅಲ್ಲಿಗೆ ದಾವಿಸಿದೆ. ಪುಡಿರೌಡಿಗಳ ಪಡೆ ಮಾತಿಗಿಂತ ಮೊದಲೇ ಚಾಕು ತೆಗೆದು ಮನಬಂದಂತೆ ಕಿರಣ್ ಮತ್ತು ಆತನ ಸಹಚರರ ಮೇಲೆ ದಾಳಿಮಾಡಿ ಐವರ ಮೇಲೆ ಮಾರಣಾಂತಿಕ ಹಲ್ಲೆಮಾಡಿ ಚಾಕುವಿನಿಂದ ಇರಿದಿದ್ದಾರೆ. ಹಳೆಯ ವೈಷಮ್ಯಕ್ಕೆ ಕಿರಣ್ ಗ್ಯಾಂಗಿನ ಐವರು ಹುಡುಗರ ನೆತ್ತರು ಹರಿದಿದೆ!!
ಆಪ್ತ ಸ್ನೇಹಿತರಾಗಿದ್ದ ಕಿರಣ್ ಮತ್ತು ಪವನ್ ಎನ್ನುವ ಮಿತ್ರರು ಬಲವಾದ ಕಾರಣವಿಲ್ಲದೆ ಬದ್ಧ ವೈರಿಗಳಾಗಿ ಒಬ್ಬರನ್ನು ಕಂಡರೆ ಒಬ್ಬರು ಮಚ್ಚು ಮಸೆಯುವ ಮಟ್ಟಕ್ಕೆ ರಿವೆಂಜಿನ ನಂಜು ಕಾರುತ್ತಿದ್ದಾರೆ. ನನಗೆ ಕೆಣಕ್ಕಿದ್ದಿಯಾ ಎಂದು ಪವನ್ ಗ್ಯಾಂಗ್ ರಾತ್ರಿ ಸ್ಕೆಚ್ ಹಾಕಿ ಕಿರಣ್ ಗ್ಯಾಂಗಿನ ಮೇಲೆ ದೀಡಿರ್ ದಾಳಿಮಾಡಿ ಐವರ ಮೇಲೆ ಚಾಕುವಿನಿಂದ ಇರಿದ್ದಿದ್ದಾರೆ ಈ ಗಲಾಟೆಯಲ್ಲಿ ಕಿರಣ್ ಗ್ಯಾಂಗಿನ ಐವರಿಗೆ ಚಾಕು ಇರಿದಿದ್ದಾರೆ ಪವನ್ ಮತ್ತು ಆತನ ಸಹಚರರು. ಈ ಘಟನೆ ದ್ರೌಪದಮ್ಮ ಸರ್ಕಲ್ ನಿಂದ ಆರಂಭಗೊಂಡು ಬಿಎಸ್ಎನ್ಎಲ್ ಕಛೇರಿಯ ಸಮೀಪ ಅಂತ್ಯವಾಗಿದೆ.
ಪವನ್ ಹಾಗೂ ಕಿರಣ್ ಎನ್ನುವ ಪುಡಿರೌಡಿಗಳ ಎರಡು ಗುಂಪುಗಳ ನಡುವೆ ಗಲಾಟೆ ನಡೆದಿದ್ದು, ಈ ವೇಳೆ ಐವರಿಗೆ ಚಾಕು ಇರಿಯಲಾಗಿದೆ.
ನಗರದಲ್ಲಿ ತಡರಾತ್ರಿ ಗುಂಪು ಗಲಾಟೆ ನಡೆದಿದ್ದು, ಗಲಾಟೆಯಲ್ಲಿ ಐವರಿಗೆ ಚಾಕುವಿನಿಂದ ಇರಿಯಲಾಗಿದೆ.
ಹಲ್ಲೆಗೊಳಗಾದವರನ್ನು ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಗಿದೆ ಒಬ್ಬನ ಸ್ಥಿತಿ ಗಂಭೀರವಾಗಿದೆಯಂತೆ! ಪ್ರಾಣಕ್ಕೆ ತೊಂದರೆ ಇಲ್ಲ ಎಂದು ವೈದ್ಯರು ಹೇಳಿದ್ದಾರೆ ಎಂದು ತಿಳಿದು ಬಂದಿದೆ. ಇನ್ನೂ ಗಲಾಟೆಯಲ್ಲಿ ಚೂರಿ ಇರಿತಕ್ಕೆ ಸಂಬಂದಿಸಿದಂತೆ ಶಿವಮೊಗ್ಗದ ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
ಸುಧೀರ್ ವಿಧಾತ ,ಶಿವಮೊಗ್ಗ
