ಶಿವಮೊಗ್ಗದಲ್ಲಿ: ಕಾರಿನ ಬಾನೆಟ್ ಮೇಲೆ ಪೊಲೀಸಪ್ಪ ಇದ್ದಂತೆ ಕಾರು ಓಡಿಸಿದ ಚಾಲಕ!
ಅಶ್ವಸೂರ್ಯ/ಶಿವಮೊಗ್ಗ : ದಾಖಲೆಗಳ ಪರಿಶೀಲನೆ ಸಂದರ್ಭದಲ್ಲಿ ಕಾರು ಚಾಲಕನೊಬ್ಬ ಪೊಲೀಸಪ್ಪನ ಮೇಲೆಯೇ ಕಾರು ಹರಿಸಲು ಯತ್ನಿಸಿದ ಭಯಾನಕ ಘಟನೆಯೊಂದು ಶಿವಮೊಗ್ಗದ ಸಹ್ಯಾದ್ರಿ ಕಾಲೇಜ್ ಸಮೀಪದ ಹೆದ್ದಾರಿಯಲ್ಲಿ ಗುರುವಾರ ನಡೆದಿದೆ.
ದಿನಾಂಕಃ 24-10-2024 ರಂದು ಮಧ್ಯಾಹ್ನ ಶಿವಮೊಗ್ಗ ನಗರದ ಸಂಚಾರ ಪೊಲೀಸ್ ಕಾನ್ ಸ್ಟೆಬಲ್ ರವರೊಂದಿಗೆ ಜರುಗಿದ ಘಟನೆಗೆ ಸಂಬಂದಿಸಿದಂತೆ, ಕೋಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಸದರಿ ಪ್ರಕರಣದ ಆರೋಪಿ ಮಿಥುನ್ ಜಗದಾಳೆ 36 ವರ್ಷ, ಹೊಸಮನೆ, ಭದ್ರಾವತಿ.
ಇನ್ನೇನು ನನ್ನ ಪ್ರಾಣವೇ ಹೋಗಬಹುದು ಎಂದು ಅರಿತ ಪೊಲೀಸ್ ಪೇದೆ ಪ್ರಭು ಆಪತ್ತಿನಿಂದ ತಪ್ಪಿಸಿಕೊಳ್ಳವ ಮುನ್ನವೇ ಕಾರಿನ ಬಾನೆಟ್ ಮೇಲೆ ಬಿದ್ದಿದ್ದಾರೆ ಚಾಲನ ತನ್ನ ಹುಂಬುತನವನ್ನು ಬಿಡದೆ ಕಾರನ್ನು ಮುಂದಕ್ಕೆ ಸುಮಾರು 100 ಮೀಟರ್ ದೂರದವರೆಗೂ ಚಲಾಯಿಸಿದ್ದಾನೆ. ಅದೃಷ್ಟವಶಾತ್ ಕಾರ್ ನಿಂದ ಜಿಗಿದ ಪೊಲೀಸ್ ಕಾನ್ ಸ್ಟೇಬಲ್ ಪ್ರಭು ಜೀವ ಉಳಿಸಿಕೊಂಡಿದ್ದಾರೆ.
ದಾಖಲೆ ಪರಿಶೀಲನೆ ನಡೆಸುವಾಗ ಕಾನ್ ಸ್ಟೇಬಲ್ ಪ್ರಭು ಕಾರೊಂದಕ್ಕೆ ಅಡ್ಡ ಹಾಕಿ ದಾಖಲೆ ಕೇಳಿದ್ದಾರೆ. ಆದರೆ ಭದ್ರಾವತಿಯ ಹೊಸಮನೆ ಕೇಬಲ್ ಆಪರೇಟರ್ ಮಿಥುನ್ ಜಗದಾಳೆ ಎಂಬಾತ ಕಾರ್ ನಿಲ್ಲಿಸದೇ ಮುಂದೆ ಸಾಗಿದಾಗ ಪ್ರಭು ಅಡ್ಡ ನಿಂತು ಕಾರ್ ನಿಲ್ಲಿಸಲು ಸೂಚಿಸಿದ್ದಾರೆ. ಆಗ ಮಿಥುನ್ ಕಾರ್ ಚಾಲನೆ ಮಾಡಿಕೊಂಡು ಮುಂದೆ ಸಾಗಿದ್ದನೆ.! ಕಾರಿನ ಮುಂಬಾಗದಲ್ಲಿದ್ದ ಕಾನ್ ಸ್ಟೇಬಲ್ ಪ್ರಭು ಬಾನೆಟ್ ಮೇಲೆ ಬಿದ್ದಿದ್ದಾರೆ. ಚಾಲಕ ವೇಗವಾಗಿ 100 ಮೀಟರ್ ವರೆಗೂ ಕಾರ್ ಚಾಲನೆ ಮಾಡಿಕೊಂಡು ಹೋಗಿದ್ದು ಅದೃಷ್ಟವಶಾತ್ ಪ್ರಭು ಜಿಗಿದು ಪಾರಾಗಿದ್ದಾರೆ. ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಆತನನ್ನು ಬಂಧಿಸಲಾಗಿದೆ.
