Under 19 ರಾಜ್ಯ ಮಟ್ಟದ ಪದವಿ ಪೂರ್ವ ಕಾಲೇಜುಗಳ ಬಾಕ್ಸಿಂಗ್ ಸ್ಪರ್ಧೆ, ವಿದ್ಯಾಭಾರತಿ ಸ್ವತಂತ್ರ ಪದವಿ ಪೂರ್ವ ಕಾಲೇಜಿನ ( ಸರ್ ಎಂ ವಿ ವಿದ್ಯಾಸಂಸ್ಥೆ) ಶುಭಾಶ್ರೀ ಮತ್ತು ಸಮೃದ್ ಗೆ ಬೆಳ್ಳಿ ಪದಕ
ಅಶ್ವಸೂರ್ಯ/ಶಿವಮೊಗ್ಗ: ಮೊದಲ ಬಾರಿಗೆ ಶಿವಮೊಗ್ಗ ನಗರದಲ್ಲಿ Under 19 ವಿಭಾಗದ ರಾಜ್ಯ ಮಟ್ಟದ ಪದವಿ ಪೂರ್ವ ಕಾಲೇಜುಗಳ 2024-25ನೇ ಸಾಲಿನ ಬಾಕ್ಸಿಂಗ್ ಕ್ರೀಡಾಕೂಟವನ್ನು ಆಯೋಜನೆ ಮಾಡಲಾಗಿತ್ತು. ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ ) ಶಿವಮೊಗ್ಗ ಮತ್ತು ಕರ್ನಾಟಕ ಅಮೆಚೂರ್ ಬಾಕ್ಸಿಂಗ್ ಅಸೋಸಿಯೇಷನ್ ( ರಿ), ಇವರ ಸಹಯೋಗದೊಂದಿಗೆ.
ದಿನಾಂಕ 21-09-2024 ರಿಂದ 22-09-2024 ರ ವರೆಗೆ ಶಿವಮೊಗ್ಗ ನಗರದ ನೆಹರು ಒಳಾಂಗಣ ಕ್ರೀಡಾಂಗಣದ ಬಾಕ್ಸಿಂಗ್ ಅಂಕಣದಲ್ಲಿ ನೆಡೆದ ಬಾಕ್ಸಿಂಗ್ ನ ಅಂತಿಮ ಹಂತದ ಪಂದ್ಯದಲ್ಲಿ ಶಿವಮೊಗ್ಗ ನಗರದ ಪ್ರತಿಷ್ಠಿತ ಶ್ರೀ ವಿದ್ಯಾಭಾರತಿ ಸ್ವತಂತ್ರ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು 75 ಕೆಜಿ ಬಾಲಕಿಯರ ವಿಭಾಗದಲ್ಲಿ ಶುಭಾಶ್ರೀ ಬೆಳ್ಳಿ ಪದಕವನ್ನು ಮುಡಿಗೇರಿಸಿ ಕೊಂಡರೆ ಬಾಲಕರ 69 ಕೆಜಿ ವಿಭಾಗದಲ್ಲಿ ಸಮೃದ್ಧ್ ಪಿ ಕೂಡ ಬೆಳ್ಳಿ ಪದಕವನ್ನು ಮುಡಿಗೇರಿಸಿ ಕೊಂಡು ತಾವು ಓದುತ್ತಿರುವ ಕಾಲೇಜಿಗೆ ಕೀರ್ತಿ ತಂದಿದ್ದಾರೆ.
ಬಾಲಕಿಯರ ಮತ್ತು ಬಾಲಕರ ವಿಭಾಗದಲ್ಲಿ ಬೆಳ್ಳಿಪದಕವನ್ನು ಪಡೆದು ವಿಜೇತರಾದ ಶುಭಾಶ್ರೀ ಹಾಗೂ ಸಮೃದ್ಧ್ ಪಿ ಇವರುಗಳು ತಾವು ಓದುತ್ತಿರುವ ಶಿವಮೊಗ್ಗ ನಗರದ ಹೆಮ್ಮೆಯ ಸರ್ ಎಂ ವಿ ವಿಧ್ಯಾಸಂಸ್ಥೆ ಹಾಗೂ ಶ್ರೀ ವಿದ್ಯಾಭಾರತಿ ಸಂಸ್ಥೆಗೂ ಕೀರ್ತಿ ತಂದ ಹಿನ್ನೆಲೆಯಲ್ಲಿ ಸಂಸ್ಥೆಯ ಆಡಳಿತ ಅಧಿಕಾರಿಗಳು,ಪ್ರಾಂಶುಪಾಲರು ಮತ್ತು ಉಪನ್ಯಾಸಕ ವೃಂದದವರು ಹಾಗೂ ಸಿಬ್ಬಂದಿ ವರ್ಗದವರು ವಿಜೇತ ವಿಧ್ಯಾರ್ಥಿಗಳಿಗೆ ಹೃತ್ಪೂರ್ವಕವಾದ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
