ಶಿವಮೊಗ್ಗ : ಬೀಗ ಹಾಕಿದ ಮನೆಗಳ ಮೇಲೆ ಪೊಲೀಸರ ಹದ್ದಿನ ಕಣ್ಣು.! ಶಿವಮೊಗ್ಗ ಜಿಲ್ಲೆಯಲ್ಲಿ ಬೀಟ್ ವ್ಯವಸ್ಥೆಯನ್ನು ಮಾಡಲಾಗಿದೆ : ಜಿಲ್ಲಾ ರಕ್ಷಣಾಧಿಕಾರಿ ನಿಖಿಲ್. ಬಿ ಐಪಿಎಸ್.
ಬೀಗ ಹಾಕಿದ ಮನೆಗಳನ್ನು ಕಳ್ಳರು ಗುರಿಯಾಗಿಸಿ ಕೊಳ್ಳುತ್ತಾರೆ ಎಂಬುದು ತಿಳಿದಿರುವ ಸತ್ಯ. ಸಾರ್ವಜನಿಕರು ತಮ್ಮ ಪ್ರಯಾಣ ಯೋಜನೆಗಳ ಬಗ್ಗೆ ಹತ್ತಿರದ ಪೊಲೀಸ್ ಠಾಣೆ ಅಥವಾ ಜಿಲ್ಲಾ ನಿಯಂತ್ರಣ ಕೊಠಡಿಗೆ ತಿಳಿಸಬಹುದು ಹಾಗೂ ನಾವು ತಿಳಿಸಿರುವಂತಹ 8277982901 ಈ ವಾಟ್ಸ್ ಆಪ್ ನಂಬರ್ಗೆ ಮಾಹಿತಿ ರವಾನಿಸ ಬಹುದಾಗಿದೆ. ಪ್ರಯಾಣ ಯೋಜನೆಗಳ ಮಾಹಿತಿಯನ್ನು ಒಳಗೊಂಡಿರುವ ಮಾತಿಯಯನ್ನು ವಾಟ್ಸ್ ಆಪ್ ನಂಬರ್ 8277982901 ಗೆ ಮನೆಯು ಎಷ್ಟು ದಿನದ ವರೆಗೆ ಲಾಕ್ ಆಗಿರುತ್ತದೆ, ಎಂದು ಮನೆಯ ವಿಳಾಸ ಮನೆಯ ಸಂಖ್ಯೆಯೊಂದಿಗೆ ಪೊಲೀಸರಿಗೆ ಮಾಹಿತಿ ಕಳುಹಿಸಬಹುದು ಎಂದು ಅವರು ಹೇಳಿದರು….
news.ashwasurya.in
ಅಶ್ವಸೂರ್ಯ/ಶಿವಮೊಗ್ಗ : ಇತ್ತೀಚಿನ ದಿನಗಳಲ್ಲಿ ಬೀಗ ಹಾಕಿದ ಮನೆಗಳು ಕಳ್ಳರಿಗೆ ಸುಲಭವಾಗಿ ಗುರಿಯಾಗುತ್ತಿರುವ ಹಿನ್ನೆಲೆಯಲ್ಲಿ,ಶಿವಮೊಗ್ಗ ಪೊಲೀಸ್ ಇಲಾಖೆ ಜಿಲ್ಲೆಯಲ್ಲಿ ಬೀಗ ಹಾಕಿದ ಮನೆ ಮನೆಗೆ ಬೀಟ್ ವ್ಯವಸ್ಥೆಯನ್ನು (LHBS) ಪರಿಚಯಿಸಿದೆ.
ಪೊಲೀಸ್ ವರಿಷ್ಠಾಧಿಕಾರಿ ನಿಖಿಲ್. ಬಿ ಐಪಿಎಸ್ ಅವರು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಈ ವ್ಯವಸ್ಥೆಯನ್ನು ಪರಿಚಯಿಸಿದರು, ಜನರು ಮನೆಯಿಂದ ಹೊರ ಊರುಗಳಿಗೆ ಹೋಗುವಾಗ ಪೊಲೀಸರಿಗೆ ಮಾಹಿತಿ ನೀಡಬಹುದು. ಬೀಗ ಹಾಕಿದ ಮನೆಗಳ ಮೇಲೆ ಬೀಟ್ ಪೊಲೀಸರು 24/7 ಕಣ್ಗಾವಲು ಇಡುತ್ತಾರೆ. ನಿರ್ದಿಷ್ಟ ಬೀದಿಯಲ್ಲಿ ಅನೇಕ ಮನೆಗಳು ಬೀಗ ಹಾಕಿದ್ದರೆ, ಆ ಪ್ರದೇಶದಲ್ಲಿ ಪೊಲೀಸ್ ಗಸ್ತು ತಿರುಗಲು ನೀವುಗಳು ಮಾಹಿತಿಕೊಟ್ಟಲ್ಲಿ ಸಾಧ್ಯವಾಗುತ್ತದೆ. ಮತ್ತು ಪೊಲೀಸ್ ಸಿಬ್ಬಂದಿಗಳು ಮನೆಗೆ ಬೀಗ ಹಾಕಿದ ಏರಿಯಾಗಳಲ್ಲಿ ಹೆಚ್ಚಿನ ಬೀಟ್ ವ್ಯವಸ್ಥೆಯಿಂದ ಕಳ್ಳತನವನ್ನು ಕಡಿಮೆ ಮಾಡಲು ಖಂಡಿತವಾಗಿಯೂ ಸಹಾಯ ವಾಗುತ್ತದೆ ಎಂದು ಅವರು ಹೇಳಿದರು.
ಬೀಗ ಹಾಕಿದ ಮನೆಗಳನ್ನು ಕಳ್ಳರು ಗುರಿಯಾಗಿಸಿ ಕೊಳ್ಳುತ್ತಾರೆ ಎಂಬುದು ತಿಳಿದಿರುವ ಸತ್ಯ. ಸಾರ್ವಜನಿಕರು ತಮ್ಮ ಪ್ರಯಾಣ ಯೋಜನೆಗಳ ಬಗ್ಗೆ ಹತ್ತಿರದ ಪೊಲೀಸ್ ಠಾಣೆ ಅಥವಾ ಜಿಲ್ಲಾ ನಿಯಂತ್ರಣ ಕೊಠಡಿಗೆ ತಿಳಿಸಬಹುದು ಹಾಗೂ ನಾವು ತಿಳಿಸಿರುವಂತಹ 8277982901 ಈ ವಾಟ್ಸ್ ಆಪ್ ನಂಬರ್ಗೆ ಮಾಹಿತಿ ರವಾನಿಸ ಬಹುದಾಗಿದೆ. ಪ್ರಯಾಣ ಯೋಜನೆಗಳ ಮಾಹಿತಿಯನ್ನು ಒಳಗೊಂಡಿರುವ ಮಾತಿಯಯನ್ನು ವಾಟ್ಸ್ ಆಪ್ ನಂಬರ್ 8277982901 ಗೆ ಮನೆಯು ಎಷ್ಟು ದಿನದ ವರೆಗೆ ಲಾಕ್ ಆಗಿರುತ್ತದೆ, ಎಂದು ಮನೆಯ ವಿಳಾಸ ಮನೆಯ ಸಂಖ್ಯೆಯೊಂದಿಗೆ ಪೊಲೀಸರಿಗೆ ಮಾಹಿತಿ ಕಳುಹಿಸಬಹುದು ಎಂದು ಅವರು ಹೇಳಿದರು.
ಆರಂಭಿಕ ಹಂತದಿಂದಲೆ ಶಿವಮೊಗ್ಗ ಜಿಲ್ಲೆಯಲ್ಲಿ ಎಲ್ಎಚ್ಬಿಎಸ್ ಅನ್ನು ಪರಿಚಯಿಸಲಾಗುವುದು ಎಂದು ಪೊಲೀಸ್ ವರಿಷ್ಠಾಧಿಕಾರಿ ನಿಖಿಲ್. ಬಿ ಐಪಿಎಸ್ ಅವರು ಹೇಳಿದರು. ಎಲ್ಎಚ್ಬಿಎಸ್ ಅನ್ನು ಪರಿಚಯಿಸುವುದರ ಜೊತೆಗೆ, ಇಲಾಖೆಯು ಸಾರ್ವಜನಿಕರಿಗೆ ಬೆಲೆಬಾಳುವ ವಸ್ತುಗಳನ್ನು ಬ್ಯಾಂಕ್ ಸೇಫ್ ಲಾಕರ್ಗಳಲ್ಲಿ ಇಡಲು ಮತ್ತು ವಸತಿ ಪ್ರದೇಶಗಳಲ್ಲಿ ಅನುಮಾನಾಸ್ಪದ ವ್ಯಕ್ತಿಗಳ ಚಲನವಲನಗಳ ಬಗ್ಗೆ ಪೊಲೀಸರಿಗೆ ಮಾಹಿತಿ ತಿಳಿಸಲು ಹೇಳಿದ್ದಾರೆ.
ಜಾಗೃತಿ ಮೂಡಿಸಲಾಗುವುದು :
ಎಲ್ಎಚ್ಬಿಎಸ್ ಅಡಿಯಲ್ಲಿ ಮಾಹಿತಿ ನೀಡಬೇಕಾದ ಪೊಲೀಸ್ ಅಧಿಕಾರಿಗಳ ಸಂಪರ್ಕ ಸಂಖ್ಯೆಗಳು ಮತ್ತು ಕಳ್ಳತನವನ್ನು ತಪ್ಪಿಸಲು ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳ ಮಾಹಿತಿಯನ್ನು ಒಳಗೊಂಡಿರುವ ಕರಪತ್ರಗಳನ್ನು ಸಾರ್ವಜನಿಕರಲ್ಲಿ ವಿತರಿಸಲಾಗುವುದು ಎಂದು ಅವರು ಹೇಳಿದರು.
