ತೀರ್ಥಹಳ್ಳಿ : ತ್ರಿಯಂಬಕಪುರ ಗ್ರಾಮಪಂಚಾಯಿತಿಯಲ್ಲಿ 20 ಲಕ್ಷ ರೂ. ಹಣ ದುರುಪಯೋಗ : ಪಿಡಿಓ ಮತ್ತು ಆಡಳಿತಾಧಿಕಾರಿಗಳ ವಿರುದ್ಧ ಕ್ರಮಕ್ಕೆ ವಿಧಾತ ಅನಿಲ್ ಆಗ್ರಹ.
ತ್ರಿಯಂಬಕಪುರ ಗ್ರಾಾಮಪಂಚಾಯಿತಿಯಲ್ಲಿ 20 ಲಕ್ಷ ರೂ. ಹಣ ದುರುಪಯೋಗ : ಪಿಡಿಓ ಮತ್ತು ಆಡಳಿತಾಧಿಕಾರಿಗಳ ವಿರುದ್ಧ ಗ್ರಾಾಮಸ್ಥರ ಪ್ರತಿಭಟನೆ
ನಕಲಿ ಬಿಲ್ ಸೃಷ್ಟಿಸಿ ಚೆಕ್ ಮೂಲಕ ಹಣ ಲೂಟಿ ಮಾಡಿದ ಪಿಡಿಓ ಹಾಗೂ ಆಡಳಿತಾಧಿಕಾರಿ ವಿರುದ್ಧ ಕ್ರಮಕ್ಕೆ ಒತ್ತಾಯ….
news.ashwasurya.in
ಅಶ್ವಸೂರ್ಯ/ತೀರ್ಥಹಳ್ಳಿ : 15 ನೇ ಹಣಕಾಸು ಯೋಜನೆಯ ಸರ್ಕಾರಿ ಖಾತೆಯಿಂದ 20 ಲಕ್ಷ ರೂ. ಹಣವನ್ನು ಕಾನೂನುಬಾಹಿರವಾಗಿ ಲೂಟಿ ಹೊಡೆದಿರುವ ಅಭಿವೃದ್ಧಿ ಅಧಿಕಾರಿ ಹಾಗೂ ಆಡಳಿತಾಧಿಕಾರಿಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ಮಾಜಿ ಗ್ರಾಾಮಪಂಚಾಯಿತಿ ಅಧ್ಯಕ್ಷ ವಿಧಾತ ಅನಿಲ್ ಆಗ್ರಹಿಸಿದ್ದಾಾರೆ.
ಅ. 22 ರಂದು ಗ್ರಾಾಮ ಪಂಚಾಯಿತಿ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸಿ ಮಾತನಾಡಿದ ಅವರು, ನಮ್ಮ ಆಡಳಿತ ಅವಧಿಯಲ್ಲಿ ಪಂಚಾಯಿತಿ ಗಾಂಧಿ ಗ್ರಾಾಮ ಪುರಸ್ಕಾರ ಪಡೆದಿದೆ. 15 ನೇ ಹಣಕಾಸಿನಲ್ಲಿ ಕ್ರಿಯಾ ಯೋಜನೆ ತಯಾರಿಸಿದ ಕಾಮಗಾರಿಗಳಿಗೆ ಹಣ ವಿನಿಯೋಗಿಸಲು ಸುಮಾರು 25 ಲಕ್ಷ ರೂ. ಹಣವನ್ನು ಕಾಯ್ದಿರಿಸಲಾಗಿತ್ತು . ಆದರೆ, ಆಡಳಿತಾಧಿಕಾರಿಗಳ ಅವಧಿ ಬಂದ ನಂತರ ನಕಲಿ ಖರೀದಿ ಬಿಲ್ ಸೃಷ್ಟಿಸಿ ಸುಮಾರು 20 ಲಕ್ಷ ರೂ. ಹಣವನ್ನು ದುರುಪಯೋಗ ಪಡಿಸಿಕೊಂಡಿದ್ದು, ಸಾಮಾಜಿಕ ಲೆಕ್ಕ ಪರಿಶೋಧನೆಯಲ್ಲಿ ಪರಿಶೀಲಿಸಿದಾಗ ತಿಳಿದು ಬಂದಿದೆ. ಸುಮಾರು 15 ದಿನಗಳು ಕಳೆದರೂ ಮೇಲಾಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳದೇ ಇರುವುದು ಖಂಡನೀಯ. ಆ ಕಾರಣಕ್ಕಾಾಗಿಯೇ ಗ್ರಾಾಮಸ್ಥರು ಈ ಪ್ರತಿಭಟನೆಯನ್ನು ಹಮ್ಮಿಕೊಂಡಿದ್ದು , ತಪ್ಪಿತಸ್ಥರ ವಿರುದ್ಧ ಕೂಡಲೇ ಕ್ರಮ ಜರುಗಿಸಬೇಕು ಎಂದರು.
ಕೇಂದ್ರ ಸರ್ಕಾರ ನಮ್ಮ ತೆರಿಗೆ ಹಣದಲ್ಲಿ ಗ್ರಾಾಮಗಳ ಅಭಿವೃದ್ಧಿ ಗೆ ಎಂದು ನೀಡಲಾದ 15 ನೇ ಹಣಕಾಸನ್ನು ಈ ರೀತಿ ದುರುಪಯೋಗ ಪಡಿಸಿಕೊಂಡಿರುವ ಪಿಡಿಓ ಶಿವಕುಮಾರ್ ಎಂಬಾತ ಈ ಹಿಂದೆ ಚಿತ್ರದುರ್ಗ, ಶಿಕಾರಿಪುರದಲ್ಲೂ ಇದೇ ರೀತಿ ಹಣ ಲೂಟಿ ಹೊಡೆದಿದ್ದಾನೆ. ಅಂತಹ ವ್ಯಕ್ತಿಯನ್ನು ಗೊತ್ತಿದ್ದೂ ಮೇಲಾಧಿಕಾರಿಗಳು ನಮ್ಮ ಪಂಚಾಯಿತಿಗೆ ನೇಮಕ ಮಾಡಿ ಹಣ ಲೂಟಿ ಮಾಡುವಂತೆ ಮಾಡಿದ್ದಾಾರೆ. ಮೇಲ್ವಿಚಾರಣೆ ಮಾಡಬೇಕಾದ ಆಡಳಿತಾಧಿಕಾರಿಗಳು ಈತನೊಂದಿಗೆ ಶಾಮೀಲಾಗಿದ್ದಾಾರಾ ಎಂಬುದು ತನಿಖೆಯ ಮೂಲಕ ದೃಢಪಡಬೇಕಿದೆ. ಅಭಿವೃದ್ಧಿ ಅಧಿಕಾರಿ ಹಾಗೂ ಆಡಳಿತಾಧಿಕಾರಿ ತನಿಖೆ ನಡೆಸುವವರೆಗೂ ಅಧಿಕಾರದಲ್ಲಿ ಮುಂದುವರಿದರೆ ಸಾಕ್ಷಿ ನಾಶ ಪಡಿಸುವ ಮತ್ತು ತನಿಖೆಯ ಹಾದಿ ತಪ್ಪಿಸುವ ಸಾಧ್ಯತೆಗಳು ದಟ್ಟವಾಗಿದೆ. ಆದ್ದರಿಂದ ಹಣ ದುರುಪಯೋಗ ಮಾಡಿರುವುದು ಮತ್ತು ಜಮಾಬಂಧಿ ಸಾಮಗ್ರಿ ಖರೀದಿಯ ವಿವರ ನೀಡದೇ ಸಾರ್ವಜನಿಕರಿಗೆ ವಂಚಿಸಿರುವುದು ಮೇಲ್ನೋಟಕ್ಕೆ ಸ್ಪಷ್ಟವಾಗಿರುವುದರಿಂದ ಪಿಡಿಓ ಮತ್ತು ಆಡಳಿತಾಧಿಕಾರಿ ಇಬ್ಬರನ್ನೂ ತಕ್ಷಣಕ್ಕೆ ಜಾರಿ ಬರುವಂತೆ ಸೇವೆಯಿಂದ ಅಮಾನತುಗೊಳಿಸಬೇಕು. ಜಮಾಬಂಧಿಯಲ್ಲಿ ಮುಚ್ಚಿಿಡಲಾದ ಸಾಮಾಗ್ರಿ ಖರೀದಿಯ ಮೂಲ ಬಿಲ್‌ಗಳು, ಓಚರ್‌ಗಳು ಮತ್ತು ಚೆಕ್ ಬುಕ್‌ನ್ನು ತಕ್ಷಣವೇ ವಶಪಡಿಸಿಕೊಂಡು ಉನ್ನತ ಮಟ್ಟದ ತನಿಖೆ ನಡೆಸಬೇಕು. ದುರುಪಯೋಗ ಆಗಿರುವ 20 ಲಕ್ಷ ರೂ. ಸರ್ಕಾರಿ ಹಣವನ್ನು ಅಧಿಕಾರಿಗಳ ಆಸ್ತಿ ಮುಟ್ಟುಗೋಲು ಹಾಕಿಕೊಂಡು ವಸೂಲಿ ಮಾಡಬೇಕು ಎಂದು ಆಗ್ರಹಿಸಿದರು.
ಈ ಪ್ರತಿಭಟನಾ ಸಭೆಯಲ್ಲಿ ಮಾಜಿ ಗ್ರಾಾ.ಪಂ. ಅಧ್ಯಕ್ಷ ಸತ್ಯದೇವ್, ಮಾಜಿ ಉಪಾಧ್ಯಕ್ಷೆೆ ಪ್ರೇಮಾ ರಾಮಚಂದ್ರ, ಹುಲ್ಲತ್ತಿ ದಿನೇಶ್, ಪ್ರಭಾಕರ್, ರೇಖಾ ಮಂಜುನಾಥ್ ಮುಂತಾದ ಮಾಜಿ ಸದಸ್ಯರುಗಳು ಪಿಡಿಓ ಹಾಗೂ ಆಡಳಿತಾಧಿಕಾರಿಯ ಹಣ ದುರುಪಯೋಗ ಖಂಡಿಸಿ ಕೂಡಲೇ ಕ್ರಮ ಜರುಗಿಸಬೇಕೆಂದು ಒತ್ತಾಾಯಿಸಿದರು.
ಪ್ರತಿಭಟನೆಯಲ್ಲಿ ಮಾಜಿ ಗ್ರಾಾ.ಪಂ. ಸದಸ್ಯರಾದ ಪೂರ್ಣಿಮಾ, ಸುಪ್ರಿಯಾ, ಶೀಲಾ, ಪ್ರಜ್ವಲ್, ಕೃಷ್ಣಪ್ಪ ಮುಂತಾದವರು ಪಾಲ್ಗೊಂಡಿದ್ದರು .
