ತೀರ್ಥಹಳ್ಳಿಯಲ್ಲಿ ಇಂದು ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಹಾಗೂ ಸಮಾಜ ಬಾಂಧವರ ಬೃಹತ್ ಸಮಾವೇಶ.🌸

ಸಮಾಜದ ಏಳಿಗೆಗೆ ಸಮಾನತೆಯ ಬೆಳಕು! 🌸🌺🌼

ತೀರ್ಥಹಳ್ಳಿಯಲ್ಲಿ ಇಂದು ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಹಾಗೂ ಸಮಾಜ ಬಾಂಧವರ ಬೃಹತ್ ಸಮಾವೇಶ.

ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ ಇವರ ಆಶ್ರಯದಲ್ಲಿ ಆರ್ಯ ಈಡಿಗರ ಸಂಘ, ಬಿಲ್ಲವ ಸಂಘ, ನಾರಾಯಣ ಗುರು ವಿಚಾರ ವೇದಿಕೆ, ಈಡಿಗ-ಬಿಲ್ಲವ ಮಹಿಳಾ ಸಂಘ, ಸಮಾಜದ ಸಹಕಾರ ಸಂಘಗಳು, ತೀರ್ಥಹಳ್ಳಿ ಇವರ ನೇತೃತ್ವದಲ್ಲಿ “ಬ್ರಹ್ಮಶ್ರೀ ನಾರಾಯಣ ಗುರು” ಜಯಂತಿ ಹಾಗೂ ಸಮಾಜ ಬಾಂಧವರ ಬೃಹತ್ ಸಮಾವೇಶ.
ದಿನಾಂಕ : 24-10-2026ನೇ ಶನಿವಾರ
ಸ್ಥಳ : ಸುವರ್ಣ ಸಂಸ್ಕೃತಿ ಭವನದ ಆವರಣ, ತೀರ್ಥಹಳ್ಳಿ
ಮೆರವಣಿಗೆ ಆರಂಭ ಬೆಳಿಗ್ಗೆ 9.00ಕ್ಕೆ ತೀರ್ಥಹಳ್ಳಿಯ ಕುಶಾವತಿ ಪಾರ್ಕ್‌ನಿಂದ…

ಅಶ್ವಸೂರ್ಯ/ತೀರ್ಥಹಳ್ಳಿ: ಸಮಾಜದಲ್ಲಿ ಸಮಾನತೆ ನೆಲೆಸಬೇಕು, ಪ್ರತಿಯೊಬ್ಬರಿಗೂ ಶಿಕ್ಷಣ ದೊರೆಯಬೇಕು, ಜಾತಿ-ಭೇದಗಳ ಗೋಡೆಗಳು ಕುಸಿಯಬೇಕು, ಮನುಷ್ಯನನ್ನು ಮನುಷ್ಯನಾಗಿ ಗೌರವಿಸುವ ಮಾನವೀಯತೆ ಬೆಳೆಯಬೇಕು. ಇಂತಹ ಮಹತ್ತರ ಆಶಯಗಳೊಂದಿಗೆ ಸಮಾಜದ ಬದುಕಿಗೆ ಹೊಸ ಬೆಳಕು ನೀಡಿದ ಮಹಾನ್ ಸಂತ ಬ್ರಹ್ಮಶ್ರೀ ನಾರಾಯಣ ಗುರುಗಳ ಆದರ್ಶಗಳನ್ನು ಸ್ಮರಿಸುವ ವಿಶೇಷ ಕ್ಷಣಕ್ಕೆ ತೀರ್ಥಹಳ್ಳಿ ಸಜ್ಜಾಗುತ್ತಿದೆ.
ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ ವತಿಯಿಂದ ಅಕ್ಟೋಬರ್ 24ರಂದು ಶನಿವಾರ, ತೀರ್ಥಹಳ್ಳಿಯ ಸುವರ್ಣ ಸಂಸ್ಕೃತಿ ಭವನದ ಆವರಣದಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಹಾಗೂ ಸಮಾಜ ಬಾಂಧವರ ಬೃಹತ್ ಸಮಾವೇಶವನ್ನು ಆಯೋಜಿಸಲಾಗಿದೆ.
ಬೆಳಗ್ಗೆ 9 ಗಂಟೆಗೆ ತೀರ್ಥಹಳ್ಳಿಯ ಕುಶಾವತಿ ಪಾರ್ಕ್‌ನಿಂದ ಮೆರವಣಿಗೆ ಆರಂಭವಾಗಲಿದ್ದು, ಬೆಳಗ್ಗೆ 11 ಗಂಟೆಯಿಂದ ಸಭಾ ಕಾರ್ಯಕ್ರಮ ನಡೆಯಲಿದೆ. ಸಮಾಜದ ಮುಖಂಡರು, ಧಾರ್ಮಿಕ ಗಣ್ಯರು, ಜನಪ್ರತಿನಿಧಿಗಳು ಹಾಗೂ ವಿವಿಧ ಸಂಘ-ಸಂಸ್ಥೆಗಳ ಪದಾಧಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.

ಒಂದೇ ಜಾತಿ, ಒಂದೇ ಮತ, ಒಬ್ಬನೇ ದೇವರು — ಮಾನವೀಯತೆಯ ಸಂದೇಶ

ಬ್ರಹ್ಮಶ್ರೀ ನಾರಾಯಣ ಗುರುಗಳು ಕೇವಲ ಧಾರ್ಮಿಕ ಸಂತ ಮಾತ್ರವಲ್ಲ; ಅವರು ಸಾಮಾಜಿಕ ಪರಿವರ್ತನೆಯ ಮಹಾನ್ ಚಿಂತಕರು. ಅಸಮಾನತೆ, ಜಾತಿ ತಾರತಮ್ಯ ಹಾಗೂ ಸಾಮಾಜಿಕ ಅನ್ಯಾಯಗಳಿಂದ ಬಳಲುತ್ತಿದ್ದ ಜನಸಮುದಾಯಕ್ಕೆ ಆತ್ಮಗೌರವದ ಬದುಕಿನ ದಾರಿಯನ್ನು ತೋರಿದವರು. ಶಿಕ್ಷಣವೇ ಸಮಾಜದ ಪ್ರಗತಿಯ ಅಡಿಪಾಯ, ಸಂಘಟನೆಯೇ ಸಮುದಾಯದ ಶಕ್ತಿ, ಆಧ್ಯಾತ್ಮಿಕತೆಯೇ ಮಾನವೀಯ ಬದುಕಿಗೆ ಮಾರ್ಗದರ್ಶಿ ಎಂಬ ಮೌಲ್ಯಗಳನ್ನು ತಮ್ಮ ಜೀವನದ ಮೂಲಕ ಸಾರಿದವರು ಬ್ರಹ್ಮಶ್ರೀ ನಾರಾಯಣ ಗುರುಗಳು.
ಅವರ ಚಿಂತನೆಗಳು ಒಂದು ಕಾಲಘಟ್ಟಕ್ಕೆ ಸೀಮಿತವಾಗಿಲ್ಲ. ಇಂದಿಗೂ ಸಮಾಜದಲ್ಲಿ ಸಮಾನತೆ, ಸಹಬಾಳ್ವೆ, ಪರಸ್ಪರ ಗೌರವ ಹಾಗೂ ಶಿಕ್ಷಣದ ಮಹತ್ವವನ್ನು ಸಾರುವ ಜೀವಂತ ಸಂದೇಶಗಳಾಗಿವೆ.
ಮನುಷ್ಯನನ್ನು ಅವನ ಜಾತಿಯಿಂದಲ್ಲ, ಅವನ ಗುಣದಿಂದ ಅಳೆಯಬೇಕು; ಸಮಾಜದಲ್ಲಿ ಯಾರೂ ಕೀಳಲ್ಲ, ಯಾರೂ ಮೇಲಲ್ಲ ಎಂಬ ಮಾನವೀಯ ಚಿಂತನೆಯೇ ನಾರಾಯಣ ಗುರುಗಳ ತತ್ವ. ಇಂತಹ ಮಹಾನ್ ಚೇತನದ ಜಯಂತಿಯನ್ನು ಆಚರಿಸುವುದು ಕೇವಲ ಸಂಭ್ರಮದ ಕಾರ್ಯಕ್ರಮವಲ್ಲ. ಅವರ ಆದರ್ಶಗಳನ್ನು ನಮ್ಮ ಬದುಕಿನಲ್ಲಿ ಅಳವಡಿಸಿಕೊಂಡು, ಮುಂದಿನ ಪೀಳಿಗೆಗೆ ಸಮಾನತೆ ಮತ್ತು ಸಹೋದರತ್ವದ ಮೌಲ್ಯಗಳನ್ನು ಪರಿಚಯಿಸುವ ಸಂಕಲ್ಪವೂ ಹೌದು.

ಸಮಾಜದ ಸಂಘಟನೆಗೆ ಹೊಸ ಶಕ್ತಿ ತುಂಬುವ ಸಮಾವೇಶ.

ಸಮುದಾಯದ ಅಭಿವೃದ್ಧಿ, ಯುವಜನರ ಭವಿಷ್ಯ, ಶಿಕ್ಷಣದ ಪ್ರಗತಿ ಹಾಗೂ ಸಂಘಟನೆಯ ಬಲವರ್ಧನೆಗೆ ಇಂತಹ ಸಮಾವೇಶಗಳು ಮಹತ್ವದ ವೇದಿಕೆಯಾಗುತ್ತವೆ. ಸಮಾಜದ ಹಿರಿಯರ ಅನುಭವ, ಯುವಜನರ ಉತ್ಸಾಹ ಹಾಗೂ ಮಹಿಳೆಯರ ಸಕ್ರಿಯ ಪಾಲ್ಗೊಳ್ಳುವಿಕೆ ಒಂದಾದಾಗ ಸಮುದಾಯದ ಬೆಳವಣಿಗೆಗೆ ಹೊಸ ದಿಕ್ಕು ದೊರೆಯುತ್ತದೆ.
ಈ ಹಿನ್ನೆಲೆಯಲ್ಲಿ ತೀರ್ಥಹಳ್ಳಿಯಲ್ಲಿ ನಡೆಯಲಿರುವ ಸಮಾವೇಶವು ಸಮಾಜ ಬಾಂಧವರಲ್ಲಿ ಒಗ್ಗಟ್ಟು ಬೆಳೆಸುವುದರ ಜೊತೆಗೆ, ಮುಂದಿನ ದಿನಗಳಲ್ಲಿ ಸಮುದಾಯದ ಶೈಕ್ಷಣಿಕ, ಸಾಮಾಜಿಕ ಹಾಗೂ ಆರ್ಥಿಕ ಪ್ರಗತಿಗೆ ಪ್ರೇರಣೆ ನೀಡುವ ನಿರೀಕ್ಷೆ ಮೂಡಿಸಿದೆ.
ಕಾರ್ಯಕ್ರಮದಲ್ಲಿ ಧಾರ್ಮಿಕ ಮುಖಂಡರು, ಸಮಾಜದ ಗಣ್ಯರು ಹಾಗೂ ವಿವಿಧ ಕ್ಷೇತ್ರಗಳ ಪ್ರತಿನಿಧಿಗಳು ಭಾಗವಹಿಸಲಿದ್ದು, ಸಮಾಜದ ಅಭಿವೃದ್ಧಿ ಮತ್ತು ಸಂಘಟನೆಯ ಮಹತ್ವದ ಕುರಿತು ವಿಚಾರ ವಿನಿಮಯ ನಡೆಯಲಿದೆ.
ಜಯಂತಿಯ ಆಚರಣೆಗಷ್ಟೇ ಸೀಮಿತವಾಗದಿರಲಿ ಗುರುಗಳ ಆದರ್ಶ ಮಹಾನ್ ವ್ಯಕ್ತಿಗಳ ಜಯಂತಿಗಳು ಕೇವಲ ವೇದಿಕೆಯ ಭಾಷಣಗಳಿಗೆ ಸೀಮಿತವಾಗಬಾರದು. ಅವರ ಬದುಕಿನ ಸಂದೇಶಗಳು ನಮ್ಮ ಮನೆಗಳಲ್ಲಿ, ಶಿಕ್ಷಣ ಸಂಸ್ಥೆಗಳಲ್ಲಿ, ಸಮಾಜದ ಸಂಘಟನೆಗಳಲ್ಲಿ ಮತ್ತು ನಮ್ಮ ದೈನಂದಿನ ನಡವಳಿಕೆಯಲ್ಲಿ ಪ್ರತಿಫಲಿಸಬೇಕು.
ಯಾವುದೇ ಮಗು ಶಿಕ್ಷಣದಿಂದ ವಂಚಿತವಾಗಬಾರದು, ಬಡ ಕುಟುಂಬಕ್ಕೆ ನೆರವಿನ ಹಸ್ತ ದೊರೆಯಬೇಕು, ಯುವಜನರಿಗೆ ಉತ್ತಮ ಭವಿಷ್ಯದ ದಾರಿ ತೆರೆದುಕೊಳ್ಳಬೇಕು, ಸಮಾಜದಲ್ಲಿ ಭೇದ ಭಾವಕ್ಕಿಂತ ಸಹೋದರತ್ವಕ್ಕೆ ಆದ್ಯತೆ ದೊರೆಯಬೇಕು. ಇಂತಹ ಕಾರ್ಯಗಳೇ ನಾರಾಯಣ ಗುರುಗಳಿಗೆ ಸಲ್ಲಿಸುವ ನಿಜವಾದ ಗೌರವವಾಗಬಲ್ಲವು.
ಗುರುಗಳ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಕೈಗಳಷ್ಟೇ ಮುಖ್ಯ, ಅವರು ತೋರಿದ ಮಾನವೀಯತೆಯ ಹಾದಿಯಲ್ಲಿ ನಡೆಯುವ ಮನಸ್ಸುಗಳು. ಗುರುಗಳ ಹೆಸರನ್ನು ಸ್ಮರಿಸುವ ತುಟಿಗಳಷ್ಟೇ ಮುಖ್ಯ, ಅವರ ಆದರ್ಶಗಳನ್ನು ಬದುಕಿನಲ್ಲಿ ಅನುಸರಿಸುವ ಹೃದಯಗಳು.
ತೀರ್ಥಹಳ್ಳಿಯಲ್ಲಿ ನಡೆಯಲಿರುವ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಹಾಗೂ ಸಮಾಜ ಬಾಂಧವರ ಬೃಹತ್ ಸಮಾವೇಶದಲ್ಲಿ ಒಂದೆಡೆ ಸೇರಲಿವೆ, ಸಮಾಜದಲ್ಲಿ ಒಗ್ಗಟ್ಟು, ಸಮಾನತೆ ಮತ್ತು ಸೇವಾ ಮನೋಭಾವವನ್ನು ಮತ್ತಷ್ಟು ಬಲಪಡಿಸಲಿ ಎಂಬುದು ಎಲ್ಲರ ಆಶಯ.
ಸಮಾಜದ ಏಳಿಗೆಗೆ ಸಂಘಟನೆ, ಬದುಕಿನ ಉನ್ನತಿಗೆ ಶಿಕ್ಷಣ, ಮಾನವೀಯತೆಯ ಉಳಿವಿಗೆ ಸಮಾನತೆ — ಇದೇ ನಾರಾಯಣ ಗುರುಗಳ ಆದರ್ಶಗಳ ಸಾರ.

ಸಭಾ ಕಾರ್ಯಕ್ರಮಗಳು ಬೆಳಗ್ಗೆ 11.00 ರಿಂದ
ದಿವ್ಯ ಸಾನಿಧ್ಯ:

ಶ್ರೀ ಶ್ರೀ ರೇಣುಕಾನಂದ ಸ್ವಾಮೀಜಿಯವರು
ಬ್ರಹ್ಮಶ್ರೀ ನಾರಾಯಣಗುರು ಮಹಾಸಂಸ್ಥಾನ, ಶ್ರೀ ಮಠ, ನಿಟ್ಟೂರು, ಗರ್ತಿಕೆರೆ, ತೀರ್ಥಹಳ್ಳಿ ತಾಲ್ಲೂಕು.

ಸಮ್ಮುಖ:

ಶ್ರೀ ಶ್ರೀ ಯೋಗೇಂದ್ರ ಅವಧೂತರು
ಶ್ರೀ ಕಾರ್ತಿಕೇಯ ಪೀಠ, ಶ್ರೀ ಮಠ, ಸಾರಗನಜಡ್ಡು.
ಶ್ರೀ ಎಸ್. ರಾಮಪ್ರಸನ್ನವರು
ಧರ್ಮದರ್ಶಿಗಳು, ಶ್ರೀ ಸಿಗಂಧೂರು ಚೌಡೇಶ್ವರಿ ದೇವಸ್ಥಾನ, ಸಿಗಂಧೂರು.
ಅಧ್ಯಕ್ಷತೆ:
ಶ್ರೀ ಅಶೋಕ ಮೂರ್ತಿ
ಅಧ್ಯಕ್ಷರು, ಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ.
ಉದ್ಘಾಟನೆ:
ಶ್ರೀ ಎಸ್. ಮಧು ಬಂಗಾರಪ್ಪ
ಸಚಿವರು, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ, ಕರ್ನಾಟಕ ಸರ್ಕಾರ.
ಮುಖ್ಯ ಅತಿಥಿಗಳು : ಶ್ರೀ ಬಿ.ಕೆ. ಹರಿಪ್ರಸಾದ್
ಅಧ್ಯಕ್ಷರು, ಕೆ.ಪಿ.ಸಿ.ಸಿ. ಬೆಂಗಳೂರು.
ಶ್ರೀ ಕೋಟ ಶ್ರೀನಿವಾಸ ಪೂಜಾರಿ
ಸಂಸದರು, ಉಡುಪಿ, ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರ.
ಶ್ರೀ ಸುನೀಲ್‌ ಕುಮಾ‌
ಮಾಜಿ ಸಚಿವರು, ಶಾಸಕರು, ಕಾರ್ಕಳ ಕ್ಷೇತ್ರ‌.
ಶ್ರೀ ಬೇಳೂರು ಗೋಪಾಲಕೃಷ್ಣ
ಶಾಸಕರು, ಸಾಗರ ಕ್ಷೇತ್ರ ಹಾಗೂ
ಅಧ್ಯಕ್ಷರು, ಕರ್ನಾಟಕ ರಾಜ್ಯ ಅರಣ್ಯ ಕೈಗಾರಿಕ ಅಭಿವೃದ್ಧಿ ನಿಗಮ.

ಸನ್ಮಾನಿತರು :

ಶ್ರೀ ಕಾಗೋಡು ತಿಮ್ಮಪ್ಪನವರು, ಮಾಜಿ ಸಚಿವರು, ಸಾಗರ.

ಗೌರವ ಉಪಸ್ಥಿತಿ: ಶ್ರೀ ಪದ್ಮರಾಜ್
ಕೋಶಾಧಿಕಾರಿಗಳು, ಶ್ರೀ ಗೋಕರ್ಣನಾಥೇಶ್ವರ ದೇವಸ್ಥಾನ, ಕುದ್ರೋಳ್ಳಿ.
ಶ್ರೀ ಮಂಜುನಾಥ ಪೂಜಾರಿ ಮುದ್ರಾಡಿ
ಅಧ್ಯಕ್ಷರು, ಶ್ರೀ ನಾರಾಯಣ ಗುರು ಅಭಿವೃದ್ಧಿ ನಿಗಮ, ಬೆಂಗಳೂರು.
ಶ್ರೀ ಮುಡುಬ ರಾಘವೇಂದ್ರ
ರಾಜ್ಯ ಉಪಾಧ್ಯಕ್ಷರು, ಎಸ್.ಎನ್.ಜಿ.ವಿ, ಬೆಂಗಳೂರು.

ಉಪಸ್ಥಿತಿ :

ಶ್ರೀ ರಾಮಚಂದ್ರ ಮಟ್ಟಿನಮನೆ
ಅಧ್ಯಕ್ಷರು, ಆರ್ಯ ಈಡಿಗರ ಸಂಘ (ರಿ.), ತೀರ್ಥಹಳ್ಳಿ.
ಶ್ರೀ ಟಿ. ಮಂಜುನಾಥ್, ಅಧ್ಯಕ್ಷರು, ಬಿಲ್ಲವ ಸಂಘ (ರಿ.), ತೀರ್ಥಹಳ್ಳಿ.
ಶ್ರೀ ವಿಶಾಲ್ ಕುಮಾರ್
ಅಧ್ಯಕ್ಷರು, ನಾರಾಯಣ ಗುರು ವಿಚಾರ ವೇದಿಕೆ, ತೀರ್ಥಹಳ್ಳಿ.
ಶ್ರೀ ಶ್ರೀಧರ ಮೂರ್ತಿ
ಅಧ್ಯಕ್ಷರು, ಕಲ್ಪವೃಕ್ಷ ಪತ್ತಿನ ಸಹಕಾರ ಸಂಘ, ತೀರ್ಥಹಳ್ಳಿ.
ಶ್ರೀ ಹೊದಲ ಶಿವು
ಅಧ್ಯಕ್ಷರು, ಸಂತ ಶ್ರೀ ನಾರಾಯಣಗುರು ಸೌಹಾರ್ದ ಸಹಕಾರ ಸಂಘ ನಿ., ತೀರ್ಥಹಳ್ಳಿ.
ಶ್ರೀ ಪಾಂಡುರಂಗಪ್ಪ
ಗೌರವಾಧ್ಯಕ್ಷರು, ಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ.
ಶ್ರೀ ಹೆಚ್.ಎ. ಮಂಜುನಾಥ್ ಹೊನಾಸುಗದ್ದೆ,
ಗೌರವಾಧ್ಯಕ್ಷರು, ಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ.
ಶ್ರೀ ಟಿ.ಎಲ್. ಸುಂದರೇಶ್
ಗೌರವಾಧ್ಯಕ್ಷರು, ಶ್ರೀ ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ, ತೀರ್ಥಹಳ್ಳಿ.
ಶ್ರೀಮತಿ ಸುಜಯ ಕಾಂತರಾಜ್
ಅಧ್ಯಕ್ಷರು, ಆರ್ಯ ಈಡಿಗ ಮಹಿಳಾ ಹಿತರಕ್ಷಣ ಮತ್ತು ಕ್ಷೇಮಾಭಿವೃದ್ಧಿ ಸಂಘ, ತೀರ್ಥಹಳ್ಳಿ.
ಶ್ರೀಮತಿ ಶರಾವತಿ, ಅಧ್ಯಕ್ಷರು, ಬಿಲ್ಲವ ಮಹಿಳಾ ಸಂಘ, ತೀರ್ಥಹಳ್ಳಿ.
ಶ್ರೀಮತಿ ಶಾಲಿನಿ ನಾಗರಾಜ್
ಅಧ್ಯಕ್ಷರು, ಶ್ರೀ ನಾರಾಯಣ ಗುರು ವಿಚಾರ ವೇದಿಕೆ, ಮಹಿಳಾ ಘಟಕ, ತೀರ್ಥಹಳ್ಳಿ.
ಶ್ರೀಮತಿ ನಾಗವೇಣಿ ಚಂದ್ರಶೇಖರ
ಅಧ್ಯಕ್ಷರು, ಆರ್ಯ ಈಡಿಗ ಮಹಿಳಾ ಸಂಘ, ತೀರ್ಥಹಳ್ಳಿ.

ಸಮಾಜದ ಪ್ರಮುಖ ಆದ್ಯತೆಗಳು :

• ಶಿಕ್ಷಣ ಸಂಸ್ಥೆ ಪ್ರಾರಂಭ, ತಾಂತ್ರಿಕ ಶಿಕ್ಷಣಕ್ಕೆ ಆಧ್ಯತೆ.
• ಎಲ್ಲಾ ರಾಜಕೀಯ ಪಕ್ಷದಲ್ಲಿಯೂ ಸಮಾಜದ ಅರ್ಹರಿಗೆ ಅಧಿಕಾರದ ಸ್ಥಾನಮಾನಕ್ಕೆ ಆಧ್ಯತೆ
  ನೀಡಬೇಕು.
• ಶೇಕಡಾ 99% ರಷ್ಟು ಈಡಿಗ ಸಮುದಾಯದವರಿರುವ ಶರಾವತಿ ಸಂತ್ರಸ್ತರಿಗೆ ಶಾಶ್ವತ ಪರಿಹಾರ ಮತ್ತು ಪುನರ್ವಸತಿ ಕಲ್ಪಿಸದಿದ್ದರೆ ವಿಧಾನಸಭಾ ಮತ್ತು ಲೋಕಸಭಾ ಚುನಾವಣೆ ಮತದಾನ ಬಹಿಷ್ಕಾರ ಮಾಡುವ ಬಗ್ಗೆ.
• ಈಡಿಗ ಸಮಾಜದ ಕುಲಕಸುಬನ್ನು ಕಿತ್ತುಕೊಂಡ ಸರ್ಕಾರಗಳು ಮದ್ಯ ಮಾರಾಟ ಪರವಾನಿಗೆಯಲ್ಲಿ ಶೇ.50% ರಷ್ಟು ಮೀಸಲಿಡಬೇಕು.
• ಜಾತಿ ಗಣತಿಯ ಸಮೀಕ್ಷೆ ಯನ್ನು ಸರ್ಕಾರಕ್ಕೆ ಸಲ್ಲಿಸಿದ ಕಾಂತರಾಜ್ ಮತ್ತು ಜಯಪ್ರಕಾಶ್ ಹೆಗ್ಡೆ ವರದಿಯನ್ನು ತಕ್ಷಣ ಬಿಡುಗಡೆ ಮಾಡಬೇಕು.
• ನಾರಾಯಣ ಗುರು ಅಭಿವೃದ್ಧಿ ನಿಗಮಕ್ಕೆ ಕನಿಷ್ಠ ರೂ. 500 ಕೋಟಿ ಮೀಸಲೀಡಬೇಕು.

ಸ್ವಾಗತ ಕೋರುವವರು : ನಾರಾಯಣ ಗುರು ಜಯಂತಿ ಆಚರಣಾ ಸಮಿತಿ

ಸಮಾಜದ ಏಳಿಗೆ – ನಮ್ಮೆಲ್ಲರ ಸಂಕಲ್ಪ