ತೀರ್ಥಹಳ್ಳಿ: ಅರಣ್ಯ ಕಾಯಬೇಕಾದ ವಾಚರ್ ಫಿಲಿಪ್ ಡಿಸೋಜಾ ಮನೆಯಲ್ಲೇ 60 ಅಡಿ ನಾಟಾ ವಶ.!ಎನಿದು ಅಕ್ರಮ ಮರಳು ದಂಧೆಕೋರರ ಘಮಲು.!?
news.ashwasurya.in
ಅಶ್ವಸೂರ್ಯ/ತೀರ್ಥಹಳ್ಳಿ : ತೀರ್ಥಹಳ್ಳಿ ತಾಲ್ಲೂಕಿನ ಮುಂಡುವಳ್ಳಿ ಗ್ರಾಮದ ಶಾಂತಿಕೆರೆ ವ್ಯಾಪ್ತಿಯಲ್ಲಿ ಅಕ್ರಮ ನಾಟ ಶೇಖರಿಸಿಟ್ಟ ಪ್ರಕರಣವೊಂದು ಬಯಲಾಗಿದೆ, ಅರಣ್ಯ ರಕ್ಷಕ ವಾಚರ್ ಮನೆಯಲ್ಲಿ ಅಕ್ರಮ ನಾಟ ಶೇಖರಿಸಿಟ್ಟ ಪ್ರಕರಣ ಭೇದಿಸಿದ ಆರ್ಎಫ್ಒ ಸಂಜಯ್ ಮತ್ತು ಡಿಆರ್ಎಫ್ಒ ಹರೀಶ್ ನಾಯ್ಕ್ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಪ್ರಶಂಸೆಗೆ ಕಾರಣವಾಗಿದೆ, ಇದರ ನಡುವೆ ಮಾಫಿಯಾದ ಖದೀಮರು ಪ್ರಕರಣದ ದಿಕ್ಕು ತಪ್ಪಿಸಲು ದೊಡ್ಡ ಸಂಚೆ ರೂಪಿಸಿದ್ದಂತೆ ಕಾಣುತ್ತಿದೆ.! ಡಿಆರ್ಎಫ್ಒ ಹರೀಶ್ ನಾಯ್ಕ್ ಮೇಲೆಯೇ ಆರೋಪದ ಗೂಬೆ ಕೂರಿಸಲು ಮರಳು ದಂಧೆಕೋರರ ಗ್ಯಾಂಗ್ ದೊಡ್ಡ ಸ್ಕೀಮ್ ಹಾಕಿಕೊಂಡಿದ್ದು ಮಾತ್ರ ದುರಂತವೆ ಹೌದು.! ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಡಿಆರ್ಎಫ್ಒ ಹರೀಶ್ ನಾಯ್ಕ್ ಮೇಲೆಯೆ ಗೂಬೆ ಕುರಿಸುತ್ತಿರುವ ‘ಕಿಟ್ಟು – ಪುಟ್ಟು ಯಾರು.? ಇವರ ಸುತ್ತ ಕೇಳಿಬರುತ್ತಿರುವ ಹಲವು ಪ್ರಶ್ನೆಗಳೇನು?
ಅರಣ್ಯವನ್ನು ರಕ್ಷಿಸಬೇಕಾದ ಜವಾಬ್ದಾರಿ ಹೊತ್ತಿರುವ ಅರಣ್ಯ ವಾಚರ್ ಫಿಲಿಪ್ ಡಿಸೋಜಾ ಅವರ ತೋಟದ ಮನೆಯಲ್ಲಿ ಸುಮಾರು 60 ಅಡಿ ಬೆಲೆಬಾಳುವ ಅಕ್ರಮವಾಗಿ ಶೇಖರಿಸಿಟ್ಟ ನಾಟಾಗಳು ಪತ್ತೆಯಾಗಿತ್ತು.
ಮುಂಡುವಳ್ಳಿ ಗ್ರಾಮದ ಶಾಂತಿಕೆರೆ ವ್ಯಾಪ್ತಿಯಲ್ಲಿ ನಾಟಾಗಳ ಸಂಗ್ರಹದ ಕುರಿತು ಬಂದ ದೂರಿನ ಹಿನ್ನೆಲೆಯಲ್ಲಿ ಅರಣ್ಯಾಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಿದ್ದು, ನಾಟಾಗಳನ್ನು ವಶಕ್ಕೆ ಪಡೆದು ಎಫ್ಐಆರ್ ದಾಖಲಿಸಿಕೊಂಡಿದ್ದು ಭಾರೀ ಚರ್ಚೆಗೆ ಕಾರಣವಾಗಿದೆ.
ಆರೋಪಿ ವಾಚರ್ ಫಿಲಿಪ್ ಡಿಸೋಜ.
ಆದರೆ ಪ್ರಕರಣ ಇಲ್ಲಿಗೆ ಮುಗಿದಿಲ್ಲ. ಈ ನಾಟಾಗಳು ಎಲ್ಲಿಂದ ಬಂದವು? ಯಾರು ಕಡಿದು ತಂದರು? ಯಾರಿಗಾಗಿ ಸಂಗ್ರಹಿಸಲಾಗಿತ್ತು? ಇದರ ಹಿಂದೆ ಇನ್ನೂ ಯಾರಿದ್ದಾರೆ? ಎಂಬ ಪ್ರಶ್ನೆಗಳು ಇದೀಗ ಭರ್ಜರಿ ಸದ್ದುಮಾಡುತ್ತಿದೆ.ಈ ಅಕ್ರಮ ಮರ ಕಡಿತಲೆ ನಾಟ ದಂಧೆ ಇಂದು ನಿನ್ನೆಯದಲ್ಲಾ.? ವಾಚರ್ ಡಿಸೋಜ ಅಕ್ರಮವಾಗಿ ಮಾಡಿರುವ ಸುಮಾರು ಹತ್ತು ಎಕರೆ ಜಾಗದಲ್ಲಿದ್ದ ಬೆಲೆಬಾಳುವ ಮರಗಳನ್ನು ಕಡಿದು ತೋಟಮಾಡಿದ್ದು ಅ ಜಾಗದಲ್ಲಿದ್ದ ಬೆಲೆಬಾಳುವ ಮರಗಳು ಎಲ್ಲಿ ಎನ್ನುವ ಪ್ರಶ್ನೆ ಉದ್ಭವವಾಗಿದೆ.
ಈ ಪ್ರಕರಣ ಬೇಧಿಸಿದ ಅಧಿಕಾರಿ ಡಿಆರ್ಎಫ್ಒ ಹರೀಶ್ ನಾಯ್ಕ್ :
🔥 ಪ್ರಕರಣ ಭೇದಿಸಿದ ಅಧಿಕಾರಿಗಳ ಮೇಲೆಯೇ ಆರೋಪದ ಹುಟ್ಟು ಹಾಕಿದ ಮರಳು ದಂಧೆಕೋರರು.!
ಈ ಪ್ರಕರಣವನ್ನು ಪತ್ತೆ ಹಚ್ಚುವಲ್ಲಿ ಆರ್ಎಫ್ಒ ಸಂಜಯ್ ಹಾಗೂ ಡಿಆರ್ಎಫ್ಒ ಹರೀಶ್ ನಾಯ್ಕ್ ಪ್ರಮುಖ ಪಾತ್ರ ವಹಿಸಿದ್ದಾರೆ.
ಪ್ರಕರಣವನ್ನು ಬಯಲಿಗೆ ತಂದ ಅಧಿಕಾರಿಗಳ ಮೇಲೆಯೇ ಆರೋಪದ ಗೂಬೆ ಕೂರಿಸುವ ಪ್ರಯತ್ನ ನಡೆಯುತ್ತಿದೆ.?
ಕಾರಣ ಪ್ರಕರಣದ ದಿಕ್ಕು ಬದಲಿಸುವ ಪ್ರಯತ್ನವಾಗಿದೆ.ತಾವು ಮಾಡುವ ಮರಳು ದಂಧೆಗೆ ಮುಂದೆ ತೊಂದರೆ ಯಾಗಬಹುದು ಎನ್ನುವ ಕಾಣಕ್ಕೆ ಮರಳು ದಂಧೆಕೋರರು ಅಧಿಕಾರಿಗಳ ವಿರುದ್ಧ ಮಸಲತ್ತು ಮಾಡಿದ್ದಾರೆ.
‘ಅಧಿಕಾರಿಗಳ ವಿರುದ್ಧವೆ ಮಸಲತ್ತು ಮಾಡಿದ ಅ ಮರಳು ದಂಧೆಕೋರರು ಯಾರು.? :
ಅವರು ಈ ಪ್ರಕರಣಕ್ಕೆ ಸಂಬಂಧಪಟ್ಟವರೇ?
ಟಿಂಬರ್ ಅಥವಾ ಮರಳು ವ್ಯವಹಾರದೊಂದಿಗೆ ಅವರ ಪಾತ್ರವೇನು?
ನಾಟಾ ಸಂಗ್ರಹ ಪ್ರಕರಣದಲ್ಲಿ ಅವರ ಹಿನ್ನೆಲೆ ಸಂಗೀತವಿದೇಯಾ.? ಎನ್ನುವುದನ್ನು ಪತ್ರಿಕೆ ಕಲೆಹಾಕುತ್ತಿದೆ
ಅಕ್ರಮ ನಾಟ ಶೇಖರಣೆ ಹಿಂದೆ ಅಕ್ರಮ ಮರಳು ದಂಧೆಯ ನೆರಳು.?
ಪ್ರಕರಣದ ನಡುವೆ ಮರಳು ದಂಧೆ ಹಾಗೂ ನಾಟಾ ಸಂಗ್ರಹದ ನಡುವೆ ಯಾವ ಮಟ್ಟದ ಬಾಂಧವ್ಯಿದೆ? ಎಂಬ ಪ್ರಶ್ನೆಯೂ ಕೇಳಿಬರುತ್ತಿದೆ.
ಹಾಗಾದರೆ “ಪ್ರಕರಣ ಭೇದಿಸಿದ ಅಧಿಕಾರಿಯ ಮೇಲೆಯೇ ಸುಳ್ಳು ಆರೋಪ ಹೊರಿಸುವುದರ ಹಿಂದೆ ದೊಡ್ಡ ಷಡ್ಯಂತ್ರವಿದೆ.? ಇದನ್ನು ಮುಂದಿನ ವರದಿಯಲ್ಲಿ ತಿಳಿಸುತ್ತೇನೆ.
ಈ ಪ್ರಕರಣದಲ್ಲಿ ಉದ್ಭವಿಸುವ ಪ್ರಶ್ನೆಗಳು.?
🔴 60 ಅಡಿ ನಾಟಾ ವಾಚರ್ ಮನೆಯವರೆಗೆ ಬಂದಿದ್ದು ಹೇಗೆ?
🔴 ನಾಟಾಗಳ ಮೂಲಸ್ಥಳ ಯಾವುದು?
🔴 ಮರ ಕಡಿತಕ್ಕೆ ಅನುಮತಿ ಇತ್ತೇ?
🔴 ಅಕ್ರಮ ಮರಳು ದಂಧೆಕೋರರಾದ ‘ಕಿಟ್ಟು’ ಮತ್ತು ‘ಪುಟ್ಟು’ ಯಾರು?
🔴 ಮರಳು ದಂಧೆ ಹಾಗೂ ನಾಟಾ ಪ್ರಕರಣಕ್ಕೆ ಇರುವ ಲಿಂಕ್ ಎನು.?
🔴 ಪ್ರಕರಣ ಭೇದಿಸಿದ ಅಧಿಕಾರಿಗಳ ಮೇಲೆಯೇ ಆರೋಪ ಏಕೆ?
🔴 ತನಿಖೆಯಲ್ಲಿ ಇನ್ನೂ ಯಾರ ಹೆಸರುಗಳು ಹೊರಬರಲಿವೆ?
ಈ ಪ್ರಶ್ನೆಗಳಿಗೆ ಅರಣ್ಯ ಇಲಾಖೆಯ ತನಿಖೆ, ದಾಖಲೆಗಳು ಮತ್ತು ಅಧಿಕೃತ ಹೇಳಿಕೆಗಳೇ ಅಂತಿಮ ಉತ್ತರ ನೀಡಲಿದೆ.
ಆರೋಪ ಸಾಬೀತಾದರೆ ಕಠಿಣ ಕ್ರಮ ಅಗತ್ಯ.?
ಅರಣ್ಯ ಸಂರಕ್ಷಣೆಯ ಜವಾಬ್ದಾರಿ ಹೊಂದಿರುವ ಸಿಬ್ಬಂದಿಯ ವಿರುದ್ಧದ ಆರೋಪಗಳು ತನಿಖೆಯಲ್ಲಿ ಸಾಬೀತಾದರೆ ಕಾನೂನು ಹಾಗೂ ಇಲಾಖಾ ನಿಯಮಗಳ ಪ್ರಕಾರ ಕ್ರಮ ಕೈಗೊಳ್ಳಬೇಕು. ಅದೇ ರೀತಿ ಅಧಿಕಾರಿಗಳ ವಿರುದ್ಧ ಮಾಡಲಾಗಿರುವ ಆರೋಪಗಳು ಸುಳ್ಳು ಎಂದು ತನಿಖೆಯಿಂದ ಬಹಿರಂಗವಾದರೆ, ಆರೋಪ ಮಾಡಿದವರ ವಿರುದ್ಧವೂ ಕಾನೂನು ಬದ್ಧ ಕ್ರಮದ ಪ್ರಶ್ನೆ ಎದುರಾಗಬಹುದು.
ಅಸಲಿ ಸತ್ಯ ಏನು? ನಾಟಾಗಳ ಹಿಂದಿನ ಜಾಲ ಯಾವುದು? ಪ್ರಕರಣ ಭೇದಿಸಿದ ಅಧಿಕಾರಿಗಳ ವಿರುದ್ಧದ ಆರೋಪದ ಹಿಂದೆ ಯಾರಿದ್ದಾರೆ? ಮುಂದಿನ ವರದಿಯಲ್ಲಿ ಮತ್ತಷ್ಟು ವಿವರವಾದ ಮಾಹಿತಿ ನಿಮ್ಮ ಮುಂದಿಡಲಿದ್ದೇವೆ.
ಎಲ್ಲವನ್ನೂ ನಿರೀಕ್ಷಿಸಿ — ನಿಮ್ಮ “ಅಶ್ವಸೂರ್ಯ ನ್ಯೂಸ್”ನಲ್ಲಿ.
ಸುದ್ದಿಯ ಹಿಂದೆ ಸತ್ಯ… ಜನರ ಜೊತೆ ಅಶ್ವಸೂರ್ಯ.
