SHIVAMOGGA / ಶಿವಮೊಗ್ಗ ನಗರದಲ್ಲಿ ಹಿರಿಯರ ಕ್ರಿಕೆಟ್ ಹಬ್ಬ.! ಆಗಸ್ಟ್ 14ರಿಂದ 16ರವರೆಗೆ ರಾಜ್ಯಮಟ್ಟದ T20, 40+ ಟ್ರೂ ಮಾಸ್ಟರ್ ಕಪ್ ಲೆದರ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ.
news.ashwasurya.in
ಅಶ್ವಸೂರ್ಯ/ಶಿವಮೊಗ್ಗ :ಶಿವಮೊಗ್ಗ ನಗರದ ಕ್ರಿಕೆಟ್ ಅಭಿಮಾನಿಗಳ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸುವ ರಾಜ್ಯಮಟ್ಟದ ಹಿರಿಯರ T20 40+ ಲೆದರ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ ಆಗಸ್ಟ್ 14, 15 ಹಾಗೂ 16 ರಂದು ಶಿವಮೊಗ್ಗ ನಗರದ ನವುಲೆಯ ಕೆಎಸ್ಸಿಎ ಮತ್ತು ಜೆಎನ್ಎನ್ಸಿ ಕ್ರೀಡಾಂಗಣದಲ್ಲಿ ಅದ್ದೂರಿಯಾಗಿ ನಡೆಯಲಿದೆ.ಪಂದ್ಯಾವಳಿಯು ಇಪ್ಪತ್ತು ಓವರ್ಗಳಿಗೆ ಸಿಮೀತವಾಗಿದ್ದು ಐಸಿಸಿ ನಿಯಮಗಳನ್ನು ಒಳಗೊಂಡಿರುತ್ತದೆ.ಪ್ರಮುಖವಾಗಿ ಪಂದ್ಯಾವಳಿಯಲ್ಲಿ ಭಾಗವಹಿಸುವ ಪ್ರತಿಯೊಬ್ಬ ಆಟಗಾರನ ವಯಸ್ಸು 40 ವರ್ಷ ದಾಟಿರಬೇಕು.ಪ್ರತಿಯೊಬ್ಬ ಆಟಗಾರನು ತಮ್ಮ ಪಂದ್ಯಾಟದ ಮೊದಲು ಆಧಾರ್ ಕಾರ್ಡನ್ನು ಆಯೋಜಕರಿಗೆ ತೋರಿಸಿ ಕಣಕ್ಕೆ ಇಳಿಯ ಬೇಕಿದೆ.ಪ್ರತಿಯೊಂದು ತಂಡವು ತಮ್ಮ ಪಂದ್ಯ ಆರಂಭಕ್ಕೂ ಮುನ್ನ 30 ನಿಮಿಷ ಮುಂಚಿತವಾಗಿ ಕ್ರೀಡಾಂಗಣದಲ್ಲಿ ಇರತಕ್ಕದ್ದು,
ಶಿವಮೊಗ್ಗ ನಗರದ ಹೆಮ್ಮೆಯ ಹಿರಿಯರ ಕ್ರಿಕೆಟ್ ತಂಡವಾದ ಟ್ರೂ ಮಾಸ್ಟರ್ ತಂಡ ಈ ಪ್ರತಿಷ್ಠಿತ ಪಂದ್ಯಾವಳಿಯನ್ನು ಆಯೋಜಿಸಿದ್ದು, ರಾಜ್ಯದ ವಿವಿಧ ಭಾಗಗಳಿಂದ ಆಯ್ಕೆಯಾದ 8, 40+ ಪ್ರತಿಷ್ಠಿತ ತಂಡಗಳು ಈ ಪಂದ್ಯಾವಳಿಯಲ್ಲಿ ಭಾಗವಹಿಸಲಿವೆ. ಪಂದ್ಯಾವಳಿಗೆ ₹20,000 ಪ್ರವೇಶ ಶುಲ್ಕ ನಿಗದಿಪಡಿಸಲಾಗಿದೆ.
ಈ ಪಂದ್ಯಾವಳಿಯ ಪ್ರಥಮ ಹಾಗೂ ದ್ವಿತೀಯ ಸ್ಥಾನ ಪಡೆದ ತಂಡಗಳಿಗೆ ರಾಜ್ಯದ ಹೆಮ್ಮೆಯ “ಶಾರದ ಸ್ಪೋರ್ಟ್ಸ್ ಶಾಪ್” (ಹಿರಿಯೂರು) ಮಾಲಿಕರಾದ ಶ್ರೀಯುತ ರಾಮು ಅವರು ಆಕರ್ಷಕ ಟ್ರೋಫಿಗಳನ್ನು ಪ್ರಾಯೋಜಿಸಿದ್ದಾರೆ.
ಮೂರು ದಿನಗಳ ಕಾಲ ಅದ್ದೂರಿಯಾಗಿ ನಡೆಯಲಿರುವ ಈ ಕ್ರಿಕೆಟ್ ಮಹೋತ್ಸವವು ಹಿರಿಯ ಆಟಗಾರರ ಪ್ರತಿಭೆ, ಅನುಭವ ಮತ್ತು ಕ್ರೀಡಾಸ್ಫೂರ್ತಿಯನ್ನು ಅನಾವರಣಗೊಳಿಸುವ ವೇದಿಕೆಯಾಗಲಿದೆ. ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸುವ ತಂಡಗಳ ನಡುವಿನ ರೋಚಕ ಹಣಾಹಣಿಯನ್ನು ವೀಕ್ಷಿಸಲು ಕ್ರಿಕೆಟ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
ಪಂದ್ಯಾವಳಿಯನ್ನು ಯಶಸ್ವಿಗೊಳಿಸಲು ಕ್ರಿಕೆಟ್ ಪ್ರೇಮಿಗಳು ಹಾಗೂ ಸಾರ್ವಜನಿಕರು ತನು–ಮನ–ಧನಗಳಿಂದ ಸಹಕಾರ ನೀಡಿ ಪ್ರೋತ್ಸಾಹಿಸಬೇಕೆಂದು ಆಯೋಜಕರಾದ ಟ್ರೂ ಮಾಸ್ಟರ್ ತಂಡ ಮನವಿ ಮಾಡಿದೆ. ಜೊತೆಗೆ ಪಂದ್ಯಾವಳಿಯ ಯಶಸ್ಸಿಗೆ ಕ್ರೀಡಾಭಿಮಾನಿಗಳ ಸಲಹೆ, ಸಹಕಾರ ಮತ್ತು ಉಪಸ್ಥಿತಿ ಅತ್ಯಂತ ಅಗತ್ಯವಾಗಿದ್ದು ಪಂದ್ಯಾವಳಿಯ ಯಶಸ್ವಿಯಾಗಿ ನೆರವೇರಲು ಪ್ರತಿಯೊಬ್ಬರೂ ಸಹಕರಿಸಬೇಕಿದೆ.
ಶಿವಮೊಗ್ಗದಲ್ಲಿ ಹಿರಿಯರ ಕ್ರಿಕೆಟ್ ಸಂಭ್ರಮಕ್ಕೆ ಸಾಕ್ಷಿಯಾಗಲು ಆಗಸ್ಟ್ 14, 15 ಮತ್ತು 16ರಂದು ನವುಲೆಯ ಕೆಎಸ್ಸಿಎ ಮತ್ತು ಜೆಎನ್ಎನ್ಸಿ ಕ್ರೀಡಾಂಗಣಕ್ಕೆ ಆಗಮಿಸಿ ಈ ಕ್ರೀಡಾ ಹಬ್ಬವನ್ನು ಯಶಸ್ವಿಗೊಳಿಸೋಣ.
ಹೆಚ್ಚಿನ ಮಾಹಿತಿಗಾಗಿ ಪಂದ್ಯಾವಳಿಯ ಆಯೋಜಕರಾದ : ಎಸ್ ಡಿ ರಮೇಶ್ – 8660136038.
ರಾಜಿಮೋನ್ – 9480566888
CONTACT: 9844632441 / 9480566888 / 9481245595
