U19 World Cup: ಕಿರಿಯರ ವಿಶ್ವಕಪ್ ಇತಿಹಾಸ ಸೃಷ್ಟಿಸಿದ ಭಾರತ.!ಅತಿಹೆಚ್ಚು ರನ್ ಚೆಸ್ ಮಾಡಿದ ವಿಶ್ವದ ಮೊದಲ ತಂಡ.!
news.ashwasurya.in
ಅಶ್ವಸೂರ್ಯ/ಜಿಂಬಾಬ್ವೆ :ಕಿರಿಯರ ವಿಶ್ವಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡ ಫೈಸಲ್ ಶಿನೋಜಾಡಾ (110) ಮತ್ತು ಉಜೈರುಲ್ಲಾ ನಿಯಾಝೈ (101 ನಾಟ್ ಔಟ್) ಅವರ ಶತಕದ ನೆರವಿನಿಂದ 310 ರನ್ಗಳ ಬೃಹತ್ ಮೊತ್ತವನ್ನು ಕಲೆಹಾಕಿತ್ತು. ಈ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಭರ್ಜರಿ ಪ್ರದರ್ಶನ ತೋರಿ ಇನ್ನೂ53 ಎಸೆತಗಳಿರುವಂತೆ ಭರ್ಜರಿ ಗೆಲುವು ದಾಖಲಿಸಿ ಇತಿಹಾಸ ಸೃಷ್ಟಿಸಿದೆ.!
ಭಾರತದ U19 ಕ್ರಿಕೆಟ್ ತಂಡ ಹೊಸ ಇತಿಹಾಸ ಸೃಷ್ಟಿಸಿದೆ. ಐಸಿಸಿ U19 ವಿಶ್ವಕಪ್ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಚೇಸಿಂಗ್ ಮಾಡಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಎರಡನೇ ಸೆಮಿಫೈನಲ್ನಲ್ಲಿ ಅಫ್ಘಾನಿಸ್ತಾನ ( ನೀಡಿದ್ದ 311 ರನ್ಗಳ ಗುರಿಯನ್ನು ಭಾರತ ಕಿರಿಯರ ತಂಡ 41.1 ಓವರ್ಗಳಲ್ಲಿ ಚೇಸ್ ಮಾಡಿ ಗೆಲುವು ಸಾಧಿಸಿತು. ಇದು ಅಂಡರ್ 19 ವಿಶ್ವಕಪ್ ಇತಿಹಾಸದಲ್ಲೇ ಗರಿಷ್ಠ ರನ್ ಚೇಸ್ ಆಗಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡ ಫೈಸಲ್ ಶಿನೋಜಾಡಾ (110) ಮತ್ತು ಉಜೈರುಲ್ಲಾ ನಿಯಾಝೈ (101 ನಾಟ್ ಔಟ್) ಅವರ ಶತಕಗಳಿಸಿ 310 ರನ್ಗಳ ಬೃಹತ್ ಸ್ಕೋರ್ ದಾಖಲಿಸಲು ನೆರವಾದರು. ಈ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಭರ್ಜರಿ ಪ್ರದರ್ಶನ ತೋರಿ ಇನ್ನೂ53 ಎಸೆತಗಳಿರುವಂತೆ ಗೆಲುವು ಸಾಧಿಸಿತು. ಆರಂಭಿಕ ಬ್ಯಾಟರ್ ಆರನ್ ಜಾರ್ಜ್ 104 ಎಸೆತಗಳಲ್ಲಿ 115 ಹೊಡೆದು ಶತಕ ಸಿಡಿಸಿದರೆ. ವೈಭವ್ ಸೂರ್ಯವಂಶಿ ಕೇವಲ 33 ಎಸೆತಗಳಲ್ಲಿ ಬಿರುಸಿನ 68 ರನ್ ಹೊಡೆದರು ಹಾಗೂ ಮೂರನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿದ ನಾಯಕ ಆಯುಷ್ ಮಾತ್ರೆ 59 ಎಸೆತಗಳಲ್ಲಿ 62 ರನ್ ನೊಂದಿಗೆ ಅರ್ಧಶತಕ ಸಿಡಿಸಿ ಭಾರತಕ್ಕೆ ಸುಲಭ ಜಯ ತಂದುಕೊಟ್ಟರು. ಈ ಗೆಲುವಿನೊಂದಿಗೆ ಭಾರತ ತಂಡ 10ನೇ ಬಾರಿಗೆ ಫೈನಲ್ ಪ್ರವೇಶಿಸಿತು. 2016ರಿಂದ ಇಲ್ಲಿಯವರೆಗೆ ಸತತವಾಗಿ ಭಾರತ ತಂಡ ಫೈನಲ್ ತಲುಪಿದೆ.
ದಾಖಲೆಯ 311 ರನ್ ಗಳ ಗುರಿ ಬೆನ್ನಟ್ಟಿ ಜಯಾ ಸಾಧಿಸಿದ ಭಾರತ .!
ಭಾರತ ಅಂಡರ್ 19 ತಂಡವು ಕೇವಲ 41.1 ಓವರ್ಗಳಲ್ಲಿ 311 ರನ್ಗಳ ಗುರಿಯನ್ನು ಭೇದಿಸಿ ವಿಶ್ವಕಪ್ ಫೈನಲ್ಗೆ ಪ್ರವೇಶಿಸಿತು. ಇದು ಅಂಡರ್-19 ವಿಶ್ವಕಪ್ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ನಿನ ಗುರಿಯಾಗಿದ್ದು ಭಾರತ ತಂಡ ಸುಲಭವಾಗಿ ರನ್ ಕಲೆಹಾಕಿ ಜಯ ಸಾಧಿಸಿದೆ .
2006ರಲ್ಲಿ ನ್ಯೂಜಿಲೆಂಡ್ ತಂಡ ಐರ್ಲೆಂಡ್ ನಿಗದಿಪಡಿಸಿದ 305 ರನ್ಗಳ ಗುರಿಯನ್ನು ಪೂರ್ಣಗೊಳಿಸಿದ್ದು ಇಲ್ಲಿಯವರೆಗಿನ ಅತ್ಯಂತ ಗರಿಷ್ಠ ಚೇಸಿಂಗ್ ಆಗಿತ್ತು. ಆದರೆ 2022ರಲ್ಲಿ, ದಕ್ಷಿಣ ಆಫ್ರಿಕಾ ಬಾಂಗ್ಲಾದೇಶ ನಿಗದಿಪಡಿಸಿದ 294 ರನ್ಗಳ ಗುರಿಯನ್ನು ಯಶಸ್ವಿಯಾಗಿ ಚೇಸ್ ಮಾಡಿ ಗೆಲುವು ಸಾಧಿಸಿತ್ತು. ಇದೀಗ ಎಲ್ಲಾ ದಾಖಲೆಗಳನ್ನ ಭಾರತ ತಂಡ ಮುರಿದುಹಾಕಿ ತನ್ನ ಹೆಸರಿಗೆ ಕರೆದುಕೊಂಡಿದೆ.
ಇಂಗ್ಲೆಂಡ್ vs ಭಾರತ ನಡುವೆ ಫೈನಲ್ ಪಂದ್ಯ
ಮಂಗಳವಾರ ನಡೆದ ಮತ್ತೊಂದು ಸೆಮಿಫೈನಲ್ನಲ್ಲಿ, ಇಂಗ್ಲೆಂಡ್ ಆಸ್ಟ್ರೇಲಿಯಾವನ್ನು ಸೋಲಿಸಿ ಪ್ರಶಸ್ತಿ ಹೋರಾಟದ ಸುತ್ತಿಗೆ ಅರ್ಹತೆ ಪಡೆಯಿತು. ಬುಲವಾಯೊದಲ್ಲಿ ನಡೆದ ಮೊದಲ ಸೆಮಿಫೈನಲ್ನಲ್ಲಿ ಇಂಗ್ಲೆಂಡ್ ಆಸ್ಟ್ರೇಲಿಯಾವನ್ನು 27 ರನ್ಗಳಿಂದ ಸೋಲಿಸಿ ಫೈನಲ್ ತಲುಪಿತು. ಇಂಗ್ಲೆಂಡ್ ಬ್ಯಾಟಿಂಗ್ ಮಾಡಿ ತಮ್ಮ ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ಗೆ 277 ರನ್ ಗಳಿಸಿತು.
ಇಂಗ್ಲೆಂಡ್ ನಾಯಕ ಥಾಮಸ್ ರೀವ್ (107 ಎಸೆತಗಳಲ್ಲಿ 110; 14 ಬೌಂಡರಿಗಳು, 1 ಸಿಕ್ಸ್) ಶತಕ ಗಳಿಸಿದ್ದರು. 278 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಆಸ್ಟ್ರೇಲಿಯಾ ಅಂಡರ್-19 ತಂಡವು 47.3 ಓವರ್ಗಳಲ್ಲಿ 250 ರನ್ಗಳಿಗೆ ಆಲೌಟ್ ಆಯಿತು. ನಾಯಕ ಆಲಿವರ್ ಪೀಕ್ (88 ಎಸೆತಗಳಲ್ಲಿ 100; 10 ಬೌಂಡರಿಗಳು, 1 ಸಿಕ್ಸ್) ಶತಕ ಗಳಿಸಿದರೂ ತಂಡವನ್ನ ಗೆಲುವಿನ ಗಡಿ ದಾಟಿಸಲು ವಿಫಲರಾದರು.
ಶುಕ್ರವಾರ ನಡೆಯಲಿರುವ ವಿಶ್ವಕಪ್ ಫೈನಲ್ನಲ್ಲಿ ಭಾರತ ಮತ್ತು ಇಂಗ್ಲೆಂಡ್ ಮುಖಾಮುಖಿಯಾಗಲಿವೆ. ಇಂಗ್ಲೆಂಡ್ 1998ರಲ್ಲಿ ಕೊನೆಯ ಬಾರಿ ವಿಶ್ವಕಪ್ ಜಯಿಸಿತ್ತು. ಅಲ್ಲಿಂದ ಇಲ್ಲಿಯವರೆಗೆ ಚಾಂಪಿಯನ್ ಆಗಲು ವಿಫಲವಾಗಿದೆ.ಈ ಬಾರಿ ಕಿರಿಯರ ಭಾರತ ತಂಡ ಬಲಿಷ್ಠವಾಗಿದೆ ಪ್ರತಿಯೊಬ್ಬ ಆಟಗಾರರು ಶ್ರೇಷ್ಠ ಮಟ್ಟದ ಆಟವನ್ನು ಪ್ರದರ್ಶಿಸುತ್ತಿದ್ದಾರೆ.ಬ್ಯಾಟಿಂಗ್ ಬೌಲಿಂಗ್ ಮತ್ತು ಕ್ಷೇತ್ರ ರಕ್ಷಣೆಯಲ್ಲಿ ಭಾರತ ತಂಡ ಬಲಿಷ್ಠವಾಗಿದೆ ಈ ಬಾರಿ ವಿಶ್ವಕಪ್ ಗೆಲ್ಲುವ ಎಲ್ಲಾ ಶಕ್ತಿ ಭಾರತ ತಂಡಕ್ಕಿದೆ ಎದುರಾಳಿ ತಂಡ ಎಷ್ಟೇ ರನ್ ಕಲೆಹಾಕಿದರು ಚೆಸ್ ಮಾಡುವ ಶಕ್ತಿ ಭಾರತಕ್ಕಿದೆ ಮತ್ತು ಮೊದಲು ಬ್ಯಾಟ್ ಮಾಡಿದರೆ ದೊಡ್ಡ ಮೊತ್ತವನ್ನು ಕಲೆಹಾಕುವಂತಹ ಶ್ರೇಷ್ಠ ಬ್ಯಾಟ್ಸ್ಮನ್ಗಳು ಭಾರತ ತಂಡಹಲ್ಲಿದ್ದಾರೆ.ಈ ವಿಶ್ವಕಪ್ ಗೆಲ್ಲುವ ಎಲ್ಲಾ ಆವಕಾಶಗಳು ಭಾರತಕ್ಕಿದ್ದು ಏನಾಗಬಹುದು ಎಂದು ಕಾದು ನೋಡಬೇಕಿದೆ..
