IND vs PAK: “ಮಾಡು ಇಲ್ಲವೆ ಮಡಿ” ಪಂದ್ಯದಲ್ಲಿ ಪಾಕಿಸ್ತಾನಕ್ಕೆ ಮುಣ್ಣು ಮುಕ್ಕಿಸಿದ ಭಾರತದ ವೀರ ವನಿತೆಯರು! ರಾಧ ಪಡೆಯ ಸೆಮಿಸ್ ಆಸೆ ಇನ್ನೂ ಜೀವಂತ.!
news.ashwasurya.in
ಅಶ್ವಸೂರ್ಯ/ಬ್ಯಾಂಕಾಕ್ : ಎಸಿಸಿ ಮಹಿಳಾ ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ 2026 ರ ಪಂದ್ಯದಲ್ಲಿ ಪಾಕಿಸ್ತಾನ A ವಿರುದ್ಧ ಭಾರತ A ತಂಡ ಭರ್ಜರಿ ಗೆಲುವು ಸಾಧಿಸಿದೆ.
ಭಾರತ (India) ತಂಡ ಪಾಕಿಸ್ತಾನ (Pakistan) ವನ್ನು 8 ವಿಕೆಟ್ಗಳಿಂದ ಸೋಲಿಸಿ ಮಖಾಡೆ ಮಲಗಿಸಿದೆ.! ಎಸಿಸಿ (ACC) ಮಹಿಳಾ ಏಷ್ಯಾ ಕಪ್ (Asia Cup) ರೈಸಿಂಗ್ ಸ್ಟಾರ್ (Rising Stars) 2026 ರ ಭಾಗವಾಗಿ ಇಂದು (ಭಾನುವಾರ) ಭಾರತ-ಎ ಮತ್ತು ಪಾಕಿಸ್ತಾನ-ಎ ತಂಡಗಳು ಮುಖಾಮುಖಿಯಾಗಿದ್ದವು. ಪಾಕಿಸ್ತಾನ ತಂಡವು ಭಾರತದ ಬೌಲರ್ ಎದುರು ಹೀನಾಯವಾಗಿ ಬ್ಯಾಟಿಂಗ್ ಮಾಡಿ ಕೇವಲ 93 ರನ್ಗಳಿಗೆ ಆಲೌಟ್ ಆಗಿದ್ದಾರೆ.! ಈ ಮೂಲಕ ಟೀಮ್ ಇಂಡಿಯಾದ ಬೌಲರ್ಗಳು (Bowlers) ಉತ್ತಮ ಪ್ರದರ್ಶನ ನೀಡಿದರು.
ನಂತರ, ಭಾರತ ತಂಡವು ಕೇವಲ 10.1 ಓವರ್ಗಳಲ್ಲಿ ಎರಡು ವಿಕೆಟ್ಗಳ ನಷ್ಟಕ್ಕೆ 93 ರನ್ಗಳನ್ನು ಬಾರಿಸಿ ಗೆಲುವಿನ ಗುರಿಯನ್ನು ತಲುಪಿತು. ಸೆಮಿಫೈನಲ್ ತಲುಪಲು ಗೆಲ್ಲಲೇಬೇಕಾಗಿದ್ದ ಈ ಪಂದ್ಯದಲ್ಲಿ ಟೀಮ್ ಇಂಡಿಯಾದ ಬೌಲರ್ಗಳು ಅಮೋಘ ಪ್ರದರ್ಶನ ನೀಡಿದರು.
ಬ್ಯಾಂಕಾಕ್ನ ಟೆರ್ಥೈ ಕ್ರಿಕೆಟ್ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕಿಸ್ತಾನ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಟೀಮ್ ಇಂಡಿಯಾದ ಬೌಲರ್ಗಳು ಆರಂಭದಿಂದಲೇ ಪಾಕಿಸ್ತಾನ ಬ್ಯಾಟರ್ಗಳ ಮೇಲೆ ಪ್ರಾಬಲ್ಯ ಸಾಧಿಸಿದರು.
ಆರಂಭಿಕ ಆಟಗಾರರಾದ ಯುಸ್ರಾ ಅಮೀರ್ (1) ಅವರನ್ನು ಸೈಮಾ ಠಾಕೂರ್ ಔಟ್ ಮಾಡಿದರು. ಒನ್-ಡೌನ್ ಬ್ಯಾಟರ್ ಒಮೈಮಾ ಸೊಹೈಲ್ (1) ಅವರನ್ನು ಜಿಂತಿಮಣಿ ಕಲಿತಾ ಔಟ್ ಮಾಡಿದರು.
ಭಾರತದ ಬೌಲರ್ಗಳು ಪಾಕಿಸ್ತಾನದ ಬ್ಯಾಟಿಂಗ್ ಬಲಕ್ಕೆ ದೊಡ್ಡ ಪೆಟ್ಟು ನೀಡಿದರು. ಪಾಕಿಸ್ತಾನ
ನಾಯಕಿ ಹಫ್ಸಾ ಖಾಲಿದ್ (1) ಅವರ ವಿಕೆಟ್ ಅನ್ನು ಐಮಾ ಕಬಳಿಸಿದರೆ, ನಾಯಕಿ ರಾಧಾ ಯಾದವ್ ಹುರೈನಾ ಸಜ್ಜದ್ (2) ಅವರನ್ನು ಪೆವಿಲಿಯನ್ಗೆ ಕಳುಹಿಸಿದರು. ಎಮಾನ್ ನಾಸಿರ್ (4) ಅವರನ್ನು ಅನುಷ್ಕಾ ಶರ್ಮಾ ರನ್ ಔಟ್ ಮಾಡಿದರು. ವಹೀದಾ ಅಖ್ತರ್ (7) ಅವರನ್ನು ಪ್ರೇಮಾ ರಾವತ್ ಮತ್ತು ಮೊಮಿನಾ ರಿಯಾಸತ್ (4) ಮಿನ್ನು ಮಣಿ ಅವರು ಒಂದೇ ಅಂಕಿಯ ಸ್ಕೋರ್ಗೆ ಸೀಮಿತಗೊಳಿಸಿದರು.
ಪಾಕಿಸ್ತಾನದ ಪರ ಆರಂಭಿಕರಾದ ಶವಾಲ್ ಜುಲ್ಫಿಕರ್ (23) ಮತ್ತು ಗುಲ್ ರುಖ್ (21) ಉತ್ತಮ ಪ್ರದರ್ಶನ ನೀಡಲು ಪ್ರಯತ್ನಿಸಿದರು. ಆದರೆ, ಶವಾಲ್ ಅವರನ್ನು ರಾಧಾ ಯಾದವ್ ಮತ್ತು ಗುಲ್ ಅವರನ್ನು ಪ್ರೇಮಾ ರಾವತ್ ಪೆವಿಲಿಯನ್ ಕಳಿಸುವಲ್ಲಿ ಯಶಸ್ವಿಯಾದರು. ಪಾಕಿಸ್ತಾನ ಎ ತಂಡವು 18.5 ಓವರ್ಗಳಲ್ಲಿ ಕೇವಲ 93 ರನ್ಗಳಿಗೆ ಆಲೌಟಾಯಿತು. ಟೀಮ್ ಇಂಡಿಯಾ ಪರ ಸೈಮಾ ಠಾಕೂರ್, ರಾಧಾ ಯಾದವ್ ಮತ್ತು ಪ್ರೇಮಾ ರಾವತ್ ತಲಾ ಎರಡು ವಿಕೆಟ್ ಕಬಳಿಸಿದರೆ, ಜಿಂತಿಮಣಿ ಕಲಿತಾ ಮತ್ತು ಮಿನ್ನು ಮಣಿ ತಲಾ ಒಂದು ವಿಕೆಟ್ ಪಡೆದು ಭಾರತದ ಗೆಲುವಿಗೆ ಕಾರಣರಾದರು.ಭಾರತ A ವನಿತೆಯರ ತಂಡ ಪಾಕಿಸ್ತಾನದ A ತಂಡವನ್ನು ಭರ್ಜರಿಯಾಗಿ ಸೋಲಿಸಿ ಸೆಮಿಫೈನಲ್ ಹಾದಿಯನ್ನು ಇನ್ನೂ ಜೀವಂತವಾಗಿ ಉಳಿಸಿಕೊಂಡಿದ್ದಾರೆ.
