ರೇಣುಕಾ ಸ್ವಾಮಿ ಹತ್ಯೆ ಪ್ರಕರಣ : ಸಾಕ್ಷಿ ಹೇಳಲು ಕೋರ್ಟ್‌ಗೆ ಹೋದ ದರ್ಶನ್ ದೊಸ್ತಿ ನಟರು: ಗಾಬರಿಗೊಂಡ ಚಿಕ್ಕಣ್ಣ.! ವಿಶ್ರಾಂತಿಗೆ ಸೂಚಿಸಿದ ನ್ಯಾಯಾಧೀಶರು.
news.ashwasurya.in
ಅಶ್ವಸೂರ್ಯ/ಬೆಂಗಳೂರು : ಚಿತ್ರದುರ್ಗ ರೇಣುಕಾಸ್ವಾಮಿ ಹತ್ಯೆ ಪ್ರಕರಣದ ಕೋರ್ಟ್ ವಿಚಾರಣೆಗೆ ಸಂಬಂಧಿಸಿದಂತೆ ಮಹತ್ವದ ಬೆಳವಣಿಗೆಗಳು ನಡೆದಿವೆ. ಮಾಫಿ ಸಾಕ್ಷಿ ಪ್ರದೋಷ್ ವಿಚಾರಣೆ ಮುಂದುವರಿದ ಬೆನ್ನಲ್ಲೆ ಸಹ ನಟರಾದ ಚಿಕ್ಕಣ್ಣ ಹಾಗೂ ಯಶಸ್ ಸೂರ್ಯ ಅವರು ಸಾಕ್ಷ್ಯ ಹೇಳಲು ನಗರದ ಸಿಸಿಎಚ್ ನ್ಯಾಯಾಲಯಕ್ಕೆ ಇಂದು ಮಂಗಳವಾರ ಹಾಜರಾದರು. ವಿಚಾರಣೆ ವೇಳೆ ನಟ ಚಿಕ್ಕಣ್ಣ ಮಾತನಾಡಲು ತಡವರಿಸಿದ್ದು, ಅವರಲ್ಲಿನ ಭೀತಿ ಕಂಡು ನ್ಯಾಯಮೂರ್ತಿಗಳು ಸುಧಾರಿಸಿಕೊಳ್ಳುವಂತೆ ಸೂಚನೆ ಕೊಟ್ಟರು.
ರೇಣುಕಾಸ್ವಾಮಿ ಕೊಲೆಯ ದಿನ ಆರೋಪಿ ದರ್ಶನ್ ತೂಗುದೀಪ್ ಜೊತೆಗೆ ಸ್ಟೋನಿಬ್ರೂಕ್ ಹೋಟೆಲ್‌ನಲ್ಲಿ ಪಾರ್ಟಿ ಮಾಡಿದ್ದಾಗ ಇವರಿಬ್ಬರು ಜೊತೆಗೆ ಇದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಇವರಿಬ್ಬರು ಪ್ರಮುಖ ಸಾಕ್ಷಿದಾರರಾಗಿದ್ದಾರೆ. ಹಿಂದೆಯು ನೋಟಿಸ್ ಪಡೆದು ವಿಚಾರಣೆಗೆ ಕರೆದಿದ್ದ ಚಿಕ್ಕಣ್ಣ ಅವರು ಇದೀಗ ಮತ್ತೊಮ್ಮೆ ಕೋರ್ಟ್ ಕಟಕಟೆಯಲ್ಲಿ ನಿಂತು ಸಾಕ್ಷಿ ನುಡಿದಿದ್ದಾರೆ. ಇತ್ತೀಚೆಗಷ್ಟೇ ಮದುವೆ ಆಗಿರುವ ನಟ ಚಿಕ್ಕಣ್ಣನಿಗೆ ದರ್ಶನ್ ಕೇಸ್ ಮತ್ತಷ್ಟು ಟೆನ್ಶನ್ ನೀಡಿದೆ.
ತಡವರಿಸಿದ ಚಿಕ್ಕಣ್ಣಗೆ ಟೆನ್ಶನ್, 10 ನಿಮಿಷ ರೆಸ್ಟ್!
ಕೋರ್ಟ್ ವಿಚಾರಣೆಗೆ ಹಾಜರಾದ ನಟ ಚಿಕ್ಕಣ್ಣ ಅವರು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸುವ ತಡವರಿಸಿದ್ದಾರೆ. ತೀವ್ರ ಭೀತಿಯಿಂದ ಭಯಪಟ್ಟುಕೊಳ್ಳುತ್ತಿದ್ದಂತೆ, ಅದನ್ನು ಗಮನಿಸಿ ನ್ಯಾಯಮೂರ್ತಿಗಳು 10 ನಿಮಿಷ ಸುಧಾರಿಸಿಕೊಳ್ಳುವಂತೆ ಸೂಚನೆ ಕೊಟ್ಟಿದ್ದಾರೆ. ಅವರ ಅಣತಿಯಂತೆ ಸುಧಾರಿಸಿಕೊಂಡಿದ್ದಾರೆ. ತಮದೇ ಟೆನ್ಶನ್ ಆಗಿದ್ದರ ಕುರಿತು ಸ್ವತಃ ಚಿಕ್ಕಣ್ಣ ತಿಳಿಸಿದ್ದಾರೆ ಎನ್ನಲಾಗಿದೆ.
ಯಶಸ್ ಸೂರ್ಯ ಹೇಳಿದ್ದೇನು?
ಇನ್ನೂ ಗರಡಿ, ಚಿಂಗಾರಿ ಚಿತ್ರದಲ್ಲಿ ನಟಿಸಿರುವ ಯಶಸ್ ಸೂಯ್ ಅವರು ಇಂದು ಕೋರ್ಟ್‌ನಲ್ಲಿ ತಮ್ಮ ಹಾಗೂ ನಟ ದರ್ಶನ್ ನಡುವಿನ ಸಿನಿಮಾ ವಿಚಾರ ಕುರಿತು ಸಂಬಂಧದ ಬಗ್ಗೆ ತಿಳಿಸಿದ್ದಾರೆ. ಅಂದು ಸ್ಟೋನಿಬ್ರೂಕ್ ರೆಸ್ಟೋರೆಂಟ್‌ ನಲ್ಲಿ ನಾವು ಜತೆಗೆ ಕೂತು ಊಟ ಮಾಡಿದ್ದೆ. ಬಳಿಕ ಅಲ್ಲಿಂದ ಹೊರಟು ಹೋಗಿದ್ದೆ. ಸಿನಿಮಾ ವಿಚಾರವಾಗಿ ಮಾತನಾಡಿದ್ದೆವು ಎಂದು ದರ್ಶನ್ ಜತೆಗಿನ ಪರಿಚಯ ಕುರಿತು ವಿವರಿಸಿದ್ದಾರೆ.
ಕುರುಕ್ಷೇತ್ರ, ಚಕ್ರವರ್ತಿ, ಚಿಂಗಾರಿ ಮತ್ತು ಒಡೆಯ ಸಿನಿಮಾ ಸಂದರ್ಭದಲ್ಲಿ ಅವರೊಂದಿಗೆ ಸ್ನೇಹಪರವಾಗಿ ಮಾತನಾಡಿದ್ದೆ. ವಿವಿಧ ಸಿನಿಮಾಗಳಲ್ಲಿ ಒಟ್ಟಾಗೆ ಕೆಲಸ ಮಾಡಿದ್ದೆವು. ಸಿನಿಮಾ ಕುರಿತಂತೆ ತಮಗೂ ಅವರಿಗೂ ಪರಿಚಯವಿದೆ ಎಂದು ತಿಳಿಸಿದ್ದಾರೆ.
ಇನ್ನೂ ಇಂದಿನ ವಿಚಾರಣೆ ವೇಳೆ ಈ ಚಿಕ್ಕಣ್ಣ, ಯಶಸ್ ಖುದ್ದಿ ನ್ಯಾಯಾಲಯಕ್ಕೆ ಹಾಜರಾದರೆ, ನಟ ದರ್ಶನ್ ತೂಗುದೀಪ ಮತ್ತು ನಟಿ ಪವಿತ್ರಾ ಗೌಡ ಅವರನ್ನು ವಿಡಿಯೋ ಕಾನ್ಫ್‌ರೆನ್ಸ್ ಮೂಲಕ ಹಾಜರುಪಡಿಲಾಗಿತ್ತು. ಈ ವಿಚಾರಣೆಯಲ್ಲಿ ಚಿಕ್ಕಣ್ಣ ಹೇಳಿದ್ದೇನು? ಎಂಬ ಮಾಹಿತಿ ಇನ್ನಷ್ಟೇ ಸಿಗಬೇಕಿದೆ.
